Suspendido ang operasyon ng punong tanggapan ng Department of Labor and Employment (DOLE) sa Intramuros, Maynila.
Ito’y makaraang tamaan umano ng Coronavirus Disease 2019 (COVID-19) ang isa mga matataas nitong opisyal at ilang empleyado ng ahensya.
Sa isang pahayag, bagama’t tinukoy ng DOLE na isang undersecretary ang nagpositibo sa coronavirus ay hindi naman nito binanggit ang pangalan ng opisyal na kasalukuyan nang nagpapagaling.
Sapat ang bilang ng mga isolation centers at quarantine facilities para sa mga COVID-19 patients.
Ito ang tiniyak ni National Policy Against COVID-19 Deputy Chief Implementer Sec. Vince Dizon sa gitna ng pangamba na posibleng tumaas ang bilang ng mga kaso ng COVID-19 sa bansa ngayong holiday season.
Pahayag ni Dizon, hindi rin tumitigil ang Department of Public Works and Highways (DPWH) sa paggawa ng mga isolate centers ng mga pasyente.
Inaayos na rin aniya ang deployment ng mga doktor at nurses sa mga bagong tayong pasilidad sa bansa.
Hindi saklaw ng Philippine Red Cross (PRC) ang paglalabas ng medical information at safety protocols na may kaugnayan sa Coronavirus Disease (COVID-19).
Paliwanag ni PRC chairman at Chief Executive Officer Senator Richard Gordon, tanging ang Department of Health at Inter-Agency Task Force ang may kapangyarihang maglabas ng mga naturang impormasyon.
Giit ni Gordon, ang trabaho lamang ngayon ng PRC bilang isang humanitarian organization ay ang magsagawa ng testing services at sumuporta sa mga komunidad at mga indibidwal na dinapuan ng COVID-19.
Bagama’t mababa na ang bilang ng mga aktibong kaso ng Coronavirus Disease 2019 (COVID-19) sa Taguig City, tiniyak na lokal na pamahalaan na lalo itong maghihigpit sa pagpapatupad health protocols ngayong holiday season.
Pagmamalaki ni Mayor Lino Cayetano, nasa 10,226 na ang mga naitalang kaso sa kanilang lungsod pero 46 na pasyente na lamang ang kasalukuyang nagpapagaling.
Sa kabila aniya ng mababang bilang ng mga aktibong kaso sa kanilang siyudad, mas lalo pang paiigtingin ng lokal na pamahalaan ang mga hakbang nito kontra COVID-19.
Inanunsiyo ng Commission on Elections (COMELEC) na walang voter registration sa huling 4 na holidays ngayong taon.
Sa isang advisory, ipinaliwanag ng poll body na sarado ang lahat nitong tanggapan sa buong bansa sa Disyembre 25 (Pasko) at Disyembre 30 (Rizal Day) na parehong regular holidays at maging sa Disyembre 24 at 31.
Isasagawa naman ang huling araw ng voter registration ngayong taon sa Disyembre 29 at magpapatuloy ito sa Enero 4, 2021.
Samantala, muling nagpaalala sa publiko ang COMELEC ukol sa ipinatutupad na health protocols sa iba’t ibang sangay nito sa buong bansa.
Patay ang 3 indibidwal sa magkakahiwalay na pag-atake sa Afghanistan.
Ayon sa Kabul police, sa unang insidente, biglang sumabog ang isang armored vehicle sa hilagang bahagi ng Kabul kung saan maliban sa mga nasawi ay 2 iba pa ang nasugatan.
Samantala, dead on the spot naman ang isang government prosecutor makaraang pagbabarilin ng ‘di pa nakikilalang salarin sa Eastern Kabul.
Wala pang grupong umako sa mga naturang pag-atake.
Humakot ng 2 tanso si Filipino gymnast Carlos Yulo sa all-Japan gymnastics championships bilang bahagi ng kanyang paghahanda para sa Tokyo olympics sa susunod na taon.
Ito’y makaraang humataw ang 20-anyos na gymnast sa floor exercises at vault sa kompetisyon na ginanap sa Takasaki arena.
Sinasabing umiskor si Yulo ng 14.866 sa vault kasunod ng kanyang mga katunggali na sina Hidenobu Yonekura (15.133) at Keisuke Asato (15.083).
Patay ang tatlong indibidwal sa magkakahiwalay na pag-atake sa Afghanistan.
Ayon sa Kabul police, sa unang insidente, biglang sumabog ang isang armored vehicle sa hilagang bahagi ng Kabul kung saan maliban sa mga nasawi ay dalawang iba pa ang nasugatan.
Samantala, dead on the spot naman ang isang government prosecutor makaraang pagbabarilin ng ‘di pa nakikilalang salarin sa eastern Kabul.
Wala pang grupong umako sa mga naturang pag-atake.
Mas malaki ang matatanggap na sahod ng mga empleyado sa pribadong sektor ngayong buwan.
Ito’y bunsod ng tatlong special non-working holiday at dalawang regular holiday ngayong buwan ng Disyembre na binanggit din sa Labor Advisory No. 32 na nilagdaan ni Labor Secretary Silvestre Bello III.
Ayon sa labor department, kabilang sa mga special holiday ay ang Feast of the Immaculate Conception of Mary sa Disyembre 8, Christmas Eve at New Year’s Eve habang regular holiday sa Pasko at maging sa Rizal Day sa Disyembre 30.
Samantala, muling nagpaalala sa mga employers ang DOLE na tumalima sa tamang pagbibigay ng sahod sa mga naturang holiday.
Mag-ingat laban sa mga bogus brokers.
Ito ang babala sa publiko ni Housing czar Secretary Eduardo del Rosario matapos madakip sa Alfonso, Cavite ang ilang indibidwal na umano’y dawit sa illegal real estate transactions.
Sina Joana Marie Cruzada, Joana Marie Viray, Felmarich Dagohoy, at Jovannie Cruz ay nahuli sa joint entrapment operation ng mga elemento ng National Bureau of Investigation (NBI) at Department of Human Settlements and Urban Development (DHSUD).
Sa imbestigasyon, nagpanggap ang mga suspek bilang mga empleyado ng 1Premier Land Marketing Company na umano’y marketing arm ng Alta Vista.