Author

Gilbert Perdez

DWIZ 882

DPWH suportado ang Oplan Balik Eskwela; maintenance activities sa pampublikong paaralan, tuloy-tuloy

Itutuloy na ng (DPWH) Department of Public Works and Highways ang maintenance activities sa mga public elementary at high schools sa buong bansa.

Sa memorandum na nilagdaan ni DPWH Secretary Manuel Bonoan, binanggit na ito’y bilang suporta sa Oplan Balik Eskwela ng Department of Education (DepEd).

Inatasan ni Bonoan ang lahat ng regional offices at district engineering offices ng DPWH na ipatupad ang maintenance programs at activities bago ang pagbubukas ng klase ngayong taon.

Kabilang sa mga aktibidad na gagawin ng ahensya ay ang repainting ng pedestrian lanes sa harap ng mga paaralan, declogging ng drainage at paglilinis ng mga manholes, pagkukumpuni ng mga sirang upuan o silid-aralan at iba pa.

August 6, 2022 0 comment

HEADLINES NATIONAL NEWS

Government prosecutors makapaghahain na ng testimonya ng mga saksi sa kaso laban kay ex- Justice sec. “Nani” Perez

written by Gilbert Perdez

Pinayagan ng Sandiganbayan ang mga government prosecutors na maghain ng mga sinumpaang testimonya ng mga saksi sa forfeiture case laban kay dating Justice secretary Hernando “Nani” Perez.

Sa isang resolusyon, inatasan nito ang prosekusyon na magsumite ng judicial affidavits ng lahat ng mga testigo sa kaso sa loob ng labinlimang araw.

Nag-ugat ang kaso sa alegasyon na humingi umano ng dalawang milyong dolyar si Perez kay dating Manila congressman Mario Crespo o Mark Jimenez noong 2001 upang hindi ito maisama sa kasong plunder laban kay dating Pangulong Joseph Estrada na may kaugnayan sa isang maanomalyang power plant project.

August 6, 2022 0 comment

HEADLINES NATIONAL NEWS

School transport services, balik-operasyon na

written by Gilbert Perdez

Magbabalik-operasyon na ang mga school transport services.

Ito’y bilang bahagi ng paghahanda ng (LTFRB) Land Transportation Franchising and Regulatory Board para sa face-to-face classes.

Magugunitang naglabas ng Memorandum Circular ang LTFRB kamakailan na nagpapahintulot sa mga aktibong Certificate of Public Convenience (CPC) at Provisional Authority na mag-operate bunsod ng nalalapit na pagbubukas ng klase.

Ayon sa ahensya, kahit ang mga paso na ang CPCs ngunit may ‘pending application’ para sa pagpapalawig ng validity ay papayagan ding mag-operate.

August 6, 2022 0 comment

HEADLINES HOT STORIES OF THE WEEK NATIONAL NEWS

DOH handang magbigay ng paglilinaw ukol sa Covid-19 vaccine deployment program

written by Gilbert Perdez

Handa ang Department of Health (DOH) na sagutin ang mga pagkuwestiyon ukol sa Covid-19 vaccine deployment program.

Maliban dito, sinabi ni DOH officer-in-charge Maria Rosario Vergeire na bukas din sila sa anumang imbestigasyon kaugnay ng mga nasayang na bakuna.

Paliwanag ni Vergeire, mas mababa pa sa 10% threshold na itinakda ng World Health Organization ang vaccine wastage ng bansa.

Matatandaang nanawagan si Sen. Risa Hontiveros ng Senate investigation ukol sa mga na-expire at hindi nagamit na bakuna na tinatayang nagkakahalaga ng P5 billion hanggang P13 billion.

August 6, 2022 0 comment

HEADLINES HEALTH

Stress at depresyon, maaaring maging sanhi ng back pain

written by Gilbert Perdez

Hindi maitatanggi na ang back pain ay isa rin sa mga pangunahing dahilan kung bakit nakaliliban sa trabaho ang karamihan ng mga manggagawa o empleyado.

Kapag may back pain, maaari ring makaranas ng dagdag na pananakit sa gulugod, kalamnan, o nerves ng likod.

Ngunit ayon sa ilang pag-aaral, ang stress at depresyon ay posible ring maging sanhi ng back pain.

Kapag stressed at malungkot daw kasi ang isang tao, nababawasan ang produksyon ng ilang hormones at kemikal sa utak na nakatutulong upang mabawasan ang anumang sakit na nararamdaman sa katawan.

