Posibleng makapasok sa bansa ang foreign business travelers kapag niluwagan na ang quarantine restrictions sa modified general community quarantine (MGCQ).
Ayon kay Tourism Undersecretary Bong Bengzon, bahala na ang Inter-Agency Task Force (IATF) na magpasya kung papayagan ang mga dayuhang business travelers na makapasok sa bansa.
Uubra naman na aniyang makapasok ang foreign business travelers kapag naging MGCQ na ang halos karamihan ng mga lugar sa bansa.
Umarangkada na ang transmission study project ng Philippine Council for Health Research and Development (PCHRD) at Research Institute for Tropical Medicine (RITM) para matukoy kung paano naipapasa at kumakalat ang coronavirus disease 2019 (COVID-19).
Ipinabatid ni Department of Science and Technology Secretary Fortunato Dela Peña na nakatanggap ng halos P5-milyong budget ang nasabing proyekto.
Sinabi ni Dela Peña na ang makukuhang datos mula sa pag-aaral ang pagbabasehan sa pagbuo ng mga bagong panuntunan para sa isolation, contact tracing at disease and prevention control ng mga kaso ng sakit.
Ibabahagi aniya ang mga nasabing datos at impormasyon sa Department of Health (DOH) para makatulong sa mga gagawin nitong polisiya at istratehiya laban sa pagkalat ng nasabing sakit.
Uubra nang makapagbiyahe at magtrabaho sa abroad ang mga Pilipino.
Kasunod rin ito, ayon sa Department of Foreign Affairs (DFA), ng pagtatapos ng lockdown na pinairal sa iba’t ibang bansa dahil sa coronavirus disease 2019 (COVID-19).
Ayon sa DFA, 26 na bansa na kabilang ang Amerika, Japan, Malaysia at Singapore ang tumatanggap at nagpapapasok sa mga Filipino worker.
Samantala, tanging ang mga Pinoy lamang na may trabaho at residency visa ang pinapayagan naman ng Hong Kong na makapasok sa kanilang bansa.
Nadagdagan pa ng 56 ang bilang ng mga nag positibong Pilipino sa coronavirus disease 2019 (COVID-19) sa ibang bansa.
Ayon sa Department of Foreign Affairs (DFA) hanggang kahapon, June 26 umakyat na sa 8,417 ang mga kumpirmadong positibo sa COVID-19 na Pilipino mula sa 57 bansa at rehiyon.
Sa naturang bilang 2,800 ang patuloy na ginagamot sa ibat ibang ospital.
Pumapalo na sa 5,081 ang bilang ng mga Pilipinong naka-recover mula sa nasabing sakit at naitala ang dalawamput tatlong bagong nasawi kayat nasa limandaan at tatlumput anim na ang bilang ng mga Pilipino abroad na nasawi dahil sa COVID-19.
Pinakamaraming naitalang confirmed COVID-19 positive na Overseas Pinoy sa bahagi ng Middle East/Africa na may 6, 167 cases sumunod ang Europa – 970 cases, Americas – 685 cases at Asia Pacific Region – 595.
Tiniyak ng DFA na sa pamamagitan ng foreign service posts tututukan ang kondisyon ng mga Pinoy sa ibang bansa at handang bigyan ng ayuda ang mga pilipino na apektado ng COVID-19 pandemic.
Handa na ang Senado na muling magdaos ng special session para maipasa ang Bayanihan to Heal as One (BAHO) 2 law.
Tiniyak ito ni Senate Majority Leader Juan Miguel Zubiri na nagpaalala hinggil sa pagkakalusot na sa second reading ng resolusyon para sa extension nang nag expire na batas bagamat hindi naman ito sinertipikahang urgent ng Pangulong Rodrigo Duterte kayat inabot na ng Sine Die Adjournment ng Kongreso.
Sinabi ni Zubiri na tatalima sila kapag nagpatawag ang malakaniyang ng special session bilang pagtupad sa tungkulin nila bilang mga mambabatas.
Binigyang diin ni Zubiri ang kahalagahan ng batas para tugunan ng gobyerno ang lahat ng mga pangangailangan ngayong nagpapatuloy ang COVID-19 pandemic.
Inihirit lamang ni Zubiri sa malakankiyang na ilatag na ang mga partikular na kahilingan nito upang kaagad nang matalakay ang pagpapalawig ng batas at hindi masayang ang panahon.
Nagpaabot ng pakikiramay ang Malakaniyang sa pamilya ni dating Senador Ramon Revilla, Sr.
Ayon kay Presidential Spokesman Harry Roque nakikiramay ang Palasyo sa naiwang pamilya ng dating senador na pumanaw kahapon sa edad na 93.
