Author

Gilbert Perdez

DWIZ 882

87% na mga Pinoy mas nag-aalala ngayon sa COVID-19 — SWS survey

87% ng mga Pilipino ang nangangamba na baka mahawahan ng coronavirus disease 2019 (COVID-19) ang kanilang mga mahal sa buhay.

Ito ang lumabas sa pinakahuling mobile phone survey na isinagawa ng Social Weather Stations (SWS) mula Mayo 4 hanggang 10 ng taong kasalukuyan.

Sinasabing mahigit 4,000 working-age Filipino’s sa buong bansa ang lumahok sa survey kung saan lumabas din na 13% sa mga respondents ay hindi nangangambang dapuan sila ng virus.

Kumpara sa mga nakaraang SWS surveys, mas nag-aalala ang mga Pinoy sa coronavirus kumpara sa Ebola, swine flu, bird flu, at Severe Acute Respiratory Syndrome (SARS).

Ayon pa rin sa SWS, mas maraming mamamayan ang takot na madapuan ng COVID-19 sa mga lugar na nasa enhanced community quarantine (ECQ) na 88% at general community quarantine (GCQ) na 86%.

May 24, 2020 0 comment

HEADLINES SPORTS

Non-contact sports sa GCQ areas, aprub na sa IATF

written by Gilbert Perdez

Binigyan na ng ‘go signal’ ng Inter-Agency Task Force for the Management of Emerging Infectious Disease (IATF) ang mga sports organizers na simulan na ang mga non-contact sporting activities sa ilalim ng general community quarantine (GCQ) dulot ng coronavirus disease 2019 (COVID-19).

Batay sa IATF Resolution No. 38, binanggit na sa mga GCQ regions ay pinapayagan na ang mga atleta at enthusiasts na gawin ang gusto nilang laro na kinabibilangan ng biking, golf, swimming, tennis, badminton, equestrian, skateboarding at iba pa.

Gayunman, nilinaw ng task force na dapat pa ring sundin o pairalin ang minimum public health standards gaya ng pagsusuot ng face masks at pagpapanatili ng physical distancing protocols.

Matatandaang naglabas din ng resolusyon ang IATF kung saan pinapayagan na rin nito ang paglalakad, jogging, at biking activities sa mga lugar na nasa ilalim ng modified enhanced community quarantine (MECQ).

May 24, 2020 0 comment

NATIONAL NEWS

Mga gumaling sa COVID-19 sa bansa umakyat na sa 3,249

written by Gilbert Perdez

Dumami pa ang mga gumaling mula sa coronavirus disease 2019 (COVID-19).

Ito’y makaraang makapagtala ang Department of Health (DOH) ng 72 bagong recoveries dahilan upang umakyat na sa 3,249 ang bilang ng mga nakarekober sa sakit.

Sumampa naman sa 14,035 ang mga dinapuan ng COVID-19 bunsod ng 258 confirmed cases na nadagdag sa listahan ng DOH.

Samantala, nasa 868 na ang death toll sa buong bansa kasunod ng pagkamatay ng lima pang pasyente dulot ng nabanggit na karamdaman.

May 24, 2020 0 comment

INTERNATIONAL NEWS

Centenarian sa Iran gumaling na sa COVID-19

written by Gilbert Perdez

Gumaling na mula sa coronavirus disease 2019 (COVID-19) ang isang 107-anyos na matandang babae sa Iran.

Ayon sa ulat, si Saltanat Akbari ay na-admit sa Khansari hospital sa lungsod ng Arak.

Makalipas naman ang ilang araw ay na-discharge sa pagamutan si Akbari nang magnegatibo ito sa virus sa tulong na rin ng mga doktor at nurse.

Mahigit 100,000 katao na ang dinapuan ng COVID-19 sa Iran habang mahigit 7,000 naman ang nasawi.

May 24, 2020 0 comment

SPORTS

PBA players, dapat konsultahin sa ‘quarantine cup’ —Del Rosario

written by Gilbert Perdez

Dapat konsultahin ang mga manlalaro kaugnay ng mga planong pagbabalik-aksiyon ng Philippine Basketball Association (PBA).

Ito ang inihayag ni Ginebra assistant coach Richard Del Rosario, ilang araw matapos niyang imungkahi ang pagkakaroon ng “PBA Quarantine Cup.”

Sa kanyang proposal, binanggit ni del Rosario na puwedeng pag-aralan ang isang compressed conference sa loob ng dalawang buwan kung saan ang bawat team ay mamamalagi lamang sa quarantine facilities malapit sa game at practice venues.

