Author

Gilbert Perdez

DWIZ 882

Dacera case tututukan ng NCRPO

Mas tututukan ng National Capital Region Police Office (NCRPO) ang imbestigasyon sa pagkamatay ng flight attendant na si Christine Angelica Dacera sa isang hotel sa Makati.

Katunayan, ayon kay NCRPO Director, Police Brig. Gen. Vicente Danao Jr., bumuo na sila ng isang Special Investigation Task Group (SITG) upang mapalakas pa ang kaso matapos magpatawag ng preliminary investigation ang City Prosecutor’s Office.

Matatandaang ipinag-utos din ng piskalya ang pagpapalaya sa tatlong suspek dahil sa umano’y mahinang ebidensya kaugnay ng kasong rape with homicide na isinampa laban sa mga ito.

Inanunsiyo na rin ng Department of Justice na magsasagawa ng parallel probe ang National Bureau of Investigation sa pagkamatay ng dalaga.

January 8, 2021 0 comment

INTERNATIONAL NEWS

Japan nakapagtala ng mahigit 800 bagong kaso ng COVID-19

written by Gilbert Perdez

Nakapagtala ng mahigit 800 bagong kaso ng COVID-19 ang Japan.

Nangyari ito isang araw matapos manawagan sa Japanese government ang mga gobernador na magdeklara ng ikalawang state of emergency bunsod ng patuloy na pagtaas ng coronavirus cases sa kanilang bansa.

Una nang binalewala ni Prime Minister Yoshihide Suga ang mga panawagan ng mga lokal na opisyal dahil hindi pa aniya ganap na nakakabangon ang kanilang ekonomiya.

Gayunman, nilinaw ng economy minister ng Japan na ikokonsulta muna nila ang usaping ito sa mga health experts.

January 3, 2021 0 comment

HEADLINES NATIONAL NEWS

Mga Pinoy overseas na tinamaan ng COVID-19 umakyat na sa 12,892 —DFA

written by Gilbert Perdez

Sumirit na sa 12,892 ang bilang ng mga Pilipinong tinamaan ng COVID-19 sa ibayong dagat.

Ayon sa Department of Foreign Affairs (DFA), ito’y dahil sa isang bagong kaso na naitala sa hanay ng mga Pinoy abroad.

Sa nabanggit na datos, nasa 3,594 ang aktibong kaso o ‘yung kasalukuyan pang sumasailalim sa gamutan.

Wala namang naitalang bagong recovery kaya’t nakapako sa 8,387 ang total recoveries sa labas ng bansa.

Samantala, nananatili sa 911 ang death toll dahil wala ring naidagdag sa nabanggit na listahan.

January 3, 2021 0 comment

NATIONAL NEWS

Flight attendant ng PAL natagpuang patay sa Makati City

written by Gilbert Perdez

Palaisipan ngayon sa pulisya kung nagpakamatay o sadyang pinatay ang isang babaeng flight attendant ng Philippine Airlines (PAL) matapos makitang wala nang buhay sa City Garden Grand Hotel sa Makati City nitong Biyernes, Enero 1.

Kinilala ng Makati City Police Station ang biktima na si Christine Angelica Dacera, 23 taong gulang, at residente ng VS Subdivision, Barangay San Isidro, General Santos City.

Hinala ng pamilya ng dalaga, may foul play sa pagkamatay ng biktima bunsod ng mga nakitang pasa at sugat sa kanyang binti at hita.

Sa paunang imbestigasyon ng pulisya, natagpuan si Dacera ng kaibigang si Rommel Galida na nakahiga sa bathtub ng inuupahang Room 2209 ng hotel.

Sinubukan nitong tapikin o gisingin ang dalaga pero hindi ito tumugon kaya’t agad nila itong dinala sa klinika kung saan natuklasan umanong wala na itong pulso at hindi na humihinga.