Sinabi ni Roque na ang dating senador na kilala rin bilang hari ng agimat ay itinuturing na isa sa mga haligi ng industriya ng pelikulang Pilipino bago ito pumasok sa pelikula.
Nang mahalal na senador si Revilla Sr. Ay kinilala bilang Father of The Public Works Act bilang may akda ng Republic Act 8150 o Public Works and Highways Infrastructure Program Act of 1995.
Inanunsyo ni Cebu City Mayor Edgardo Labella ang pag-iisyu ng bagong quarantine pass sa 80 barangay sa lungsod.
Kasunod na rin ito nang pagbawi sa quarantine pass na una nang ipinalabas ng lokal na pamahalaan.
Sinabi ni Labella na sa ilalabas na bagong quarantine pass isang tao lamang kada bahay ang papayagang lumabas para bumili ng pagkain, gamot at iba pang essential items at mayruong itinakdang araw sa paggamit ng quarantine pass depende sa numero sa QR code.
Ang mga mayruong odd numbers QR codes ay u ubrang lumabas ng lunes, miyerkules at biyernes habang ang even numbers naman ay Martes, Huwebes at Sabado 6:00 a.m. ng umaga hanggang 7:00 p.m. ng gabi.
Ipinabatid ni Labella na pinulong na nina DENR Secretary Roy Cimatu at Visayas Deputy Chief Implementer Mel Feliciano ang lahat ng kapitan ng mga barangay sa kanilang lungsod.
Tuluy-tuloy ang Senior High School Voucher Program (SHSVP).
Tiniyak ito ng Department of Education (DepEd) sa gitna na rin nang paghahanap nila ng pondo para sa Grade 10 na papasok sa SHS.
Sinabi ng DepEd na malaking hamon sa kanila ang nasabing programa bagamat isinasapinal na nila ang patuloy na implementasyon nito subalit nangangailangan lamang sila ng mga dagdag na impormasyon base sa enrollment sa paparating na school year.
Inaasahan nila aniyang ang resulta ng learner enrollment and survey forms (LESF) ang makapagbibigay ng mga kinakailangang impormasyon at magbubukas sa application para sa SHS VP ngayong school year Kapag nakuha na nila ang mga mahahalagang impormasyon at mayruon nang pondo para rito.
Irespeto ang judicial system ng Pilipinas.
Ito ayon kay Presidential Spokesman Harry Roque ang dapat gawin ng 11 United Nations special rapporteurs na humihimok na parusahan an mga opisyal ng Pilipinas na umanoy nakagawa o nabigong pigilan ang human rights abuses sa bansa.
Pinanindigan ni Roque ang posisyon ng gobyerno na gumagana at mayruong independent judiciary ang bansa na lumilitis sa human rights violators.
Mayruon aniyang batas sa Pilipinas laban sa torture at Enforced disappearances at Enforces International Humanitarian law at penal laws para protektahan at i-promote ng karapatang pantao na nakapaloob sa konstitusyon.
Binigyang diin ni Roque na sa piskalya ng Pilipinas dapat isampa ang anumang reklamo laban sa sinumang opisyal ng gobyerno at hindi sa dayuhang hukuman dahil maituturing na paglabag sa soberanya ng bansa kung dudulog ang sinuman sa international court gayung gumagana naman ang justice system ng Pilipinas.
Isang araw lamang nanatili sa bansa ang dating board member ng German payments company na Wirecard.
Ayon ito kay Department of Justice (DOJ) Secretary Menardo Guevarra na nagsabing si Jan Marsalek ay dumating sa Pilipinas nitong nakalipas na Martes at umalis din kinabukasan pa China mula sa Cebu City.
Gayunman ipinabatid ni Guevarra na walang CCTV footage na dumating sa bansa si Marsalek at wala ring record ng anumang biyahe pa-China na nakatakda ng umaga ng June 24 mula sa Cebu.
Iniimbestigahan na aniya ng Bureau of Immigration (BI) ang mga tauhan nilang naka assign sa management information system at mananagot ang posibleng dawit sa insidete para iligaw ang mga naghahabol kay Marsalek.
Samantala inimbitahan na ng NBI ang isang Atty. Mark Khristopher Tolentino para magpaliwanag sa umanoy pagkakasangkot niya sa kontrobersya sa Wirecard.
Sa Lunes, June 29 pinahaharap ng NBI si Tolentino na umanoy itinalagang trustee ng wirecard para magbukas ng anim na escrow account sa mga bangko sa Pilipinas ng pera ng kumpanya na nasa 1.9 billion euros o 2.1 billion dollars.
Inihayag naman ni Tolentino na na frame up lamang siya at biktima ng identity theft.