Gayunman, sinabi ni Del Rosario na mahalagang malaman ang panig ng mga manlalaro ukol sa naturang usapin.

May 24, 2020 0 comment

SPORTS

POC pagkakalooban ng bisikleta ang mga pambansang atleta upang masunod ang health protocols

written by Gilbert Perdez

Pagkakalooban ng bisikleta ng Philippine Olympic Committee (POC) ang mga pambansang atleta upang masunod ang physical distancing protocols habang nagsasanay ang mga ito.

Ayon kay POC President Abraham “Bambol” Tolentino, ang pagbibigay ng free bikes ay isa lamang sa mga paraan ng ahensya para matulungan ang mga national athletes sa gitna ng coronavirus disease 2019 (COVID-19) pandemic.

Gayunman, nilinaw ni Tolentino sa mga susunod na araw pa lamang malalaman o ia-anunsiyo ng POC ang application process at limitado lamang ang mga bisikleta.

May 24, 2020 0 comment

ENTERTAINMENT

Sam Milby ibinunyag ang relasyon nila ni Catriona Gray

written by Gilbert Perdez

Ibinunyag na ni Sam Milby sa publiko ang tunay na estado ng relasyon nila ni 2018 Miss Universe winner Catriona Gray.

Sa Instagram, nag-post si Milby ng larawan habang kasama niya si Gray.

Ipinahiwatig din ni Milby na ipinagdiwang niya ang pinaka-espesyal na kaarawan na kapiling niya ang beauty queen.

Matatandaang noong nakaraang taon pa lumabas ang alingangas tungkol sa kanilang relasyon pero kapwa nila ito itinanggi.

Noong Enero naman ng taong ito, binanggit ni Gray na iisa lang ang talent agency nila ni Milby at inamin din nitong madalas silang magsimba na magkasama.

May 23, 2020 0 comment

INTERNATIONAL NEWS

Peru pinalawig ang state of emergency, lockdown sa kanilang bansa

written by Gilbert Perdez

Pinalawig pa ng Peru ang ipinatutupad nitong state of emergency at nationwide lockdown hanggang sa katapusan ng Hunyo ng taong kasalukuyan.

Sinasabing ito na ang pinakamahabang panahon ng mandatory isolation ng isang bansa na dulot pa rin ng coronavirus outbreak.

Ito rin ang ikalimang pagkakataon na pinalawig ang lockdown sa Peru na mayroong 32 milyon na populasyon.

May 23, 2020 0 comment

NATIONAL NEWS

Dine-in services sa mga resto, posibleng payagan na —DTI

written by Gilbert Perdez

Posibleng payagan na ng Department of Trade and Industry (DTI) ang dine-in operations ng mga restoran.

Ito, ayon kay Trade Secretary Ramon Lopez, ay kung makukumbinsi na ang gobyerno sa mga ilalatag na health at safety protocols laban sa pagkalat ng coronavirus disease 2019 (COVID-19).

Sinabi ni Lopez pinapayagan na kasi nila ang partial na pagbubukas ng take-out at delivery services sa mga lugar na nasa ilalim ng modified enhanced community quarantine tulad ng Metro Manila, Laguna at iba pang bahagi ng Gitnang Luzon.

Giit ni Lopez, malaki ang tsansang payagan na ang dine-in services pero dapat ay limitado ang kapasidad at mahalagang ipatupad pa rin ang social distancing guidelines.

May 23, 2020 0 comment

NATIONAL NEWS

93 pang brgy. execs kakasuhan sa SAP anomaly

written by Gilbert Perdez

Inihahanda na ng Department of the Interior and Local Government (DILG) ang 15 pang kaso laban sa ilang barangay officials na may kaugnayan sa mga umano’y anomalya sa pamamahagi ng cash aid sa ilalim ng social amelioration program (SAP) ng gobyerno.

Sa ginanap na Laging Handa virtual press briefing, sinabi ni DILG Undersecretary Jonathan Malaya na kasalukuyan nang iniimbestigahan ang pagkakasangkot ng 93 local officials sa katiwalian.

Aniya, inatasan na rin ni Interior Secretary Eduardo Año ang Philippine National Police-Criminal Investigation and Detection Group (PNP-CIDG) na hawakan ang kaso laban sa mga opisyal na posibleng may kinalaman sa anomalya.

Sa pinakahuling tala ng DILG, aabot na sa 400 indibidwal ang nagsampa ng reklamo laban sa ilang lokal na opisyal.

May 23, 2020 0 comment

Newer Posts

Older Posts