Judith Estrada-Larino

Sumirit pa rin sa 9, 296 ang naitalang mga bagong kaso ng COVID-19 dahilan nang pagsipa pa sa 741, 181 ng kabuuang kumpirmadong kaso ng COVID-19 sa bansa.

Ito na ang ikalimang araw kung kailan naitala ang mahigit siyam na libong bagong kaso ng COVID-19.

Ayon sa Department Of Health nasa 124, 680 ang active cases at siyang pinakamataas na naitala sa taong ito ..kung saan 96% ang mild, 2.3 % ang asymptomatic, point 7% ang severe at .6% ang critical condition.

Patuloy ang pagtaas ng recoveries na ngayo’y nasa 603, 310 matapos madagdag ang 103 na mga bagong gumaling sa COVID-19.

Lima ang naitalang bagong nasawi sa COVID-19 at ang death toll ay pumapalo na sa 13,191.

Nagbibiro lamang ang Pangulong Rodrigo Duterte nang palabasing tinangka niyang hipuan ang babaeng nagbibigay ng cake para sa kaniyang 76th birthday celebration nitong weekend sa Davao City.

Ayon ito kay Presidential Spokesman Harry Roque matapos mag-viral ang nasabing video na naging dahilan ng panibagong batikos sa Pangulo.

Sinabi ni Roque na palabiro talaga ang Pangulo sa matagal na nitong kasambahay at wala naman ito aniyang malisya lalo pa’t nakaharap ang common law wife niyang si Honeylet Avancenia.

Inihayag ni Roque na kung mayroong magrereklamo sa insidente ang mga kasama mismo ng Pangulo sa bahay.

Pumapalo na sa mahigit 656,000 individuals ang naturukan na ng bakuna kontra COVID-19.

Kinumpirma ito ng Department of Health (DOH) sa gitna na rin ng halos isang buwan nang pagbabakuna ng bansa laban sa virus.

Ayon sa DOH nasa 80. 23% ng inilaang first doses ang naiturok na o nasa kabuuang 656, 331 indibidwal.

Batay sa record ng DOH hanggang nitong March 27 ay mayroong mahigit 1.525 million doses ng COVID-19 vaccines ang Pilipinas at mula rito ay nasa 1.233 million doses na ang naipamahagi sa implementing siteso katumbas ng 80. 95% mula sa kabuuang bilang ng mga bakuna.

Sa kasalukuyan ay mayroong halos 2, 500 vaccination sites na nagrorolyo ng mga bakuna sa 17 rehiyon sa bansa.

Target ng gobyerno na maunang mabakunahan ang tinatayang 1.7 million healthcare workers.

Tuloy ang international flights ng Philippine Airlines mula at patungong Maynila sa kabila ng muling pagpapairal ng ECQ sa NCR plus.

Gayunman ang domestic flights ng pal ay nakadepende sa mga regulasyong ipinatutupad ng local government units nang itinakdang destinasyon.

Ipinabatid ng PAL na limitado pa rin sa 1, 500 passengers kada araw ang mga darating mula sa ibang bansa sa lahat ng airlines sa NAIA.

Nakansela naman ang ilang flights samantalang ang ilan ay na divert sa Cebu o Clark para matiyak na ang pagdating ng mga pasahero ay nananatili sa itinakdang limitasyon ng gobyerno.

Tiniyak naman ng pal na mag-update sila kung kinakailangan ng flight status sa pamamagitan ng kanilang facebook page at website.

Nasa halos 65% o 64. 48% nang okupado ang mga kama sa quarantine facilities sa Metro Manila.

Ayon ito kay Isolation Czar at DPWH Secretary Mark Villar ay sa gitna na rin ng tumataas na kaso ng COVID-19 sa bansa.

Tiniya ni villar na sapat ang COVID-19 isolation beds sa buong bansa kung saan nasa halos 20,000 lamang mula sa halos 132,000 kabuuang available isolation beds  sa mga ginagamit na temporary treatment and monitoring facilities sa buong bansa.

Mula sa bilang na ito ipinabatid ni Villar na nasa 3,708 beds ng 5, 751 beds sa Metro Manila ang okupado kayat ginagawa nila ang lahat para mapabilis ang iba pang itinatayong quarantine facilities lalo na yung mga nasa NCR plus bubble.

Kabilang sa mega temporary treatment and monitoring facilities na mayroong mataas na bilang ng mga okupado ng COVID-19 patients ang PICC quarantine facility na 223 mula sa 263 beds ang okupado Ultra stadium – 95 ang okupado mula sa 132 beds at Filinvest tent na 74 ang okupad mula sa 108 beds.