Nilinaw ng Department of Social Welfare and Development (DSWD) na sumasalang sa mahigpit na proseso ang mga aplikasyon na pumapasok sa inilunsad nitong ReliefAgad app.
Ayon kay Andrew Ambubuyog, direktor ng DSWD Information and Communication Technology Management Service, binuksan ang nabanggit na app para mapabilis ang data gathering at pamamahagi ng ayuda sa ilalim ng Social Amelioration Program (SAP) ng gobyerno.
Bagama’t nakakapagparehisto nang mabilis ang publiko sa website, binigyang diin ni Ambubuyog na tsine-check nang mabuti ang mga data na nakakalap nila bago maaaprubahan.
Umabot na sa 1.9 milyon na ang mga nagparehistro mula nang ilunsad ang Relief Agad app.
