Author

Gilbert Perdez

DWIZ 882

Online enrollment kasado na sa Dagupan

Tatanggap na ng mga enrollees sa Hunyo 1 ang Department of Education (DepEd) division sa Dagupan City para sa school year 2020-2021 sa pamamagitan ng online platform.

Sa isang forum, sinabi ni Schools Division Superintendent Maria Celia Fernandez na tanging ang mga incoming kindergarten pupils, Grades 7 at 11 students ang kailangang mag-enroll dahil awtomariko nang ‘enrolled’ ang mga papasok sa Grade 1 hanggang 6 (elementary pupils), Grades 7 hanggang 10 (junior high school students) at Grade 12 (senior high school students).

Ayon naman kay City Councilor Marcelino Fernandez, nakipag-ugnayan na ang Dagupan Division Office sa Liga ng mga Barangay ukol sa naturang usapin.

May 29, 2020 0 comment

HEADLINES RONDA PROBINSYA

Binata patay matapos mabaril ng amang pulis

written by Gilbert Perdez

Kusang-loob na sumuko sa kanyang mga kabaro ang isang pulis matapos aksidenteng mabaril ang sariling anak na ikinamatay nito sa Bohol Street, Barangay San Roque, Cainta, Rizal.

Kinilala ang suspek na si PSSGT Pepito Difuntorum Jr., 41 taong gulang, at nakatalaga sa Cainta Municipal Police Station.

Sa imbestigasyon, masayang nag-iinuman ang suspek at asawa nito sa loob ng kanilang tahanan nang magkaroon ng mainitang pagtatalo kung saan itinulak umano ng lalaki ang babae.

Dito na umawat ang kanilang anak na si Paolo Difuntorum, 20 taong gulang, hanggang sa bumunot ng kanyang 9mm pistol ang suspek at binaril ito.

Naisugod pa sa Cainta Hospital ang biktima pero makalipas ang ilang oras ay binawian din ng buhay habang nakakulong na ngayon ang suspek at nahaharap sa kasong parricide.

May 29, 2020 0 comment

HEADLINES INTERNATIONAL NEWS NATIONAL NEWS

Kabuuang bilang ng mga Pinoy sa ibang bansa na mayroong COVID-19 nasa 2,800 na

written by Gilbert Perdez

Tuluyan nang pumalo sa 2,800 ang bilang ng mga Pilipino na tinamaan ng COVID-19 sa labas ng bansa.

Ayon sa Department of Foreign Affairs (DFA), nakapagtala sila ng 157 na bagong coronavirus infections na karamiha’y mula sa Gitnang Silangan.

Nananatili pa rin naman sa 334 ang mga nasawi dahil walang bagong nadagdag sa nabanggit na bilang.

Samantala, nadagdagan naman ng apat ang bilang ng mga kababayan natin na gumaling sa COVID-19 kaya’t pumalo na sa 934 ang bilang ng mga nakarekober sa ibayong dagat.

May 28, 2020 0 comment

NATIONAL NEWS

Visa interviews sa US Embassy sa Maynila kanselado

written by Gilbert Perdez

Inanunsiyo ng U.S. Embassy sa Maynila na kanselado na ang lahat ng mga naka-schedule nilang immigrant at non-immigrant visa interviews dahil sa nagpapatuloy na COVID-19 crisis.

Ayon sa abiso ng embahada, dahil sa community quarantine measures na ipinatutupad ng gobyerno ng Pilipinas, kinailangang itigil pansamantala ang kanilang visa services.

Sa mga nais namang i-reschedule ang kanilang visa interviews, maaaring tumawag sa U.S. Embassy call center sa mga numero bilang +63 (2) 7792-8988 o +63 (2) 8548-8223 o kaya’y kumuha ng online appointment sa ustraveldocs.com/ph.

May 28, 2020 0 comment

NATIONAL NEWS

PH Navy tuloy-tuloy ang pagbibigay serbisyo sa gitna ng krisis sa COVID-19

written by Gilbert Perdez

Walang tigil ang ginagawang pagtulong ng Philippine Navy sa laban ng Pilipinas kontra coronavirus disease 2019 (COVID-19).

Katunayan, ayon kay Navy public affairs office chief Lt. Commander Maria Christina Roxas, idineploy na nila ang kanilang BRP Batak para sa transportasyon ng ilang military personnel, personal protective equipment (PPE) sets, at iba’t ibang medical supplies sa mga probinsya sa Visayas.

Pahayag ni Roxas, isa sa mga misyon ng Navy ay ang maging bahagi ng paglaban ng bansa sa COVID-19.

Ang BRP Batak ay isa lamang sa mga logistic vessels ng Sealift Amphibious Force (SAF) ng Philippine Fleet at nasa pamamahala ng Naval Task Force-50 ng Naval Forces Central na nakabase sa Cebu.