Batay sa mga kuha ng CCTV ng hotel, bandang alas-6:00 ng umaga ng Enero 1 ay pumasok sa nabanggit na room si Dacera na may kasamang dalawang lalaki.

Sa ngayon, patuloy imbestigasyon ng mga awtoridad sa insidente upang matukoy ang sanhi ng pagkamatay ng biktima.

January 3, 2021 0 comment

HEADLINES NATIONAL NEWS

Mga pasahero sa PITX patuloy ang pagbuhos, kakaunti naman sa NAIA

written by Gilbert Perdez

Patuloy ang pagbuhos ng mga pasahero sa Parañaque Integrated Terminal Exchange (PITX) matapos mag-Pasko at mag-Bagong Taon sa mga probinsya.

Bagama’t marami nang bumabalik sa National Capital Region (NCR), maluwag pa rin sa PITX habang mahigpit ang seguridad sa nabanggit terminal.

Tinitingnang mabuti ang mga may kasamang bata o senior citizen na dapat may dalang travel pass at kung wala namang pass ay hindi pinapapasok sa terminal ang mga ito.

Samantala, kahit kakaunti ang mga pasahero ay tuloy-tuloy pa rin ang dating ng mga biyahero sa Ninoy Aquino International Airport (NAIA).

Kahit naman ang mga umuuwing Pinoy galing sa labas ng bansa at may dalang negative swab test result o nabakunahan na ay sasailalim pa rin sa mandatory 14-day quarantine bunsod ng mga paghihigpit na dulot ng bagong COVID-19 variant.

Ayon sa Bureau of Immigration, sakop ng travel restrictions ang mga sumusunod na bansa:

*United Kingdom

*Australia

*Canada

*Denmark

*France

*Germany

*Hong Kong

*Iceland

*Ireland

*Israel

*Italy

*Japan

*Lebanon

*Singapore

*South Africa

*South Korea

*Sweden

*Spain

*Switzerland

*The Netherlands

*United States

January 3, 2021 0 comment

NATIONAL NEWS

Mga PSG personnel na nagpaturok ng COVID-19 vaccine dapat papurihan —Panelo

written by Gilbert Perdez

Nararapat papurihan ang mga Presidential Security Group (PSG) personnel na nagpaturok ng bakuna kontra coronavirus disease 2019 (COVID-19) kahit hindi pa ito aprubado ng Food and Drug Administration (FDA).

Ayon kay Chief Presidential Legal Counsel Salvador Panelo, ito’y dahil inilagay ng mga sundalo sa panganib ang kanilang mga sarili para maprotektahan si Pangulong Rodrigo Duterte.

Giit pa ni Panelo, bilang mga front-liners ay kasama rin naman ang mga miyembro ng PSG sa ‘priority list’ ng mga dapat pagkalooban ng COVID-19 vaccine.

January 3, 2021 0 comment

HEADLINES NATIONAL NEWS

COVID-19 recoveries sa bansa sumampa na sa 448,258 —DOH

written by Gilbert Perdez

Sumampa na sa 448,258 ang bilang ng mga gumaling mula sa coronavirus disease 2019 (COVID-19) sa Pilipinas.

Ito’y makaraang makapagtala ang Department of Health (DOH) ng 8,316 na bagong recoveries.

Batay sa pinakahuling case bulletin ng ahensya, nakapagtala ito ng 891 na bagong kumpirmadong kaso kaya’t pumalo na sa 477,807 ang total COVID-19 cases sa bansa.

Sa nabanggit na bilang, nasa 20,292 ang aktibong kaso.

Nanguna naman ang Davao City sa may pinakamaraming kaso na 65 infections na sinundan ng Rizal na 55 cases, Isabela (50), Maynila (40), at Quezon City (37).

Samantala, sumirit na sa 9,257 ang death toll matapos pumanaw ang apat pang COVID-19 patients.

JUST IN: Kaso ng COVID-19 sa bansa, nadagdagan pa
ng 891 ngayong Linggo, Enero 3.

