Author

Gilbert Perdez

DWIZ 882

8 katao nasagip sa flash flood sa Apayao

Nasagip ng search and rescue teams mula sa Bureau of Fire Protection at Local Disaster Risk Reduction and Management Office ang walo katao sa naganap na flash flood sa Pudtol, Apayao.

Sinasabing nagsimulang bumuhos ang malakas na ulan noon pang Sabado ng gabi na nakaapekto sa mga barangay ng Cabatacan, San Mariano, Alem at Imelda sa naturang bayan.

Nagpapastol umano ng kanilang mga alagang hayop ang dalawa sa mga na-stranded na residente ng Cabatacan nang biglang umapaw ang Malunog River.

Nakarating sa kaalaman ni Mayor Hector Ruel Pascua ang nangyari kaya’t nagpadala ito ng search and rescue team na siyang sumaklolo sa mga residente gamit ang motorized rubber boats.

December 13, 2020 0 comment

RONDA PROBINSYA

Illegal na pamumutol ng puno, illegal small-scale mining sa Cotabato pinababantayan ng DENR

written by Gilbert Perdez

Mahigpit na pinababantayan ni Environment Secretary Roy Cimatu ang umano’y pamumutol ng punong kahoy sa Barangay Don Panaca sa bayan ng Magpet sa Cotabato province.

Paliwanag ni Cimatu, doon din natuklasan ng mga awtoridad ang isang small-scale illegal mining operation.

Sinabi pa ni Cimatu na ang nasabing minahan malapit sa Mt. Apo Natural Park ay hindi lugar para sa mga small-scale miners kaya’t agad nila itong ipinasara.

Binigyang diin ng kalihim na hindi makapapayag ang Department of Environment and Natural Resources (DENR) na patuloy na magdurusa ang mamamayan sa baha at kalamidad na dulot ng pagkasira ng kagubatan.

December 13, 2020 0 comment

NATIONAL NEWS

Isang pulis na sangkot sa gunrunning activities arestado sa Metro Manila

written by Gilbert Perdez

Arestado ang isang aktibong pulis at maging ang kasabwat nito dahil sa umano’y pagkakasangkot sa gunrunning activities sa Metro Manila.

Kinilala ni PNP Chief Gen. Debold Sinas ang pulis na si Senior Staff Sergeant Reynolfo Ursulum, 50 taong gulang, at nakatalaga sa Regional Personnel Holding and Accounting Unit ng Police Regional Office sa Central Visayas o PRO-7.

Kasama rin sa mga naaresto ang isang Carvyn Parcon kasunod ng entrapment operation sa Doña Soledad Avenue sa Parañaque City.

Nasabat mula sa kanila ang apat na Bushmaster M4A1 carbines, isang sport utility vehicle, isang Taurus 9mm pistol, ilang magasin na may mga bala, identification cards at ATM cards.

Sasampahan na ng kaukulang kaso ang mga naturang suspek.

December 13, 2020 0 comment

NATIONAL NEWS

Mga dating myembro ng CPP-NPA itinanggi ang umano’y pangmamaltrato ng mga militar

written by Gilbert Perdez

Pinabulaanan ng ilang dating miyembro ng Communist Party of the Philippines-New People’s Army (CPP-NPA) na tinortyur at minaltrato ng militar ang mga sumukong rebelde.

Sa isang television show, isiniwalat ni Ivylyn Corpin alyas Ka Ivy na seryoso ang gobyerno sa hangarin nitong makamit ang pangmatagalang kapayapaan.

Ayon kay Corpin, isa siya sa mga makapagpapatunay na nakakakuha ng maraming benepisyo ang mga “surrenderers” sa pagbabalik-loob ng mga ito sa pamahalaan.

Kasabay nito, hinikayat ni Corpin ang mga estudyanteng aktibista na huwag nang suportahan ang umano’y legal front organizations ng CPP-NPA-NDF.

December 13, 2020 0 comment

HEADLINES INTERNATIONAL NEWS

COVID-19 cases sa buong mundo mahigit 72-M na

written by Gilbert Perdez

Halos umabot na sa 1.61 milyon ang kabuuang bilang ng mga nasawi dahil sa COVID-19 sa buong mundo.

Batay sa pinakahuling datos mula sa Johns Hopkins University, pumalo na sa mahigit 72.12 milyon ang coronavirus infections sa iba’t-ibang panig ng daigdig.

