Maliit lang ang epekto ng mga nagdaang bagyo sa kabuuang food supply ng Pilipinas.
Ito’y ayon kay Federation of Free Farmers Cooperatives Incorporated National Manager Raul Montemayor matapos hagupitin ng magkasunod na bagyong Tino at Uwan ang mga sakahan sa buong bansa.
Ayon kay Montemayor, bagama’t maaga pa para estimahin ang kabuuang pinsala sa mga pananim, marami namang inaani ang mga magsasaka tuwing matatapos ang taon.
Samantala, sinabi ni Montemayor na pinaka-apektado ang mga maisan sa Northern Luzon dahil nasa kalagitnaan ito ng production season, na malimit na itinatapat sa -ber months.
Gayunpaman, tinamaan din anya ng bagyo ang mga high-value crops tulad ng gulay, ngunit dahil maikli lang ang production cycle nito, madaling makabangon ang mga magsasaka ng gulay.
