Author

Gilbert Perdez

DWIZ 882

2 menor de edad patay matapos sumalpok sa poste ng kuryente ang sinasakyan nilang motorsiklo sa Iloilo

Nasawi ang dalawang menor de edad makaraang sumalpok sa poste ng kuryente ang sinasakyan nilang motorsiklo sa Bonifacio Street, Dumangas, Iloilo.

Ayon sa Dumangas Police, dead on arrival sa ospital ang hindi pinangalanang mga biktima habang nilalapatan naman ng lunas ang kasamahan nila.

Batay sa imbestigasyon, lango sa alak ang mga ito at magkaangkas sa iisang motorsiklo kung saan sa bilis ng takbo ay bumangga sila sa poste.

Dahil dito, muling nagpaalala sa mga motorista ang mga awtoridad na mag-ingat sa pagmamaneho at huwag nang bumiyahe kung inaantok o lasing.

March 5, 2021 0 comment

HEADLINES NATIONAL NEWS

PH Embassy patuloy na nakikipag-ugnayan sa USA kaugnay sa paglobo ng mga insidente ng karahasan laban sa mga Asyano

written by Gilbert Perdez

Patuloy na nakikipag-ugnayan ang Philippine Embassy sa mga awtoridad sa Estados Unidos para protektahan ang mga Pilipino roon sa gitna ng nakakaalarmang paglobo ng bilang ng mga insidente ng karahasan laban sa mga Asyano.

Ayon kay Philippine Ambassador to the US Jose Manuel Romualdez, lumiham na sila sa State Department kung saan humirit sila ng agarang assistance para sa lahat ng Asians, kabilang ang mga Pinoy at Filipino-Americans sa nasabing bansa.

Ipinagmalaki ni Romualdez na dahil sa kanilang panawagan ay nagkaroon na rin ng Senate committee hearing kaugnay ng mga hate crimes laban sa mga Asyano na lumala umano mula nang magkaroon ng pandemya.

Matatandaang nalaslas ang mukha ng Pinoy na si Noel Quintana matapos atakehin ng isang lalaki sa subway sa New York noong nakaraang buwan.

Halos isang daang tahi ang kinailangan para maisara ang sugat sa mukha ni Quintana.

March 5, 2021 0 comment

NATIONAL NEWS RONDA PROBINSYA

Cagayan Valley nakatanggap na ng CoronaVac

written by Gilbert Perdez

Nasa 10,800 doses ng CoronaVac ang natanggap ng Cagayan Valley.

Pahayag ni DOH-regional director Rio Magpantay, paghahati-hatian ng anim na ospital sa buong rehiyon ang mga nakuha nilang bakuna na gawa ng Sinovac Biotech.

Samantala, nagtalaga na rin ang 5th Infantry Division ng Philippine Army ng kanilang posibleng vaccination site para sa mga babakunahang sundalo sa rehiyon.

March 5, 2021 0 comment

NATIONAL NEWS RONDA PROBINSYA

9K doses na Sinovac COVID-19 vaccines dumating na sa Caraga

written by Gilbert Perdez

Nakatanggap na ng 9,000 doses ng Sinovac ang Department of Health sa Caraga Region (DOH-13).

Ayon kay DOH-13 director Jose R. Llacuna Jr., mula sa Bancasi Airport sa Butuan City ay agad na dinala ang mga bakuna sa itinalagang storage area sa lugar.

Uunahin namang bakunahan ang tinatayang 4,500 healthcare workers sa Region 13.

March 5, 2021 0 comment

RONDA PROBINSYA

80 tonelada ng giant clam shells nasabat ng PCG sa Palawan

written by Gilbert Perdez

Tinatayang 80 tonelada ng giant clam shells o taklobo na nagkakahalaga ng P160 milyon ang nasabat ng mga awtoridad sa bayan ng Roxas sa Palawan.

Ayon sa Philippine Coast Guard (PCG), nadiskubre ang mga taklobo sa isang beach sa Barangay VI, Johnson Island ngunit wala silang nahuling suspek.

Ang pangongolekta o pangunguha ng giant clams ay ipinagbabawal sa ilalim ng Philippine Fisheries Code of 1998 o Republic Act No. 10654.

Kasama naman ang taklobo sa tala ng International Union for Conservation of Nature o IUCN Red List ng mga itinuturing na threatened species kaya dapat itong mapangalagaan.

March 5, 2021 0 comment

INTERNATIONAL NEWS

8 katao patay sa magkahiwalay na karahasan sa Afghanistan

written by Gilbert Perdez

Patay ang walong indibidwal, kabilang ang isang babaeng doktor, sa magkahiwalay na karahasan sa Nangarhar province, Afghanistan.

Ayon sa pulisya, sa unang insidente, nasawi ang hindi pinangalanang doktor habang sugatan naman ang isang bata matapos pasabugan ang sasakyan nito habang papasok ito sa kanyang trabaho.

