Nangako si Bureau of Corrections Director General Gerald Bantag kay Justice Sec. Menardo Guevarra na kaniyang ipapaliwanag ang dahilan ng pagsasara sa kalsada sa bahagi ng Katarungan Villages One at Two Barangay Poblacion, Muntinlupa City.
Kasunod ito ng hindi pagsipot ni Bantag sa ginawang pagpapatawag sa kaniya ng DOJ matapos makaranas ng pananakit sa bahagi ng kanyang tiyan.
Ayon kay Bantag kaniyang isusumite ang kanyang paliwanag kaugnay sa naturang usapin. —sa panulat ni Angelica Doctolero
