Tila imposible nang ma-reporma pa ang BOC o Bureau of Customs kaya’t dapat na itong buwagin.
Ayon kay House Ways and Means Committee Chair Dakila Carlo Cua, malalim ang ugat ng korapsyon sa Customs, base na rin sa pagdinig kaugnay sa mahigit anim na bilyong pisong shabu shipment na nakalusot sa ahensya.
Sinabi ni Cua na bago pa siguro ipanganak ay talamak na ang katiwalian lalo’t may mga report na ultimo aniya mga janitor at mga nasa clerical services ay bahagi ng sistema ng ‘tara’.
Hindi rin aniya makaka-resolba ng katiwalian ang pagpapalit sa mga opisyal ng customs.