May 28, 2020 0 comment

HEADLINES NATIONAL NEWS RONDA PROBINSYA

Cebu City handa na maisailalim sa GCQ

written by Gilbert Perdez

Nanawagan sa coronavirus task force si Cebu City Mayor Edgar Labella na luwagan ang ipinatutupad na lockdown sa lungsod bunsod ng pagbaba ng bilang ng mga impeksiyon sa kanyang nasasakupan.

Sa kanyang liham na ipinadala sa regional task force na nangunguna sa pagtugon sa COVID-19 crisis, binanggit ni Labella na handa na ang kanyang siyudad na maisalang sa general community quarantine (GQC).

Nabatid na sa kasalukuyan ay mayroon nang 2,013 COVID-19 infections sa Cebu kung saan 394 ang gumaling at 25 ang nasawi o katumbas ng 1.2 percent na fatality rate.

Giit ni Labella, nagbubunga na ang ginagawa nilang strategic community testing kaya’t kumpiyansa siyang dapat nang mailagay ang lungsod sa GCQ.

May 28, 2020 0 comment

HEADLINES HOT STORIES OF THE WEEK NATIONAL NEWS

Mga biktima ng “sex for pass” scheme ng mga pulis dapat na magsumbong — Roque

written by Gilbert Perdez

Hinikayat ng Malacañang ang mga umano’y biktima ng “sex for pass” scheme ng mga pulis na lumutang at ikanta ang mga salarin.

Ginawa ni Presidential Spokesperson Harry Roque ang panawagan sa gitna na rin ng alegasyon laban sa ilang miyembro ng Philippine National Police (PNP) pero wala namang nagreklamo laban sa mga ito.

Una nang nabunyag na nagbibigay ng quarantine pass ang ilang pulis na nakatalaga sa quarantine checkpoints kapalit ng pakikipagtalik sa mga ito.

Giit ni Roque, dapat lumutang ang mga biktima at magreklamo sa Women and Children Protection Office ng PNP.

May 28, 2020 0 comment

HEADLINES NATIONAL NEWS

American pedophile na si David Timothy Deakin sinentensyahan ng habambuhay na pagkakakulong

written by Gilbert Perdez

Patas ang pagtingin ng sistemang panghustisya sa ating bansa.

Ito ang binigyang diin ni Justice Secretary Menardo Guevarra matapos ma-convict ang American pedophile na si David Timothy Deakin.

Ayon kay Guevarra, tunay na gumagana ang justice system sa bansa nang ibaba ni Judge Irineo Pangilinan Jr. ng Angeles City Regional Trial Court Branch 58 ang sentensiyang habambuhay na pagkakabilanggo laban kay Deakin.

Bukod dito, pinagbabayad din ng P2 milyon na danyos o multa si Deakin makaraang mapatunayang guilty sa tatlong bilang ng kasong “large-scale qualified trafficking in persons.”

Si Deakin din ang kauna-unahang bilanggo sa bansa na nahatulan sa kasong trafficking sa pamamagitan ng online proceedings sa gitna ng coronavirus disease 2019 (Covid-19) pandemic.

May 28, 2020 0 comment

INTERNATIONAL NEWS

14 members ng Afghan security forces patay sa pag-atake ng Taliban sa Afghanistan

written by Gilbert Perdez

Patay ang 14 na miyembro ng Afghan security forces sa pag-atake ng puwersa ng Taliban sa Afghanistan.

Ayon kay Provincial Governor Spokesman Waheeda Shahkar, nangyari ang pag-atake sa isang checkpoint area sa lalawigan ng Parwan.

Pinaratangan naman ni District police chief Hussain Shah ang Taliban fighters na siyang may kagagawan dito at ginawa umano ito ng grupo ilang araw matapos mapaso ang tatlong araw na tigil-putukan.

May 28, 2020 0 comment

NATIONAL NEWS SPORTS

Pagpapanatili ng PE sa curriculum ng edukasyon suportado ni Briones — PSC

written by Gilbert Perdez

Suportado ni Education Secretary Leonor Briones ang mungkahi ni Philippine Sports Commission (PSC) chairman William “Butch” Ramirez na huwag alisin ang Physical Education (PE) sa curriculum ng national education system.

Sinasabing ito’y bilang tugon sa panawagan ni Sen. Sherwin Gatchalian na tanggalin muna pansamantala ang PE upang matutukan ng mga guro ang mga mahahalagang “subjects” sa gitna ng COVID-19 pandemic.

Ngunit agad na lumiham si Ramirez kay Briones kung saan binigyang diin nito ang kahalagahan ng PE sa “overall education” ng kabataan, gayundin sa pagpapatatag ng bansa.

Ayon kay Ramirez, personal na tumugon sa kanya si Briones at aniya’y suportado ng kalihim ang kanyang ipinaglalaban.

May 28, 2020 0 comment

Newer Posts

Older Posts