Pumalo na sa kabuuang 477,807 ang bilang ng
kumpirmadong kaso ng COVID-19 sa bansa. Mayroon namang 20,292 naitalang active cases. | https://t.co/HHOy7zaafm pic.twitter.com/Utvn9RdObO

— DWIZ Newscenter (@dwiz882) January 3, 2021

January 3, 2021 0 comment

HEADLINES NATIONAL NEWS

Pagsugpo sa online sexual exploitation sa mga menor de edad mas paiigtingin pa

written by Gilbert Perdez

Mas paiigtingin pa ng anti-cybercrime units ng gobyerno ang mga ginagawa nitong hakbang upang masugpo ang online sexual exploitation ng mga bata at menor de edad.

Ang pahayag ay ginawa ni Justice Secretary Menardo Guevarra matapos mapaulat na may mga estudyante na nagbebenta ng mga malalaswa nilang larawan at videos sa social media para may pambili ng mga gamit sa distance learning.

Matatandaang ibinunyag din ng ilang mambabatas ang pagtaas ng bilang ng mga kaso ng online sexual exploitation of children o OSEC sa kasagsagan ng COVID-19 pandemic.

Ayon kay Guevarra, sa oras na may naipasa nang batas ang Kongreso na may kinalaman sa online sexual exploitation ng mga bata at menor de edad ay mas palalakasin pa nila ang crack down laban sa cybercrime at iba pang uri ng human trafficking sa internet.

January 3, 2021 0 comment

HEADLINES NATIONAL NEWS

Online sexual abuse, exploitation sa mga menor de edad ikinababahala

written by Gilbert Perdez

Ikinababahala ng isang senador ang napaulat na online sexual abuse at exploitation sa hanay ng mga bata o menor de edad.

Ginawa ni Sen. Sherwin Gatchalian ang pahayag matapos mapaulat na may mga estudyante nang nagbebenta ng kanilang malalaswang larawan at videos online upang makabili ng gadgets at makabayad ng internet bill.

Binanggit ni Gatchalian ang isang post sa Philippine Online Student Tambayan (POST) kung saan sinasabing gumagamit ang ilang estudyante ng #AlterPH, #AlterPinay, at #AlterPhilippines sa Twitter para sa mga transaksiyon.

May tinatawag din aniyang “Christmas bundle” na naglalaman ng iba’t ibang larawan at videos na kung minsan ay nakikita pa ang mukha ng estudyante at ibinebenta sa halagang ng P150.00.

Batay sa datos, mula Marso hanggang Mayo 24, 2020 ay higit 279,000 cases ng online sexual exploitation of children (OSEC) ang naitala sa Metro Manila o katumbas ng 264% na pagtaas mula sa higit 76,561 cases sa katulad na panahon noong 2019.

January 3, 2021 0 comment

RONDA PROBINSYA

Naaagnas na bangkay ng pulis natagpuan sa Aglipay, Quirino

written by Gilbert Perdez

Naaagnas na ang bangkay ng isang pulis nang matagpuan sa isang ilog sa Aglipay, Quirino.

Kinilala ni Cagayan Valley regional police director, Police Brig. Gen. Crizaldo Nieves ang biktima na si Police Chief Master Sergeant Dexter Manicap Altre na nakatalaga sa Maddela police station sa lalawigan.

Babala ni Nieves, hindi sila titigil hangga’t hindi nila nalalaman ang katotohanan sa likod ng pagkamatay ni Altre na noong Disyembre 29 pa ini-ulat na nawawala.

Nabatid na nadiskubre ng isang residente ang katawan ni Altre na lumulutang sa Addalam River sa Barangay Cabugao na agad naman nitong ipinarating sa mga awtoridad.

Sinasabing may mga tama ng bala sa iba’t ibang parte ang biktima pero isasailalim pa ang labi nito sa awtopsiya.

January 3, 2021 0 comment

Newer Posts

Older Posts