Patay ang isang Barangay Captain na tumatakbong city councilor sa San Fernando sa Pampanga, matapos pagbabarilin ng hindi pa nakikilalang lalaki.
Ayon kay PBGEN Matthew Baccay, Police Director ng Central Luzon, kinilala ang nasawi na si Alvin Mendoza, Chairman ng Barangay Alasas.
Nagmamaneho umano ang biktima kasama ang ilang miyembro ng pamilya, nang barilin sa Purok 3 sa Barangay Magliman.
Bagama’t ligtas ang mga kasama, binawian naman ng buhay si Mendoza habang ginagamot sa San Fernandino Hospital.
Posible namang isailalim ng Election Area of Concern ang lugar dahil sa nangyari.
Sa ngayon, patuloy ang imbestigasyon ng mga otoridad sa insidente.
