Author

Gilbert Perdez

DWIZ 882

CREATE Bill, mapakinabangan ng business sector simula Hulyo 1

Mapakinabangan ng business sector simula July 1, 2020 ang isinusulong na Corporate Recovery and Tax Incentives for Enterprises Act (CREATE bill).

Sa isinagawang Laging Handa public briefing, ipinaliwanag ni Finance Assistant Secretary Antonio Joselito Lambino na ang panukala ay updated version ng Corporate Income Tax and Incentives Rationalization Act (CITIRA) na nakalusot na sa Kamara at sinertipikahang urgent bill.

Layon ng panukala na tulungang makabangon sa lalong madaling ang mga negosyo mula sa matinding epekto ng coronavirus disease 2019 (Covid-19) pandemic habang aakitin din nito ang mga dayuhang mamumuhunan na lumipat sa bansa.

Sa ilalim ng CREATE bill, babawasan ng limang porsiyento ang corporate income tax (CIT) o mula 30 percent ay magiging 25 percent na ito na mas maganda kumpara sa 1-percentage-point reduction kada taon sa ilalim ng CITIRA sa loob ng 10 taon.

May 28, 2020 0 comment

HEADLINES

4 na tricycle drivers sa Marikina ang nagpositibo sa COVID-19 —Teodoro

written by Gilbert Perdez

Apat lamang sa 5,465 tricycle drivers na sumailalim sa confirmatory PCR Test ang nagpositibo sa coronavirus disease (COVID-19) sa Marikina City.

Ito, ayon kay City Mayor Marcy Teodoro, ay dahil bago pa lamang ilagay ang National Capital Region sa Modified Enhanced Community Quarantine (MECQ) ay nagsagawa agad ito ng mass testing sa mga manggagawa sa lungsod.

Ayon kay Teodoro, ang mass testing ay libreng binabalikat ng local government bilang investment sa public health at inisyatibo nito sa serbisyong pangkalusugan ng lungsod sa “New Normal.”

May 28, 2020 0 comment

NATIONAL NEWS

DSWD patuloy natatanggap ng mga reklamo hinggil sa SAP

written by Gilbert Perdez

Patuloy na tatanggap ng mga reklamo ang operations center ng Department of Social Welfare and Development (DSWD) sa Region 7 tungkol sa Social Amelioration Program (SAP).

Ito’y ayon kay DSWD-7 regional director Rebecca Geamala, kahit nasa ilalim na ng general community quarantine (GCQ) ang buong rehiyon.

Sinabi ni Geamala na patuloy na tatanggap ng mga reklamo ang mga DSWD-7 staff members mula sa mga beneficiaries.

Matatandaang naglabas ng resolusyon ang Inter-Agency Task Force for the Management of Emerging Infectious Disease (IATF-EID) kung saan isinailalim nito sa GCQ ang buong Central Visayas, maliban sa lungsod ng Cebu na ilalagay naman sa ilalim ng modified ECQ mula Hunyo 1 hanggang 15.

May 28, 2020 0 comment

INTERNATIONAL NEWS

Karachi plane crash magkakaroon ng imbestigasyon

written by Gilbert Perdez

Umarangkada na ang imbestigasyon ng mga awtoridad kaugnay ng malagim na plane crash na ikinasawi ng 97 katao sa Karachi, Pakistan.

Sinasabing sinuyod ng air crash investigation teams ang pinangyarihan ng trahedya upang matukoy ang dahilan ng pagbagsak nito.

Gayunman, hindi pa rin umano mahagilap ng mga eksperto ang cockpit voice recorder ng eroplano.

Magugunitang bigla na lamang bumagsak ang pampasaherong eroplano habang papalapag sa main international airport sa lungsod kung saan dalawa lamangg sa 99 na pasahero nito ang nakaligtas.

May 28, 2020 0 comment

HEADLINES RONDA PROBINSYA

La Union niyanig ng magnitude 5.1 na lindol

written by Gilbert Perdez

Niyanig ng magnitude 5.1 na lindol ang La Union.

Ayon sa PHIVOLCS, nangyari ang pagyanig sa layong 17 kilometro hilagang kanluran ng San Fernando City.

Sinasabing ‘tectonic’ ang pinagmulan ng lindol na may lalim na 81 kilometro.

Dagdag ng PHIVOLCS, bagama’t walang naitalang pinsala o nasawi, inaasahan naman ang pagkakaroon ng aftershocks.

May 28, 2020 0 comment

SPORTS

Lasallian community nakalikom ng P4-M donasyon para sa mga apektado ng COVID-19

written by Gilbert Perdez

Nakalikom ang Lasallian community ng kabuuang P4-M para sa mga pinaka-apektado ng COVID-19 pandemic.

