Tiniyak ni incoming Press Secretary Trixie Cruz-Angeles na maraming programa ang naghihintay para sa mga miyembro ng media sa ilalim ng administrasyon ni president-elect Ferdinand “Bongbong” Marcos Jr.
Ayon kay Angeles, nagbubuo na ang paparating na administrasyon ng mas pinalawak na polisiya na magbibigay pa ng proteksyon at benepisyo sa mga miyembro ng media.
Aniya, kabilang sa mga ito ang programang makakatulong sa media practitioners na makasabay sa nagpapatuloy na COVID-19 pandemic gayundin ang ilang panukala para mapangalagaan ang kapanaan ng mga ito.
Pero inihayag ni Angeles na mananatili pa rin naman daw ang Presidential Task Force on Media Security (PTFoMs) ng Duterte administration na nakatuon naman sa pag-atake sa mga mamamahayag.
