Author

Gilbert Perdez

DWIZ 882

HEADLINES HOT STORIES OF THE WEEK NATIONAL NEWS

Sinovac COVID-19 vaccines dumating na sa bansa

Tulad ng inaasahan, dumating na ang kauna-unahang batch ng mga bakuna kontra COVID-19 na donasyon ng Chinese government sa Pilipinas at gawa ng Sinovac Biotech.

Pasado alas-4 ng hapon nang lumapag sa Villamor Air Base sa lungsod ng Pasay ang cargo plane ng Chinese military kung saan lulan ang nasa 600,000 doses ng CoronaVac.

Pinangunahan ni Pangulong Rodrigo Duterte ang welcome ceremony para sa mga bakuna, kasama ang ilang opisyal ng gobyerno, habang sinalubong naman ito ni Chinese Ambassador to the Philippines Huang Xilian.

Sa kanyang talumpati, sinabi ni Huang na ang pagpapadala ng vaccine donation ng China sa Pilipinas ay bilang pagtupad na rin ni Chinese President Xi Jinping sa pangako nitong tutulong sa pagpuksa sa virus.

February 28, 2021 0 comment

RONDA PROBINSYA

Dating mayor ng Agusan Del Norte abswelto sa kasong may kaugnayan sa pag-demolish ng mga bahay ng informal settlers

written by Gilbert Perdez

Nilinis ng Sandiganbayan ang isang dating alkalde at isang building official sa kasong may kaugnayan sa pag-demolish ng mga bahay ng mga informal settlers sa Agusan Del Norte noong 2011.

Batay sa desisyon ng Sixth Division ng anti-graft court, inabswelto sina dating Tubay mayor Sadeka Tomaneng at municipal engineer Christopher Dagani.

Sa reklamo ng mga residente, ipinag-utos ni Tomaneng ang paggiba sa kanilang mga bahay sa Brgy. La Fraternidad kahit na ito’y maituturing na resettlement o relocation site.

Ngunit sa pasya ng korte, ipinaliwanag na ang pagpapagiba sa mga istraktura ay alinsunod sa batas at nabigyan din ng umano ng ‘due process’ ang mga mamamayan bago ginawa ang nasabing demolisyon.

Sinasabing nakatayo rin ang mga bahay sa mga daluyan ng tubig at road network kaya’t ipinag-utos ang pag-demolis sa mga ito.

February 28, 2021 0 comment

HEADLINES HOT STORIES OF THE WEEK NATIONAL NEWS

Rollout ng COVID-19 vaccines sisimulan na bukas

written by Gilbert Perdez

Inaasahang sisimulan na ang rollout ng vaccination program bukas, Marso 1.

Ayon kay vaccine czar Secretary Carlito Galvez Jr., ito’y matapos mai-deliver sa bansa ng Chinese government ang 600,000 doses ng bakuna kontra Covid-19 na gawa ng Sinovac Biotech.

Naudlot naman ang delivery ng 525,600 doses ng vaccine ng AstraZeneca at inaasahang dadating ito sa Pilipinas sa mga susunod na araw sa pamamagitan ng COVAX Facility.

Sinabi ni Galvez na nasa prayoridad pa rin na mabigyan ng bakuna ang mga healthcare workers at iba pang medical front-liners.

Matatandaang binigyan na ng Emergency Use Utilization (EUA) ng Food and Drug Administration (FDA) ang mga pharmaceutical firms tulad ng Pfizer, AstraZeneca, at Sinovac.

February 28, 2021 0 comment

RONDA PROBINSYA

Arsobispo sa San Fernando, Pampanga nagpositibo sa COVID-19

written by Gilbert Perdez

Dinapuan ng COVID-19 ang pinuno ng archdiocese ng San Fernando, Pampanga na si archbishop Florentino Lavarias.

Sa isang circular letter, nilinaw naman nina Pampanga Archdiocese Vicar General Rev. Fr. Francis Dizon at Chancellor Fr. Danny Nacpil na stable na ang kondisyon ng 64 taong gulang na arsobispo.

Sinasabing alam na rin ng mga nakasalamuha ni Lavarias ang kalagayan ng nasabing opisyal ng simbahan.

Humihingi rin ng panalangin sa publiko ang archdiocese para sa agarang paggaling ni Lavarias.

