Suspendido muna ngayong Semana Santa ang truck ban.
Ayon ito sa mmda subalit nilinaw nitong tuloy ang total truck ban sa EDSA kahit ngayong mahal na araw.
Ang suspensyon ng truck ban ay ikinatuwa ng mga driver at pahinante para magkaruon pa sila ng kita samantalang hindi naman ikinatuwa ng ilang motorista ang hakbangin dahil tiyak anilang magkaka trapik naman kahit pa nasa ECQ ang metro manila at mga kalapit na lalawigan ng Bulacan, Rizal, Cavite at Laguna.
‘Overwhelmed and overran’.
Ganito ilarawan ng Philippine Hospitals Association (PHA) ang sitwasyon ng mga ospital sa bansa Sa gitna rin nang pagsirit ng kaso ng COVID-19 dahil na rin sa overworked manpower.
Ayon kay Dr. Jaime Almora pangulo ng PHA nangyari na ang kinatatakutan nilang mangyari at ang grabeng sitwasyon aniya para sa kanya ay ebidensyang natalo na ang bansa ng coronavirus.
Sinabi ni Almora, na hindi maman ganuon kalaking problema ang hospital capacity kundi ang kulang na manpower para mag asikaso sa mga pasyente.
Binigyang diin ni Almora, na bago pa man magka pandemya nakakaranas na ng kakulangan sa nurses ang bansa dahil sa ibat ibang factors tulad nang pag phase out sa mga non performing nursing schools, K to 12 program na nag resulta sa kawalan ng nursing graduate sa loob ng isang taon at migration ng nurses mula private hospitals patungo sa gobyerno dahil sa mas mataas na suweldo.
Overworked na aniya ang medical staff na karamihan ay naka duty ng diretsong labing anim na oras.
Ilang linggo ang bubunuin para sa mas malalimang imbestigasyon tungo sa pagtukoy sa tunay na pinagmulan n COVID-19 na umanoy nagsimula sa China.
Ito ayon kay WHO Chief Tedros Adhanom Ghebreyesus ay dahil hindi pa sapat ang resulta ng pag-aaral na inilabas ng group of experts na nagtungo sa China hinggil sa tunay na pinagmulan ng COVID-19.
Inamin ni Ghebreyesus na nahirapan ang grupo sa pag-aaral ng raw data kayat kailangan pa ng dagdag na panahon para makapag imbestiga pa.
Binigyang diin ni WHO investigation team leader Peter Ben Embarek na walang ebidensyang nagmula ang virus sa laboratory leak sa China at malaki ang paniniwala aniya nilang ang virus ay nasa Wuhan, China na Oktobure o Nobyembre pa lamang ng taong 2019.
Patay ang isang senior citizen sa labas ng emergency room ng isang ospital sa Metro Manila matapos wala nang iba pang ospital na tumanggap dito.
Sa kanyang post sa Twitter ipinabatid ng netizen na si Angelo B. Na namatay ang kanyang ama dahil hindi ito na admit sa anumang ospital na tinawagan o pinuntahan nila matapos itong mag positibo sa COVID-19 nuong Marso 16.
Sinabi ni Angelo B. Na ini-isolate na lamang nila sa bahay ang kanyang ama at kumuha ng duktor na magmo monitor sa vital signs nito sa pamamagitan ng text at magbibigay ng gamot.
Gayunman kuwento ni Angelo gabi ng Marso 27 ay nakaranas ng hirap sa paghinga ang ama kung saan tumawag sila ng ambulansya subalit hinihingan sila ng P16,000 hanggang P 20,000 kayat humiram na lang sila ng sasakyan sa isang kaibigan at naka-oxygen ang ama na halos paubos na rin ang laman ng tangke.
Wala aniya talagang ospital na tumanggap sa kanila kahit pa tumawag sila sa One Hospital command hanggang pumila sila sa asian hospital bagamat mayruon pang dalawang naunang pasyente na dapat ding ipasok sa ICU.
Pasado alas singko ng umaga nang tuluyan na ring bumigay ang ama ni Angelo habang naghihintay na makapasok sa ICU bagama’t mino monitor naman ang ital signs nito.
Inamin ni Angelo na labis labis silang nagtiwala dahil isang taon nang lumipas ay wala namang nangyari sa kanila lalo sa amang maganda ang kalusugan bago pa man nito nakuha ang virus subalit nabulaga sila at labis labis ang naging pagsisisi sa pagkawala ng ama.
Tila bumagsak ang contact tracing system ng Pilipinas sa mga nakalipas na linggo.
Ayon ito mismo kay Contact Tracing Czar at Baguio City Mayor Benjamin Magalong sa gitna nang patuloy na pagsirit ng kaso ng COVID-19.
Sa pulong ng house committee on health ipinabatid ni Magalong na ang national contact tracing efficiency ratio ay bumagsak sa 1 is to 3 mula sa 1 is to 7 sa nakalipas na apat na linggo.
