Judith Estrada-Larino

Pinalawig ng dalawang buwan ng  Civil Service Commission (CSC) ang deadline sa paghahain ng Statement of Assets, Liabilities and Net Worth (SALN)worth ng public officials at employees dahil sa coronavirus disease 2019 (COVID-19) pandemic.

Nilagdaan ni CSC Chair Alicia Dela Rosa-Bala ang memorandum kung saan nakasaad na August 31 na sa halip na June 30 ang deadline sa filing ng SALN.

Sinabi ni bala na pinapayagan na ang online oath taking at online filing ..base na rin sa stay at home policies at distancing protocols ng gobyerno dahil sa COVID-19 pandemic.

Sa pamamagitan ito ng video conferencing sa pag administer sa taong magdedeklara ng kaniyang SALN.

Winelcome ng Department of Education (DepEd) ang pagkakaapruba ng Republic Act 11476 Good Manners and Right Conduct and Values Education (GMRC) act.

Kasunod na rin ito nang pagpapasalamat ng DepEd sa Pangulong Rodrigo Duterte at mga mambabatas na nagsulong ng GMRC law.

Sinabi ng DepEd na makakatulong ang batas para ma-empower ang mga kabataan at makapagambag sa nation building habang napo-protektahan ang kanilang physical, moral, spiritual, intellectual at social well-being.

Malaking bagay anito ang pagsasabatas ng ra 11476 bagamat mayruong mga aralin hinggil sa GRMC at Values education sa ilalim ng K to 12 program.

Nahaharap sa mas malaking gastusin ang mga pribadong paaralan para lamang makasunod sa mga panuntunan ng Department of Education (DepEd) sa ilalim ng new normal.

Kabilang sa mga ginagastusan ng private schools ayon kay Atty. Joseph Noel Estrada, managing director ng Coordinating Council of Private Educational Associations of the Philippines (COCOPEA) ang pagbili ng mga kinakailangang gamit at pagbibigay ng training sa mga guro.

Sinabi ni Estrada na mandatory ang direktiba ng DepEd na kung mago-online ang isang paaralan kailangang sumunod sa learner management systems at kailangan lahat ng guro ay mayruong laptop at gadget bukod pa sa pagkakaruon ng help desk buong linggo.

Natural lamang naipasa ang mga gastusing ito sa mga magulang kung walang tulong na maibibigay ang gobyerno.

Inihayag ni estrada na kontra ang nasabing polisiya ng DepEd sa apela nito sa private schools na huwag ituloy ang pagtataas ng matrikula gayung apektado rin naman ng coronavirus disease 2019 (COVID-19) pandemic ang mga paaralang ito.

Una nang ipinabatid ng DepEd  ang pakikipagpulong nila sa susunod na linggol sa mga pribadong paaralan kaugnay sa checklist na ibinigay nila sa mga ito para sa learning delivery modalities sa learning continuity plan.

Ipinagpaliban ng Professional Regulation Commission (PRC) ang licensure examinations na nakatakdang isagawa mula ngayong Hunyo hanggang Agosto.

Sa halip ang mga naturang board exams ayon sa PRC ay gagawin na lamang sa susunod na taon para makaiwas na rin sa problema sa coronavirus disease 2019 (COVID-19).

Kabilang sa mga suspendidong licensure examinations ang environmental planners, guidance counselors, interior designers, landscape architects, mining engineers, nutritionist-dietitians, psychologist, psychometricians.

Bukod pa ito sa board exam para sa social workers, veterina\rians, master plumbers, mechanical engin eers and certified plant mechanics, medical technologists, occupational therapists, physical therapists at sanitary engineers.

Pinayuhan ng PRC ang mga kukuha ng pagsusulit na regular na i-check sa kanilang website at official social media accounts ang bagong petsa ng mga nasabing licensure examinations.

Todo-todo na ang paghahanda ng Department of Tourism (DOT) para buksan muli ang mga tourist destinations sa ibat ibang lugar sa bansa.

Ipinabatid ni Tourism Secretary Bernadette Romulo-Puyat na nakikipag ugnayan na sila sa local government units para sa domestic tourism sa ilalim ng tinatawag na new normal gayundin sa mga establishments hinggil sa tourism related opening na unti unti nilang isinasagawa upang mabuhay muli ang turismo sa bansa.

Sa mga restaurant establishments sinabi ni Puyat na mayruon na rin silang ugnayan sa DTI at DOLE sa pag accredit ng mga restaurants.

Tiwala si Puyat na sa kabila ng pandemic ay marami ang magpapa accredit dahil sa pag waive sa accreditation fees para sa tourism related establishments.

Sa ilalim naman aniya ng general community quarantine (GCQ) ay uubfra nang magbukas ang turismo ng limampung porsyento tulad ng boracay na nagbukas nitong nakalipas na Hunyo 16 para lamang sa domestic tourism.