Author

Gilbert Perdez

DWIZ 882

HEADLINES HOT STORIES OF THE WEEK NATIONAL NEWS

“Safeguards” ipatutupad sa oras na buhayin ang ROTC—PNP

Mahalagang magpatupad ng “safeguards” kung bubuhayin muli ang Reserve Officer Training Course (ROTC) upang hindi magkaroon ng hazing.

Ito ang pahayag ni PNP Chief Police Gen. Rodolfo Azurin bunsod ng exploratory talks sa pagitan ng Department of Education (DepEd) at Armed Forces of Philippines (AFP)` ukol sa panukalang buhayin ang ROTC.

Maganda aniya ang layunin ng pagbuhay dito dahil magkakaroon ng pagkakataon ang mga mag-aaral na maranasang maging bahagi ng isang samahan na humuhubog ng disiplina ng bawat Pilipino.

Gayunman, kailangan din aniya na may mekanismo para masiguro ang kaligtasan ng mga kadeteng sasabak sa training.

Matatandaan na ginawang “optional” ang ROTC dahil sa pagkamatay ng kadeteng si Mark Chua dulot ng hazing noong 2001.

September 3, 2022 0 comment

HEADLINES HOT STORIES OF THE WEEK NATIONAL NEWS

Pagprotekta sa mga kababaihang estudyante siniguro ng PNP

written by Gilbert Perdez

Tiniyak ng Philippine National Police (PNP) na tinututukan nito ang mga insidente ng krimen laban sa mga estudyanteng babae.

Katunayan, sinabi ni PNP Chief Police Gen. Rodolfo Azurin Jr. na nakapagtala na sila 149 na kaso ng krimen sa buong bansa mula Hulyo 1 hanggang Agosto 31, taong kasalukuyan.

Nabatid na pinakamarami ang mga naitalang kasong rape sa National Capital Region (NCR) habang ang iba naman ay Acts of Lasciviousness at paglabag sa Anti-Violence Against Women and Their Children Act.

Nagbabala naman si Azurin na hindi intensyon ng PNP na maalarma ang mga mag-aaral pero kailangan aniyang maging maingat ang mga ito.

Nakikipagtulungan din ang pulisya sa Department of Education (DepEd) para masiguro ang kaligtasan ng mga guro at estudyante.

September 3, 2022 0 comment

HEALTH

Pukpuklo mabisang panlaban kontra cancer

written by Gilbert Perdez

ALAM n’yo ba na ang paboritong seaweed ng mga Ilokano ay maaaring makatulong daw sa paglaban sa cancer?

Ayon sa Department of Science and Technology (DOST), napatunayang maganda sa kalusugan ang pagkain ng “pukpuklo” sa isinagawang pag-aaral ng mga mananaliksik sa University of Santo Tomas.

Lumalabas daw sa pag-aaral na nilalabanan ng “pukpuklo” ang enzymes na nagpapakalat ng cancer sa katawan.

Maliban dito, mayaman din daw ito sa carbohydrates o starch at cellulose na nakakatulong sa katawan para lumakas at masuportahan ang cells at tissues.

Nakakatulong din ito sa sakit sa balat, goiter, at isa ring mabisang anti-aging.

Ang “pukpuklo” ay kadalasang ginagawang salad kasama ang kamatis.

Sinasabing patok din itong pulutan ng mga taga-Ilocos, Aklan, Iloilo at Cagayan.

September 3, 2022 0 comment

SPORTS

Arman Duplantis natalo sa kauna-unahang pagkakataon

written by Gilbert Perdez

Pinadapa ni Filipino Vaulter Ernest John Obiena ang katunggali na si Armand “Mondo” Duplantis ng Sweden sa Diamond League meet sa Brussels, Belgium.

Tatlong beses na sinubukan ni Duplantis na higitan ang 5.91 meters na naitala ni Obiena pero nabigo ito.

Nagkasya ang Swedish sa 5.81 meters habang itinanghal na kampeon si Obiena.

Sinasabing ito ang unang beses na nakatikim ng pagkatalo si Duplantis matapos magwagi sa 17 kompetisyon.

September 3, 2022 0 comment

RONDA PROBINSYA

P 3.6-M halaga ng marijuana sinunog sa dalawang barangay sa Tampakan, South, Cotabato

written by Gilbert Perdez

Tinatayang P3.6-M halaga ng marijuana ang binunot at sinunog sa dalawang barangay sa Tampakan, South Cotabato.

Ayon kay Tampakan Police Chief Capt. Juncint Aput, ang nasa 12,000 marijuana plants ay nadiskubre sa mahigit isang ektaryang lupain sa Brgy. Danlag at Brgy. Tablu.

Nabatid na nakatanggap ng impormasyon ang Tampakan police at PDEA ukol sa malawak na plantasyon kaya’t ikinasa ang joint operation.

Wala namang nahuling cultivator ang mga awtoridad sa naturang operasyon.

