Author

Judith Estrada-Larino

DWIZ 882

12 barangay sa Cebu City isasailalim sa strict lockdown

Natukoy na ang 12 barangay sa Cebu City na isasailalim sa strict lockdown bilang hotspots ng coronavirus disease 2019 (COVID-19).

Sinabi ni Environment Secretary Roy Cimatu na160 miyembro ng Special Action Force at 200 pulis ang ipapakalat nila bilang dagdag na puwersa para maipatupad ang community quarntine measures sa lungsod.

Kabilang sa mga barangay na isasailalim sa strick lockdown ang Sambag 2, Kamputhaw, Sambag 1, Basak San Nicola, Mabolo, Guadalupe, Lahug, Duljo Fatima, Tinago, Tisa, Ermita A Tejero.

Ang mga naturang barangay aniya ay nakapagtala ng mataas na bilang ng kumpirmadong kaso ng COVID-19.

June 25, 2020 0 comment

NATIONAL NEWS

Pagpapalabas ng allowance para sa mga volunteer gov’t employees sa mga COVID-19 centers ipinag-utos ni Duterte

written by Judith Estrada-Larino

Ipinag-utos ng Pangulong Rodrigo Duterte ang pagpapalabas ng allowance para sa mga empleyado ng gobyerno na nagvo-volunteer mag trabaho sa coronavirus disease 2019 (COVID-19) swabbing center at test results processing facilities sa bansa.

Nakasaad sa inisyung Administrative Order 31 ng pangulo na kada empleyado ng gobyerno ay makakatanggap ng COVID-19 duty allowance na P500.000 kada araw bukod sa maximum na 25 percent ng monthly basic salary (MBS) nito habang nasa quarantine period.

Ang maximum na 25 % ng MBS ay prorated base sa bilang ng mga araw na ang isang tauhan ng gobyerno ay naka-deploy sa designated facility sa kasagsagan ng quarantine period.

Ang pagbibigay ng COVID-19 duty allowance ay epektibo mula sa pagsisimula ng operasyon ng mega swabbing facilities at iba pang swabbing at test results processing facilities.

Kabilang sa apat na mega swabbing centers ay nasa Palacio De Maynila Sa Pasay City, Enderun tent sa Taguig City, Mall Of Asia Arena sa Pasay City at Philippine Sports Stadium sa Philippine Arena Sa Bulacan.

Nilinaw sa direktiba na ang mga tauhang dapat makatanggap ng hazard pay at iba pang kaparehong benepisyo ay patuloy ding makakatanggap nito o kung ano ang mas mataas.

June 25, 2020 0 comment

HEADLINES

Kapalaran ng NCR sa community quarantine matapos ang Hunyo 30 maaga pa para malaman —DILG

written by Judith Estrada-Larino

Maaga pa para malaman ang kapalaran ng National Capital Region (NCR) kung ibabalik ito sa modified ECQ o isasailalim na sa modified GCQ matapos ang Hunyo 30.

Ayon ito kay Department of Interior and Local Government (DILG) Secretary Eduardo Año dahil mayruon pa namang ilang araw bago mag Hulyo 1 para ma i-tally ang lahat ng kaso ng coronavirus disease 2019 (COVID-19).

Titingnan muna aniya nila ang report ng technical working group hinggil sa data analytics bago magpasya sa magiging sitwasyon ng metro manila simula Hulyo 1.

June 25, 2020 0 comment

NATIONAL NEWS

DOTr dinoble ang equity subsidy para sa mga PUV operators na makikiisa sa modernization

written by Judith Estrada-Larino

Dinoble ng Department of Transportation (DOTr) ang equity subsidy para sa mga operators na makikiisa sa public utility vehicle (PUV) modernization program.

Sa nilagdaang department order ni Transportation Secretary Arthur Tugade gagawin nang P160,000 kada unit ng modern jeep ang ibibigay na ayuda ng gobyerno sa mga PUV operator na mayruong valid franchise.

Kasama rin dito ang PUV operators na nag-aapply para sa bagong ruta sa ilalim ng omnibus franchising guidelines.

Sinabi ni tugade na layon nitong matulungan ang mga driver at operator na makaagapay sa transition ng mga luma at bulok na jeep tungo sa modern jeepneys lalo na ngayong panahon ng coronavirus disease 2019 (COVID-19) pandemic.

Kabilang sa kuwalipikado sa pinataas na equity subsidy ang mga na apply nuon pang Hulyo 31, 2018.