Sinabi ni Magalong na ang kapag ang ratio ay 1 is to 3.nangangahulugan itong na trce na ang mga kapamilya ng pasyente at hindi ang iba pa niyang contact.
Isa aniya sa mga dahilan nang pagbagsak ng contact tracing system ang kabiguan ng maraming local government units na gamitin ang uniformed data collection toll bukod sa ilang close contact data ay hindi maayos na na encode.
Bahala na ang local government unit na magpasya kung cash o in-kind ang ayudang ibibigay sa mga apektado nang muling pag-iral ng ECQ sa NCR, Bulacan, Rizal, Laguna at Cavite.
Ayon ito kay Presidential Spokesman Harry Roque matapos pondohan ng tig-P1,000 halaga ng ayuda sa mga apektadong residente sa NCR plus.
Sinabi ni Roque na ang orihinal na concern ay dapat mapunta sa pagkain ang ayuda subalit sa panahon ng pandemya bahala na ang LGU’s na magpasya sa anong paraan mabilis na maibibigay ang ayuda.
Kinakailangang magpatala muna hanggang ngayong araw na ito ang mga senior citizens mula sa Metro Manila na nais magpabakuna samantalang hanggang Abril 5 naman sa mga nakatira sa labas ng National Capital Region.
Ang mga seniors ayon sa DOH ay dapat magparehistro sa kani-kanilang local government unit na inatasan na ring makipag-ugnayan sa nursing homes at kaparehong institusyon at pagbisita sa bahay ng mga may sakit na senior citizens para maiparehistro sila upang mabakunahan.
Una nang ipinabatid ni Vaccine Czar Carlito Galvez, Jr. na sisimulan nila bukas, Abril ang pagbabakuna sa senior citizens bagamat ilan sa mga ito mula sa San Juan, Maynila at Navotas ay nagsimula nang turukan ng COVID-19 vaccine.
Asahan na ang dagdag singil sa kuryente sa susunod na buwan.
Ito ayon sa Meralco ay kasunod na rin nang pagtaas ng konsumo dulot ng mainit na panahon.
Ipinabatid ni Meralco Spokesman Joe Zaldarriaga na ang mas mataas na generation charge para sa buwan ng Abril ay dahil na rin sa pagtaas ng presyo ng wesm o wholesale electricity spot market.
Sinabi ni Zaldarriaga na ang Luzon peak demand ay tumaas ng mahigit 900 megawatts ngayong buwan dahil sa mainit na panahon.
Dahil dito inihayag ni Zaldarriaga na ang power spot prives sa luzon o ang daily luzon load weighted average price ay umabot ng walong piso kada kilowatt hour sa linggo ng Marso 1 at P9.00 kada kilowatt hour sa linggo ng Marso 15.
Magugunitang nagpatupad ng bawas singil ang Meralco sa nakalipas na dalawang buwan.
Dalawang lider ng mga grupo ng mga magsasaka ang dinampot ng mga otoridad sa magkahiwalay na operasyon sa Pampanga at Tarlac.
Kasabay nang pag kundena sa hakbangin kinilala ng Kilusang Magbubukid ng pilipinas ang mga inaresto na sina Joseph ‘JC’ Canlas, lider ng alyansa ng magbubukid sa gitnang Luzon at KMP vice chairperson at Pol Viuya, lider ng bayan Central Luzon at Workers Alliance of Region 3.
Sinabi ng KMP na bago arestuhin sina Canlas at Viuya ang mga ito ay nire red tag din at nababanggit sa mga tarpaulin at poster bilang recruiters ng NPA.
Ipinabatid naman ni Police Brigadier General Albert Ferro, hepe ng cidg na ang pag-aresto kina Canlas at Viuya ay bahagi ng nationwide simultaneous anti crime and law enforcement operation.
Si Canlas nahaharap sa kasong paglabag sa comprehensive firearms and ammunition regulation samantalang wala pang report sa ginawang pag aresto kay viuya.
Sina Canlas at Viuya ay dinala umano sa Camp Olivas sa San Fernando, Pampanga.
Pangarap ng Pangulong Rodrigo Duterte na makapagtayo ng vaccine institute bago tuluyang bumaba sa puwesto sa Hunyo 30, 2022.
Ayon kay Presidential Spokesman Harry Roque, nais ng Pangulo na maglaan ng pondo ang DBM para sa vaccine institute para makagawa ang bansa ng sariling bakuna.
Gusto aniya ng Pangulo na ang vaccine institute ang maging pamana o iiwan ng Pangulo sa mga pilipino para hindi na umaasa ang bansa sa pag-angkat ng bakuna.
Mahigit dalawang milyong doses na ng COVID-19 vaccine ang naibigay na sa bansa ng China sa pamamagitan ng Sinovac at COVAX facility sa pamamagitan naman ng Astrazeneca samantalang isang milyong doses ng Sinovac pa ang binayaran ng national government.
Inaasahang sa darating sa second at third quarter ng taong ito ang iba pang supply ng COVID-19 vaccine.