Naitala ng Philippine Institute for Development Studies (PIDS) na ang middle class sa Pilipinas ang pangunahing naaapektuhan ng patuloy na pagtaas ng presyo ng bilihin at mataas na interest rates, sa gitna ng tinatawag na “squeeze economy” ng bansa.
Ayon kay PIDS Senior Research Fellow John Paolo Rivera, ang middle class ang nagsisilbing “quiet absorber” ng mga economic shock, dahil patuloy nilang sinasalo ang pagtaas ng gastusin kahit hindi sapat ang natatanggap na tulong mula sa pamahalaan.
Dagdag pa ni PIDS Senior Research Fellow Rivera, mas mabilis ding naaapektuhan ang mga minimum wage earner at mga pamilyang umaasa sa remittance ng mga OFW kapag tumataas ang presyo ng mga pangunahing bilihin.
Inaasahang maaaring manatiling mabagal ang paglago ng ekonomiya sa susunod na labindalawa hanggang labingwalong buwan kung hindi agad maaayos ang mga isyu sa enerhiya, pagkain, imprastraktura, at pamumuhunan.—sa panulat ni Reabelle Medina
#dwiz #dwiznews #aliw23
