Judith Estrada-Larino

Nilagdaan na ng Pangulong Rodrigo Duterte ang panukalang batas na nagsasama sa Good Manners and Right Conduct (GMRC) classes sa K to 12 program.

Ipinabatid ito ni Senate Majority Floorleader Juan Miguel Zubiri, pangunahing may akda ng nasabing panukala.

Pinapurihan ni Zubiri ang aniya’y napapanahong pag apruba sa panukala  at tiwala siyang makakabuo ang Department of Education (DepEd) ng implementing rules and regulations (IRR) para makaabot sa pagbubukas ng klase sa darating na Agosto.

Sinabi ni Zubiri na ngayong ikinakasa ang distance learning higit na magiging mahalaga para sa mga estudyante na mabigyan ng makatuwirang paggabay sa pamamagitan ng GMRC at values education.

Isa pang coronavirus disease 2019 (COVID-19) laboratory ang binigyan ng go signal ng Department of Health (DOH) para makapag-operate.

Inilabas ng Manila Public Information Office ang inisyung license to operate sa COVID-19 laboratory ng Sta. Ana Hospital na kayang mag proseso ng 200 swab tests kada araw.

Natutuwa ang Manila City Government sa  nasabing hakbang ng DOH para mapaigting pa ang mass testing operations ng maynila upang labanan ang COVID-19.

Epektibo ang nasabing lisensya ng ospital bilang COVID-19 laboratory hanggang December 31, 2020.

Umakyat na sa 33,069 ang kumpirmadong kaso ng coronavirus disease 2019 (COVID-19) sa bansa.

Ayon kay Department of Health (DOH)  Undesecretary Maria Rosario Vergeire  778 ang naitalang nadagdag na  kaso ng COVID-19 kayat pumapalo na sa 33,069 ang kabuuang kumpirmadong kaso ng COVID-19 hanggang kahapon, June 25.

Sa mga nadagdag na kaso  415 ay fresh cases at 363 ang late cases.

Samantala walo naman ang nadagdag sa ngayoy kabuuang death toll na nasa 1,212 na.

Ipinabatid pa ng DOH na 255 ang mga bagong gumaling mula sa naturang sakit kayat umakyat na rin sa 8,910 ang total recoveries ng COVID-19 sa Pilipinas.

Hindi hahayaan ng gobyerno na ma-bankrupt o malugi ang OWWA at maging ang PhilHealth sa gitna ng coronavirus disease 2019 (COVID-19) pandemic.

Ayon ito kay Presidential Spokesman Harry Roque lalo nat pabor ang mga senador na bigyan ng P5-B supplemental budget ang OWWA.

Una nang ibinunyag ni OWWA Administrator Hans Cacdac na maaaring masimot na ang pondo ng ahensya sa 2021 kapag nagtuluy tuloy ang COVID-19 pandemic dahil malaking pondo ang napupunta sa mga OFW na apektado ng pandemya.

Nababahala ang Pangulong Rodrigo Duterte sa mataas na singil ng Meralco sa panahon ng coronavirus disease 2019 (COVID-19) pandemic.

Ayon ito kay Presidential Spokesman Harry Roque matapos makaabot sa pangulo ang mga reklamo ng ilang pamilya na nakatanggap ng mataas na electric bill sa nakalipas na tatlong buwan.

Sinabi ni Roque na nalulungkot ang pangulo na pahirap na naman ang mataas na singil sa mga Pilipino kayat nagpadala na rin naman ng show cause order ang energy regulatory board sa meralco para magpaliwanag sa usapin.

Subalit ipinabatid ni Roque na naiintindihan naman ng palasyo ang pagtaas ng bill dahil sa ipinatupad na lockdown.

Magsasagawa ng dry run ang Department of Education (DepEd)  hinggil sa blended forms of learning bago magbukas ang klase sa August 24.

Ipinabatid ito ni Education Undersecretary Tonisito Umali bilang commitment sa Pangulong Rodrigo Duterte.

Tiwala si Umali na magiging sapat ang kahandaan ng education sector bago pormal na  magbukas ang school year 2020-2021.

Ito aniya ay bagamat hindi pa naku kumpleto ang training ng mga gurp para sa distance learning at maging ang printing ng self learning modules na sisimula pa lamang sa susunod na buwan.

Kasabay nito umaapela ang  DepEd sa pamunuan ng mga pribadong paaralan na ipagpaliban muna ang pagtataas ng matrikula ngayong pasukan bilang kunsiderasyon na rin lang sa mga magulang at mag aaral na nahaharap sa problemang pinansiyal dulot ng coronavirus disease 2019 (COVID-19) pandemic.

Binigyang diin ng DepEd na nauunawaan nila ang pangangailangang ma sustain ang mga gastusin ng mga pribadong paaralan subalit dapat matiyak na mananatiling abot kaya at dekalidad ang edukasyon para sa lahat ng mag aaral.