September 3, 2022 0 comment

NATIONAL NEWS

PDRRMO nagpatupad ng ‘no swimming’ policy hangga’t hindi nakakalabas ang bagyong Henry

written by Gilbert Perdez

Ipinag-utos ng Provincial Disaster Risk Reduction and Management Office (PDRRMO) ang pagpapatupad ng “no swimming” policy sa mga baybaying sakop ng Pangasinan hangga’t hindi pa nakakalabas ng Philippine Area of Responsibility ang bagyong Henry.

Nanawagan din sa mga mangingisda si PDRRMO operations officer Patrick Aquino na iwasan munang pumalaot kahit walang gale warning.

Samantala, isinailalim naman sa blue alert status ang lahat ng probinsya sa Ilocos region dahil pa rin kay “Henry”.

September 3, 2022 0 comment

NATIONAL NEWS

Sibilyan makakatuwang ng militar sa kampaya kontra ASG

written by Gilbert Perdez

Makakatuwang ng militar ang mga sibilyan sa kampanya nito laban sa Abu Sayyaf Group (ASG), kabilang ang pagpapanatili ng batas at kaayusan sa Sulu.

Ito’y matapos isalang sa pagsasanay ng 100th Infantry Battalion ng Philippine Army ang nasa 60 miyembro ng Barangay Peacekeeping Action Teams (BPATs) sa mga barangay ng Buanza, Kajatian, at Tagbak sa bayan ng Indanan.

Ayon kay 100IB head Lt. Col. Michael Cuenca, sa pamamagitan ng training ay mas lalong mauunawaan ng BPATs ang tungkol sa criminal justice system, civilian arrest, at crime prevention.

Maliban dito, tinuruan din ang mga sibilyan tungkol sa basic first aid; disaster preparedness; gun safety; firearm assembly at disassembly; anti-terrorism; at coordination.

September 3, 2022 0 comment

METRO PATROL

NOCPPO, nagiimbestiga ang pagpatay sa dalawang barangay chairman

written by Gilbert Perdez

Patuloy na iniimbestigahan ng Negros Occidental Police Provincial Office (NOCPPO) ang kasong pagpatay sa dalawang barangay chairmen sa lalawigan.

Unang pinaslang ng dalawang hindi pa nakikilalang salarin si Danilo Dautil, kapitan ng Barangay Cabcab sa bayan ng Isabela.

Ayon kay Major Joseph Partidas, hepe ng Isabela Municipal Police Station, pinaniniwalaang mga miyembro ng Communist Party of the Philippines-New People’s Army o CPP-NPA ang nasa likod ng pagpatay kay Dautil.

Ang tserman naman ng Barangay Lalong na si Benjamin Javoc ay nasawi matapos lusubin ng tinatayang sampung armadong lalaki ang kanyang bahay.

Samantala, inatasan na ni Police Regional Office-Western Visayas Director Brig. Gen. Leo Francisco si Negros Occidental PNP Director Col. Leo Pamittan na imbestigahang mabuti ang mga naturang kaso.

August 27, 2022 0 comment

RONDA PROBINSYA

4 construction workers patay matapos barilin sa North Cotabato

written by Gilbert Perdez

Patay ang apat na construction workers matapos pagbabarilin ng hindi pa nakikilalang mga salarin sa bayan ng Pikit sa North Cotabato.

Kinilala ni Pikit police chief Major Maxim Peralta ang mga biktima na sina Kalid Selongan 28; Ray Benias, 47; William Cantonis, 41; at Darwin Cantonis, 28; pawang mga residente ng Barangay Fort Pikit.

Sa inisyal na imbestigasyon, lulan ng motorsiklo ang apat nang ratratin ng M16 rifles ng mga gunman sa Barangay Manaulanan bago mabilis na tumakas sa hindi matukoy na direksiyon.

Inaalam pa ng pulisya ang pagkakakilanlan ng mga salarin at maging ang motibo sa krimen.

August 27, 2022 0 comment

NATIONAL NEWS

147 indibidwal naaresto sa loob lamang ng isang linggong anti-criminality operations—PNP

written by Gilbert Perdez

Inihayag ng PNP Criminal Investigation and Detection Group na umabot sa 147 na indibidwal ang kanilang naaresto sa loob lamang ng isang linggong anti-criminality operations.

Ayon kay PNP CIDG Director Police BGen. Ronald Lee, lumalabas na sa nasabing bilang, 113 ang wanted persons.

Kabilang sa mga nasakote ay ang tatlong regional level most wanted persons, walong provincial level most wanted persons, labindalawang municipal o city level most wanted persons at siyam na pu pang wanted persons.

Sinabi ni Lee na resulta ito ng mas maigting na kampanya laban sa kriminalidad upang mapanatiling ligtas at maayos ang komunidad, alinsunod na rin sa mandato ni PNP Chief Police Gen. Rodolfo Azurin Jr. na “M+K+K=K” o “Malasakit, Kaayusan, Kapayapaan = Kaunlaran”.

August 27, 2022 0 comment

Newer Posts

Older Posts