Tinutupad ng Busan Universal Rail Incorporated ang kontrata nito sa Department of Transportation o DOT kaugnay sa maintenance ng MRT trains.
Ayon sa nasabing Korean based company, lumaban sila ng patas sa isinagawang bidding para sa maintenance operations ng MRT 3 kaya’t sa kanila naibigay ang kontrata hinggil dito.
Ipinagmalaki pa ng Busan na naayos nila ang mga hindi mapakinabangang tren ng MRT na mula sa labindalawa (12) ay naging dalawampu (20) na ang tumatakbo bago matapos ang 2016.
Sinabi ng Busan na ang mga aberya sa operasyon ng MRT Line 3 ay nadatnan na nila o bago pa man sila pumasok bilang maintenance provider nito.
By Judith Larino