February 28, 2021 0 comment

INTERNATIONAL NEWS

42 katao na dinukot sa Nigeria pinalaya ng mga kidnaper

written by Gilbert Perdez

Pinalaya na ng mga kidnaper ang 42 katao, kabilang ang 27 estudyante, na dinukot ng mga ito mula sa isang boarding school sa Zamfara state sa Nigeria.

Sinasabing ang mga napalaya ay kabilang sa tatlong daang estudyanteng babae na tinangay ng mga salarin mula sa Government Science secondary school.

Hindi naman binanggit ni Governor Abubakar Sani Bello kung nagbayad ito ng ransom kapalit ng pagpapalaya sa mga biktima.

February 28, 2021 0 comment

HEADLINES NATIONAL NEWS

400K manggagawa mula sa tourism sector posibleng mabiyayaan ng CAMP mula DOLE

written by Gilbert Perdez

Inaasahang makikinabang sa COVID-19 Adjustment Measures Program o CAMP ng Department of Labor and Employment (DOLE) ang 400,000 pang manggagawa mula sa tourism sector.

Ayon kay Labor Assistant Secretary Dominique Tutay, sa 500,000 beneficiaries ng programa, nasa 171,000 lamang mula sa nasabing sektor ang nakatanggap na ng ayuda.

Dagdag pa ng opisyal, mahigit isang milyong empleyado na rin mula sa formal sector ang una nang nakakuha ng CAMP program.

February 28, 2021 0 comment

HEADLINES NATIONAL NEWS

2 patay sa magkahiwalay na aksidente sa Capiz

written by Gilbert Perdez

Patay ang dalawa katao, kabilang ang isang konsehal ng bayan, sa magkahiwalay na aksidente sa Capiz.

Unang nasawi si Conradlou Hondrado, miyembro ng Sangguniang Bayan ng Sapian, matapos mabangga ng multicab ang sinasakyan niyang bisikleta sa Barangay Poblacion.

Nadala pa sa ospital ang biktima pero idineklara itong dead on arrival ng doktor.

Sa bayan naman ng Ivisan, patay ang 81 taong gulang na si Inocentes Arguelles makaraang sumalpok sa poste ng kuryente ang minamaneho nitong multicab.

Nawalan umano ng kontrol sa sasakyan si Arguelles kaya’t tuluyan itong bumangga sa poste sa Barangay Malocloc.

February 28, 2021 0 comment

HEADLINES NATIONAL NEWS

QC magsasagawa ng sariling simulation exercise para sa pagbabakuna

written by Gilbert Perdez

Nagsagawa ang Quezon City government ng sarili nitong simulation exercise para sa pagbabakuna kontra COVID-19.

Ang dry run ng vaccination program ay pinangunahan ng Quezon City General Hospital, katuwang ang Zuellig Pharma Corp.

Ayon sa lokal na pamahalaan, gagamit ito ng app o application na “EzVax” kung saan digitalized at centralized ang pre-screening o scheduling ng pagbibigay ng bakuna sa mga health care workers.

Sa kaparehong application, magiging madali rin ang pag-access sa medical history at schedule ng pasyente sa pagkuha ng ikalawang shot ng vaccine.

February 27, 2021 0 comment

HEADLINES NATIONAL NEWS

Wage subsidy para sa mga manggagawa isinusulong

written by Gilbert Perdez

Naisumite na ng Department of Labor and Employment (DOLE) sa Department of Budget and Management (DBM) ang proposal para sa pagkakaloob ng wage subsidy sa mga manggagawa at establisimyento na apektado ng COVID-19 pandemic.

Ayon kay Labor Assistant Secretary Dominique Tutay, kasama sa mga isinusulong nila ang pagkakaroon ng tatlong ‘sources of funds’ para sa programa.

Tinatayang 1.6 million workers at 30,000 establishments ang makikinabang sa nasabing subsidiya.

February 27, 2021 0 comment

HEADLINES NATIONAL NEWS

Higit 500K na Astrazeneca COVID-19 vaccines inaasahang darating sa Lunes

written by Gilbert Perdez

Tinatayang 525,600 doses ng COVID-19 vaccine ng AstraZeneca mula United Kingdom ang inaasahang maide-deliver sa bansa bukas, Marso 1.

Ayon kay Presidential Spokesperson Harry Roque, ito’y idadaan sa pamamagitan ng Vaccines Global Access o COVAX facility.

Sinabi ni Roque na mabibigyan nito ang tinatayang dalawampung porsiyento ng populasyon ng bansa.

February 27, 2021 0 comment

Newer Posts

Older Posts