Nagpaalala ang ilang sementeryo sa publiko kaugnay sa mga panuntunang ipinatutupad sa kanilang pagdalaw sa kanilang mga yumaong mahal sa buhay.
Ayon kay Raffy Mendez, Administration Director ng Manila South Cemetery, alinsunod sa panuntunang ipinatutupad ng Inter Agency Task Force, pinapayagan lang pumasok ng sementeryo ang nasa edad 15 hanggang 65.
Maliban dito bawal din umano ang buntis at iba pang kabilang sa madaling mahawaan ng sakit.
Kasabay nito, nagpaalala rin ang pamunuan ng sementeryo kaugnay sa pagsunod sa mga ipinatutupad na health measures upang maiwasan ang pagkalat ng COVID-19.