June 25, 2020 0 comment

NATIONAL NEWS

Comelec hindi na nag-iisyu ng voter’s ID —Spox

written by Judith Estrada-Larino

Ipinaalala ng Commission on Elections (Comelec) sa publiko na hindi na ito nag-iisyu ng voters ID.

Kasunod na rin ito nang pagkalat ng mga pekeng voter’s id matapos arestuhin ng nbi ang dalawa kataong sangkot umano sa paggawa at pagbebenta online ng mga pekeng voter’s id.

Sinabi ni Comelec Spokesman James Jimenez na itinigil na nila ang pag-iisyu ng voter’s ID dahil sa inaasahang paglulunsad na rin ng national id system kayat scammer ang nagke claim na makakapag produce ng comelec issued voter’s ID.

Hinimok ni Jimenez na kaagad magsumbong sa kanilang tanggapan kapag inalok ng voter’s ID.

June 25, 2020 0 comment

HEADLINES

Pamilya ni Dormitorio hindi kuntento sa naging desisyon ng prosecutor

written by Judith Estrada-Larino

Hindi kuntento ang pamilya Dormitorio sa desisyon ng prosecutor na huwag nang magsampa ng kasong kriminal laban sa mga sangkot sa pagkamatay ni Philippine Military Academy (PMA) Cadet Foruth Class Darwin Dormitorio.

Ayon kay Dexter Dormitorio kapatid ni Darwin at tagapagsalita ng pamilya bigo ang Baguio City prosecutors office na maikunsider ang aniya’y overwhelming evidence laban sa lahat ng mga respondents.

Naging selective aniya at hindi buong buong naipatupad ang Anti-Hazing Law of 2018 sa kaso ng kaniyang kapatid.

Sinabi ni Dexter na hangad lamang nila ay hustisya para sa pinatay niyang kapatid subalit dahil sa nasabing resolusyon ay hindi na nila ito makakamit.

Ipinabatid ni Dexter na nirerepaso na nila ang resolusyon at ikukunsider nila ang lahat ng posibleng legal options para rito.

Una nang nagpasya ang prosecutor na ibasura ang kaso laban kina Cadets Axl Rey Sanopao, Rey David John Volante, John Vincent Manalo at Tactical Officers Major Rey Bolo at Capt. Jeffrey Batistiana dahil sa kawalan ng probable cause.

Nilinis din ng prosecutors sina dating PMA Superintendent Lt General Ronnie Evangelista at dating Cadet Commandant Brigadier General Bartolome Bacarro dahil din sa kawalan ng probable cause.

Mahaharap naman sa hazing at murder sina Cadets Shalimar Imperial, Jr. At Felix Lumabag, Jr. Samantalang si Cadet Julius Carlo Tadena ay mahaharap sa hazing at less serious physical injuries at si Cadet Christian Zacarias ay mahaharap sa slight physical injuries.

Pinakakasuhan din ng murder sina dating PMA Station Hospital Chief Lt Col Ceasar Candelaria at medical officers Capt. Flor Apple Apostol at Major Maria Ofelia Beloy.

June 25, 2020 0 comment

RONDA PROBINSYA

Pag-iisyu ng mga LSIs na travel authority patungong Eastern Visayas suspendido muna

written by Judith Estrada-Larino

Suspendido muna ng dalawang linggo ang pag-iisyu ng travel authority para sa mga locally stranded individuals (LSI)’s patungong Region 8 o Eastern Visayas.

Ayon ito kay Joint Task Force COVID Shield Commander Police Lt. General Guillermo Eleazar batay na rin sa direktiba ni Department of Interior and Local Government (DILG) Secretary Eduardo Año kasunod ng kahilingan ng mga local chief executives sa Region 8.

Una nang nagreklamo ang local officials sa Eastern Visayas sa pagtaas ng coronavirus disease 2019 (COVID-19) cases sa kanilang mga lugar matapos dumating ang LSI’s.

Sinabi ni Año na pinaboran niya ang panukala ng local officials sa Region 8 na mag declog muna sa kanilang quarantine facilities bago tumanggap ng LSI’s kayat lahat ng pupunta sa Eastern Visayas ay iipunin muna bago ihatid ng barko.

June 25, 2020 0 comment

HEADLINES NATIONAL NEWS

4-M Pinoy nanganganib mawalan ng trabaho ngayong taon —DOLE

written by Judith Estrada-Larino

Tinatayang 4-milyong Pilipino ang nanganganib mawalan ng trabaho ngayong taon bilang epekto ng coronavirus disease 2019 (COVID-19) pandemic.

