Plano ni French President Emmanuel Macron na suriing muli at amyendahan ang kanilang media legislation para labanan ang pagkalat ng mga fake news sa France.
Ayon kay Macron, kinakailangan ng isang matibay na batas laban sa fake news para maproteksyunan ang demokrasiya sa kanilang bansa.
Dagdag ni Macron, partikular na tututukan sa nasabing batas ang lahat ng klase ng social media lalo na tuwing eleksyon gayundin ang palitan ang tungkulin ng France media watchdog na CSA.
Una nang binabatikos ni Macron ang Russian media dahil sa umano’y pagpapakalat nito ng mga maling impormasyon ukol sa kanya.
—-