Pinakamarami pa rin ang naitala sa Estados Unidos na nasa 16.54 million infections at 305,000 deaths habang pangalawa naman ang India na mayroong 9.85 million infections.

Samantala, pumangatlo ang Brazil na nakapagtala ng mahigit 6.88 million infections habang aabot naman sa 181,000 ang COVID-19 fatalities sa naturang bansa.

December 13, 2020 0 comment

HEADLINES NATIONAL NEWS

Mahigit 9k na mga gumaling sa COVID-19 naitala

written by Gilbert Perdez

Nakapagtala ang Department of Health ng 9,269 na bagong recoveries nitong nakalipas na 24 na oras dahilan upang umakyat sa 418,687 ang bilang ng mga gumaling mula sa COVID-19 sa Pilipinas.

Batay sa pinakahuling case bulletin ng DOH, sumampa na sa 449,400 ang total cases sa bansa dahil sa 1,085 na bagong kaso.

Sa bilang na ito, ayon sa ahensya, nasa 21,980 na lamang ang active cases.

Nanguna naman ang Quezon City sa may pinakamaraming bagong kaso (103) na sinundan ng Rizal province (46), Makati (44), Maynila (43), at Pasig (39).

Samantala, tatlo pang pasyente ang pumanaw dulot ng virus dahilan upang sumirit sa 8,733 ang death toll sa buong bansa.

December 13, 2020 0 comment

INTERNATIONAL NEWS

Isa patay, 2 sugatan sa naganap na rocket strike sa Afghanistan

written by Gilbert Perdez

Isa ang patay habang sugatan ang dalawang iba pa sa serye ng rocket strike sa Afghanistan.

Ayon kay interior ministry spokesman Tariq Arian, sampung rockets ang tumama malapit sa international airport sa Kabul.

Sinasabing ang mga bomba ay pinakawalan mula sa isang sasakyan kung saan bukod sa mga nasawi at nasugatan ay napinsala rin ang isang eroplano.

Wala pang umakong grupo sa naturang pag-atake.

December 13, 2020 0 comment

ENTERTAINMENT

Wally Bayola, Allan K positibo sa COVID-19

written by Gilbert Perdez

Tinamaan ng COVID-19 ang mga komedyanteng sina Wally Bayola at Allan K.

Sa kanyang noontime show, ibinunyag ni Allan na naging “severe” ang kanyang kaso kung saan dumating pa sa puntong isinugod siya sa Intensive Care Unit (ICU) at 3 araw siyang nanatili roon.

Samantala, naniniwala naman si Wally na ilan sa posibleng dahilan ng pagdapo ng virus sa kanya ay ang hindi niya pagsunod sa health protocols at ang pagpapaniwala niya sa mga kumakalat na maling impormasyon sa social media.

December 12, 2020 0 comment

HEADLINES NATIONAL NEWS

Bilang ng gumaling sa COVID-19 sa bansa nadagdagan ng 111

written by Gilbert Perdez

Nadagdagan pa ng 111 ang bilang ng mga gumaling mula sa COVID-19 sa Pilipinas.

Dahil dito, ayon sa department of health (DOH), sumirit na sa 409,433 ang total recoveries sa bansa.

Sumampa naman sa 448,331 ang kabuuang bilang ng mga tinamaan ng virus bunsod ng 1,301 na bagong kaso.

nanguna ang davao del norte sa mga nakapagtala ng pinakamaraming bagong impeksiyon (96) na sinundan ng Quezon City (76), Laguna (59), Rizal (50), at Western Samar (50).

Samantala, 35 pang pasyente ang nasawi dahilan upang umakyat sa 8,730 ang death toll sa buong kapuluan.

December 12, 2020 0 comment

HEADLINES NATIONAL NEWS

Pamunuan ng Facebook humingi ng paumanhin sa netizens

written by Gilbert Perdez

Muling nag-sorry ang pamunuan ng Facebook matapos ang malawakang outage sa buong mundo.

Matatandaang nitong Biyernes ay hirap na makatanggap at makapagpadala ng mensahe ang mga subscribers ng FB messenger, instagram dm o workplace chat.

Sa kabila ng paghingi nila ng paumahin, hindi naman binanggit ng kompanya kung ano ang sanhi ng nabanggit na aberya.

December 12, 2020 0 comment

Newer Posts

Older Posts