Ipinabatid ito ni Labor Secretary Silvestre Bello III sa pagdinig ng senado kung saan ang nasabing bilang ay 10% hanggang 15% ng kabuuang workforce.

Gayunman, inihayag ni Bello na tinututukan din nila ang posibleng pagdami ng empleyado sa Business Process Outsourcing (BPO) at maging sa construction industry na babalanse sa mga mawawalan ng trabaho.

Magugunitang lumabas sa labor force survey ng Philippine Statistics Authority (PSA) ang anito’y record-high unemployment rate na 17.7% noong Abril na katumbas ng 7.3-milyong Pilipinong walang trabaho.

June 25, 2020 0 comment

HEADLINES NATIONAL NEWS

NBI, BI pinakikilos na para imbestigahan ang mga sangkot sa Wirecard scandal

written by Judith Estrada-Larino

Ipinag-utos na ni Justice Secretary Menardo Guevarra sa Bureau of Immigration (BI) na imbestigahan ang ilang indibidwal na dawit sa Wirecard scandal na umano’y nag resulta sa pagkawala ng €1.9-bilyon katumbas ng $2.1-bilyon o mahigit P1.7-trilyon.

Sinabi ni Guevarra na pinakilos na rin niya ang National Bureau of Investigation (NBI) para makipag-ugnayan sa Anti-Money Laundering Council para malaman ang posibilidad ng money laundering sa naturang usapin.

Subalit ibinunyag ni Guevarra ang nadiskubre nila aniyang kakaiba sa BI data base na kailangan pa rin naman nilang busisiin pa.

Batay naman sa record ng BI, dumating sa bansa si Jan Marsalek, chief operating officer ng Wirecard, noong ika-3 ng Marso subalit umalis din ng ika-5 ng Marso bagamat may indikasyong posibleng bumalik ito sa bansa at naririto pa sa Pilipinas sa ngayon.

Lunes nang itanggi ng Wirecard, isang German payment processor, na chief operating officer (COO) nila si Marsalek matapos lumutang ang usaping may nawawalang $2-bilyon sa kanilang balanced sheet na hindi naman umano talaga nag-eexist.

Pineke naman umano ng ilang bangko sa Pilipinas kabilang ang Bank of the Philippine Islands (BPI) at BDO ang mga dokumento kaugnay sa transaksyon upang palabasing hawak nila ang nawawalang pera.

Una nang inihayag ng Bangko Sentral ng Pilipinas (BSP) na ang nawawalang pera na umano’y idineposito sa dalawang bangko ay hindi nakapasok sa local financial system ng bansa.

June 25, 2020 0 comment

HEADLINES RONDA PROBINSYA

Mga sangkot sa pagkamatay ni Dormitorio kinasuhan na

written by Judith Estrada-Larino

Kinasuhan na ng Baguio City Prosecutors Office ang ilang kadete ng Philippine Military Academy (PMA) na sangkot sa pagkamatay ni Cadet Fourth Class Darwin Dormitorio.

Sina PMA 3^rd Class Cadets Shalimar Imperial at Felix Lumbag, Jr. ay sinampahan ng kasong paglabag sa Section 14 ng Republic Act 11053 o anti-hazing law dahil sa naging partisipasyon sa pagsasalang sa hazing na ikinamatay ni Dormitorio.

Bukod ditto, nahaharap din sa kasong murder sina Imperial at Lumbag kasama sina Capt. Flor Apple Apostol, Major Maria Ofelia Beloy at Lt. Col. Ceasar Candelaria ng PMA Station Hospital.

Samantala, kinasuhan din si PMA Cadet Julius Tadena dahil sa paglabag sa Section 14B ng anti-hazing law nang mapasama sa hazing activity at dahil sa less serious physical injuries.

Nagsampa na rin ng kaso laban kay 2^nd Class Cadet Christian Zacarias dahil sa slight physical injuries.

Na-dismiss naman ang kaso laban kina 1^st Class Cadet Rey Sanopao, 3^rd Class Cadet Rey David John Volante, 3^rd class cadet vincent Manalo, Major Rex Bolo at Capat Jeffrey Batistiana dahil sa kakulangan ng probable cause.

Na-dismiss din ang kaso laban kina PMA Superintendent Lt. General Ronnie Evangelista at Brigadier General Bartolome Vicente Bacarro.

June 25, 2020 0 comment

Newer Posts

Older Posts