Tiniyak ni House Prosecution Panel Legal Spokesperson Benjamin Tolosa Jr. na hindi makakaapekto sa paglilitis ni Vice President Sara Duterte ang kaso ni Senador Rodante Marcoleta.
Matatandaang nagsampa ng kasong plunder ang Office of the Ombudsman laban kay Senador Marcoleta nitong Biyernes, Hulyo a-tres.
Ayon kay Atty. Tolosa, magkahiwalay na usapin ang impeachment trial at ang kasong isinampa laban sa mambabatas.
Samantala, inaasahan naman ng House Prosecution Panel na matatalakay na sa pagsisimula ng impeachment trial ang mga kahon na naglalaman ng tax records ni Vice President Duterte.—sa panulat ni Reianne Antiquina
