Iginiit ni dating Far Eastern University Institute of Law Dean Mel Santa Maria na hindi saklaw ng Anti-Hazing Act ang kaso kaugnay sa pagkalunod ng dalawang Ateneo student athlete na sina Rene Baterbonia at Divine Adili.
Ayon kay Atty. Sta. Maria, mas angkop na magsampa ng kasong reckless imprudence resulting in homicide o criminal negligence, batay sa mga impormasyong lumabas sa insidente.
Dagdag pa ng dating dean, posibleng maantala ang pag-usad ng kaso kung maling reklamo ang isasampa laban sa mga akusado.—sa panulat ni Reianne Antiquina
