Posibleng mabangkarote ang Philippine Red Cross (PRC) dahil sa pagkakautang ng PhilHealth na halos umabot sa P1B.
Ayon kay PRC Chairman Sen. Richard Gordon, kinakailangan ngayong magtipid ng husto sa pondo ng red cross dahil sa napakalaking halaga na hindi pa nababayaran ng PhilHealth sa pagsasagawa nila ng COVID-19 testing.
Giit ni Gordon nangako ng nangako ang PhilHealth na babayaran ang lahat ng pumapasok na COVID-19 test na sakop ng kanilang insurance ngunit hanggang sa tumagal ay lumaki na ang halaga nito.
Sa oras aniya na mabayaran na ang utang at mag-resume na ang kanilang swab testing na bayad ng PhilHealth maghihigpit na sila sa kontra kung saan kada test na kanilang gagawin dapat ay bayad na agad ito sa loob ng tatlong araw.