Kaya naman kapag lumiit ang produksyon ng mga kemikal na ito, lalong makararamdam ng pananakit ng likod o sa ibang parte ng katawan.

July 30, 2022 0 comment

INTERNATIONAL NEWS

Russia nagdagdag pa ng pwersa sa tatlong rehiyon sa Ukraine

written by Gilbert Perdez

Ibinunyag ng Ukraine na muling nag-deploy ang Russia ng mga tropa sa southern regions ng kanilang bansa tulad ng Kherson, Melitopol at Zaporizhia.

Dahil dito, nagbanta ang Kyiv na maglulunsad na rin ito ng counteroffensive upang mabawi ang tatlong rehiyon.

Samantala, wala pang pahayag ang Russia ukol dito.

July 30, 2022 0 comment

RONDA PROBINSYA

Kargamentong naglalaman umano ng sangkap sa paggawa ng bomba, nasabat

written by Gilbert Perdez

Nasabat ng Zamboanga City Mobile Force Company (ZCMFC) ang isang kargamento na naglalaman umano ng mga sangkap sa paggawa ng bomba.

Ayon kay Col. Richard Verceles, operations chief ng Area Police Command-Western Mindanao (APC-WM), kasama sa shipment ang labintatlong sako ng ammonium nitrate na nakumpiska nila sa karagatang sakop ng Sitio Layag-Layag, Barangay Talon-Talon.

Nagpapatrulya umano ang mga pulis nang mamataan ang isang bangka at nang makita sila ay nagpulasan naman ang mga sakay nito kaya’t naiwan ang naturang kargamento.

July 30, 2022 0 comment

RONDA PROBINSYA

Kabacan, North Cotabato, isinailalim sa state of calamity

written by Gilbert Perdez

Isinailalim sa state of calamity ang Kabacan, North Cotabato bunsod ng mga pagbaha na hatid ng masamang panahon.

Ayon kay David Don Saure, municipal disaster risk reduction management officer, ang deklarasyon ay ibinatay sa resolusyong isinumite ng Municipal Disaster Risk Reduction and Management Council (MDRRMC).

Nabatid na pumalo na sa P13-M ang halaga ng pinsala sa agrikultura sanhi ng malawakang pagbababa sa mga low-lying areas sa nasabing bayan.

July 30, 2022 0 comment

NATIONAL NEWS

Price freeze sa essential goods, isinusulong ng isang kongresista

written by Gilbert Perdez

Nananawagan sa pamahalaan ang isang kongresista na magpatupad ng price freeze sa essential goods sa mga lugar na nasa ilalim ng state of calamity bunsod ng matinding pinsalang hatid ng lindol, partikular sa hilagang Luzon.

Binanggit ni Pinuno Party-list Representative Howard Guintu ang Republic Act 7581 o ang Price Act na nagsasaad na dapat nakapako ang presyo ng mga basic goods sa mga lugar na nasa ilalim ng state of calamity o emergency sa loob ng 60 araw o hangga’t hindi inaalis ng Pangulo.

Maliban dito, binigyang diin ni Guintu na dapat siguruhin ng Department of Trade and Industry o DTI at iba pang ahensya ng gobyerno na sapat ang suplay ng mga pangunahing bilihin sa Abra at iba bang lugar na tinamaan ng lindol.

Mahalaga rin aniya na bantayang mabuti ng mga kinauukulang ahensya na walang magsasamantalang negosyante para hindi na madagdagan pa ang pagdurusa ng mga nasalanta ng lindol dulot ng mataas na presyo ng mga bilihin.

July 30, 2022 0 comment

NATIONAL NEWS

Tulong para sa mga apektado ng magnitude 7 na lindol sa Northern Luzon, dumaragsa

written by Gilbert Perdez

Aabot sa P10-M halaga ng relief goods ang ipapadala ng Chinese Embassy sa mga apektado ng magnitude 7 na lindol sa Northern Luzon.

Ang unang batch ng ayuda na nagkakahalaga ng P3.6 milyon ay mula sa Chinese Enterprises Philippines Association.

Ayon sa embahada, malalagpasan din ng mga biktima ng lindol ang dinaranas nilang pagsubok at agad ding makakabangon.

Una nang inihayag ng Department of Social Welfare and Development (DSWD) na aabot sa 162,156 families ang apektado ng lindol sa Tayum, Abra na siyang episentro ng lindol.

July 30, 2022 0 comment

Newer Posts

Older Posts