Sinasabing 17 campuses sa ilalim ng De La Salle Philippines, Inc. ang nagsanib-puwersa sa isinagawa nitong pitong oras na programa na pinamagatang “Kada-Uno Lasalyano” kung saan ipinalabas ito nang “live” sa Facebook.

Pinangunahan naman ni dating De La Salle University president Br. Armin Luistro ang event kung saan nakalikom nga ito ng sapat na pondo na ihahandog nito sa mga frontliners.

Kabilang naman sa mga dumalo sina DLSU alumnae Michele Gumabao, Aby Marano, Ara Galang, Kim Fajardo, Mika Reyes at Dawn Macandili at current members Tine Tiamzon, Aduke Ogunsanya, Jolina Dela Cruz, Michelle Cobb, Thea Gagate, Leila Cruz, Ali Borabo, Fifi Sharma, Justine Jazareno, Juls Coronel, at Matet Espina.

May 28, 2020 0 comment

HEADLINES NATIONAL NEWS

ReliefAgad app na inilunsad ng DSWD tiniyak na mahigpit ang pagpoproseso ng mga aplikasyon

written by Gilbert Perdez

Nilinaw ng Department of Social Welfare and Development (DSWD) na sumasalang sa mahigpit na proseso ang mga aplikasyon na pumapasok sa inilunsad nitong ReliefAgad app.

Ayon kay Andrew Ambubuyog, direktor ng DSWD Information and Communication Technology Management Service, binuksan ang nabanggit na app para mapabilis ang data gathering at pamamahagi ng ayuda sa ilalim ng Social Amelioration Program (SAP) ng gobyerno.

Bagama’t nakakapagparehisto nang mabilis ang publiko sa website, binigyang diin ni Ambubuyog na tsine-check nang mabuti ang mga data na nakakalap nila bago maaaprubahan.

Umabot na sa 1.9 milyon na ang mga nagparehistro mula nang ilunsad ang Relief Agad app.

May 27, 2020 0 comment

HEADLINES NATIONAL NEWS

Tuloy-tuloy na implementasyon ng immunization program sa bansa isinusulong

written by Gilbert Perdez

Isinusulong ng isang mambabatas ang tuloy-tuloy na implementasyon ng immunization program upang maiwasan ang iba pang disease outbreaks sa hinaharap, sa gitna na rin ng kasalukuyang coronavirus disease 2019 (COVID-19) pandemic.

Ayon kay Quezon Rep. Angelina Tan, pinuno ng House Committee on Health, dapat gawing ‘mandatory’ ang pagbabakuna sa mga bata sa panahon ng quarantine para maprotektahan ang mga ito laban sa iba pang mga sakit.

Bukod dito, ipinanawagan din ni Tan ang pagkakaroon ng bukas o competitive bidding process para sa mga bakuna.

May 27, 2020 0 comment

RONDA PROBINSYA

2 lalaki arestado sa magkahiwalay na buy bust operation sa Iligan City

written by Gilbert Perdez

Laglag sa kamay ng mga awtoridad ang isang lolo at isang benepisyaryo ng government subsidy program sa ikinasang buy-bust operations sa Iligan City.

Ayon sa pulisya, binentahan ng tatlong sachet ng 60-anyos na lalaking suspek ang isang pulis na nagpanggap na buyer.

Aabot umano sa P100,000 ang halaga ng bawal na droga na nasabat mula sa kanya.

Samantala, timbog din ang isang benepisyaryo ng Pantawid Pamilyang Pilipino Program (4Ps) sa isa pang buy-bust operation ng mga pulis sa Barangay Santa Felomina.

Kasong paglabag sa Comprehensive Dangerous Drugs Act of 2002 ang isasampa laban sa mga suspek.

May 27, 2020 0 comment

HEADLINES NATIONAL NEWS

‘New modes of learning’ asahan na sakaling matuloy ang pagbubukas ng klase sa mga paaralan — TESDA

written by Gilbert Perdez

Asahan na ang pagkakaroon ng ‘new modes of learning’.

Ito ang tiniyak ng Technical Education and Skills Development Authority (TESDA) sa oras na matuloy ang pagbubukas ng mga kurso at klase ng ahensya sa susunod na buwan.

Ayon kay TESDA Secretary Isidro Lapeña, kabilang sa mga ipatutupad nila ay ang ‘flexible modes of learning’ tulad ng face-to-face, online, pinaghalong face-to-face at online, distance learning, at kumbinasyon ng distance at face-to-face learning.

Nilinaw naman ni Lapeña na magkakaroon lamang ng physical classes sa mga lugar kung saan ito pinapayagan ng Inter-Agency Task Force on Emerging Infectious Diseases (IATF-EID).

Aniya, kung kailangan talaga ang presensya ng estudyante, mahigpit na ipatutupad ang isang metrong physical distancing sa workshop areas.

May 27, 2020 0 comment

Newer Posts

Older Posts