Umaasa si House impeachment prosecutor Terry Ridon na personal na haharap si Vice President Sara Duterte sa unang araw ng kanyang impeachment trial sa Hulyo .
Ito’y matapos atasan ng Senate Impeachment Court si VP Sara na humarap nang personal o sa pamamagitan ng kanyang abogado.
Ayon kay Congressman Ridon, mas nararapat na ang mismong bise presidente ang dumalo bilang paggalang sa impeachment court.
Samantala, nilinaw ni private prosecutor at panel spokesman Benjamin Tolosa Jr. na prerogative ng pangalawang pangulo kung personal siyang haharap sa paglilitis.
Iginiit naman ng House Prosecution Panel na handa na silang iharap ang kanilang ebidensiya at patunayan ang mga alegasyon laban kay Vice President Duterte.—sa panulat ni Jordan Gutierrez
