Iginiit ni House Speaker Allan Peter Cayetano na dapat na laging mapagmatyag ang publiko laban sa anumang uri ng terorismo.
Ayon kay Cayetano, hindi lamang ang Pilipinas kun’di maging sa ibang bansa ay problema pa rin ang terorismo.
Dagdag pa ni Cayetano, hindi lamang ang gobyerno ang nage-evolve kun’di maging ang mga terorista.
Aniya, kung mayroon ang gobyerno na bagong batas, bagong armas o epektibong pamamaraan o istratehiya para labanan ang terorismo sa bansa, magbabago rin ang lahat sa mga terorista kung saan mas lalong nagiging malakas ang pwersa ng mga ito.
