Matatapos na sa susunod na tatlong linggo ang kapamilya seryeng “Since I Found You” kaya’t ang bidang lalaki rito na si Piolo Pascual ay makapagpo focus na sa paggawa ng pelikula.
Ayon kay Papa P., August 3 na ang last taping day nila ng patok na serye kasama si Arci Muñoz at pagkatapos nito ay gigiling naman na ang camera para sa pelikula nila ni Robin Padilla hinggil sa mga kaganapan sa Marawi.
Si Piolo rin ay isa sa mga producer ng nasabing pelikula na ishu-shoot nila sa Mindanao kung saan ang director ay si Binibining Joyce Bernal.
Natutuwa naman si Piolo o “Nathan Capistrano” sa nasabing serye dahil marami ang nanonood sa kanila ni Arci at napatunayan nilang uubra rin sila ng aktres na magpakilig sa telebisyon.
Bukod sa paggawa ng pelikula, sinabi ni Piolo na mapagtutuunan din niya ang iba pang trabahong nakalinya niyang gawin matapos ang serye nila ni Arci.