Samantala, patay naman ang pito pang indibidwal sa pamamaril sa isang pabrika sa nasabing lugar.

Wala pang umaakong grupo sa mga naturang pag-atake.

March 5, 2021 0 comment

HEADLINES NATIONAL NEWS

Overseas Pinoys na gumaling sa COVID-19 umakyat na sa 9,379

written by Gilbert Perdez

Sumampa na sa 9,379 ang bilang ng mga Pilipinong nakarekober sa coronavirus disease 2019 (COVID-19) sa labas ng bansa.

Ayon sa Department of Foreign Affairs (DFA), nagkaroon kasi ng 78 na bagong recoveries nitong weekend.

Sa pinakahuling case bulletin ng DFA, umabot na sa 14,896 ang total confirmed cases sa hanay ng mga kababayan natin sa ibayong dagat kung saan sa nasabing bilang ay 4,499 ang active cases.

Samantala, anim pang Pinoy abroad ang nasawi kaya’t sumirit na sa 1,018 ang death toll doon.

February 28, 2021 0 comment

HEADLINES NATIONAL NEWS

Hindi na obligadong magpakita ng travel authority, medical certificate ang mga biyahero —DILG

written by Gilbert Perdez

Kinumpirma ng Department of the Interior and Local Government (DILG) na hindi na obligadong magpakita ng travel authority at medical certificate ang mga biyahero.

Ayon kay DILG Undersecretary and spokesperson Jonathan Malaya, ito’y alinsunod sa inaprubahang uniformed travel protocols ng Inter-Agency Task Force (IATF).

Sinabi ni Malaya na hindi na rin mandatory o sapilitan ang COVID-19 testing para sa mga domestic travelers, maliban na lamang kung may umiiral pang requirement ang isang local government unit o LGU.

Nanawagan naman si Malaya sa mga lokal na pamahalaan na sumunod sa bagong regulasyon ng IATF.

Samantala, pinayuhan ni Malaya ang mga biyahero na bago bumiyahe ay tiyakin muna na walang COVID-19 testing requirement sa pupuntahan nilang lugar o destinasyon.

February 28, 2021 0 comment

RONDA PROBINSYA

PNP mas pinaigting pa sa pagdakip sa mga hinihinalang pumatay sa vice mayor ng Mabuhay, Zamboanga

written by Gilbert Perdez

Mas pinaigting pa ng Philippine National Police (PNP) ang manhunt operation para sa pagdakip sa mga hinihinalang pumatay kay vice mayor Restituto Calonge ng Mabuhay, Zamboanga Sibugay at sa isang engineer.

Ayon sa pulisya, tinutugis na ngayon ang mga suspek na sina Erer Magoda at Jomar Taiting, pawang mga miyembro ng Anwar Ansang Criminal Group na umano’y sangkot sa gun for hire, piracy, at illegal drugs activities sa rehiyon.

Sa imbestigasyon, nag-uusap sina Calonge at Engr. Edgar Pampanga sa Mabuhay town plaza malapit sa munisipyo nang lapitan ng gunman at pinagbabaril gamit ang isang cal. 45 pistol.

Napatay sa pamamaril sina Calonge at Pampanga habang sugatan naman ang municipal employee na si Hdj. Abduhari Gapor at isang Gregorio Baya Cenas na umano’y retiradong pulis.

February 28, 2021 0 comment

HEADLINES NATIONAL NEWS

Pangulong Duterte nagpasalamat sa mga donasyong bakuna ng China sa bansa

written by Gilbert Perdez

Nais ni Pangulong Rodrigo Duterte na bumiyahe ng China ngayong taon.

Ito’y para personal na pasalamatan si Chinese president Xi Jinping sa ipinadala nitong COVID-19 vaccines bilang donasyon sa Pilipinas.

Kasama ang iba pang opisyal tulad nina Health Secretary Francisco Duque at vaccine czar Carlito Galvez, personal na ininspeksiyon ng Pangulo ang crates ng mga bakuna na agad na dinala sa Department of Health storage facility sa lungsod ng Marikina.

Sa kanyang talumpati, pinasalamatan ni Duterte ang China at si Chinese Ambassador to the Philippines Huang Xilian sa donasyong bakuna.

I would like to personally thank Ambassador Huang Xilian for helping to insure the delivery of this donation. I said it before and I will say it again, COVID-19 vaccines as a global public good and make available to all rich, poor alike. No nation, no people should be left to suffer the ravages on this pandemic for whatever reasons,” ani Duterte

Ayon kay Duterte, ginagawa ng pamahalaan ang lahat upang makakuha ng sapat na bilang ng mga bakuna para sa mayorya ng mga Pinoy.

We cannot afford to waste time or resources in the distributions of these vaccines. Because we are dealingwith with preseasure life. To our dear frontliners allow me to take this opportunity to thank you for your valuable and self distribution to defeat COVID-19, ani Duterte

February 28, 2021 0 comment

Newer Posts

Older Posts