DWIZ 882

Sa patuloy na pagbulusok ng halaga ng piso kontra dolyar, sinabi ni Bangko Sentral ng Pilipinas Governor Eli Remolona na nagiging mayabang at magastos umano ang mga Pilipino dahil sa “consumption culture” ng bansa.

Sa pagharap niya sa pagdinig ng Senado, sinabi ni Remolona na pinakamainam na long-term solution upang hindi na lumala ang lagay ng pambansang ekonomiya ang pagpapataas ng personal savings ng mga mamamayan.

Dagdag pa ng gobernador ng Bangko Sentral, matagal nang negative ang current account ng bansa, o ang diperensya ng pumapasok at lumalabas na pera, kahit na malaki ang iniaambag ng remittances mula sa mga Pilipino sa ibayong dagat at ng business process outsourcing industry.

Matatandaang itinaas ng BSP Monetary Board ang policy rate nito ng 25 basis points sa 5%, kahit na patuloy ang pagsadsad ng halaga ng piso kontra dolyar.

Samantala, inalmahan ng Ibon Foundation ang naging pahayag ni Remolona sa pagdinig ng Senado.

Ayon kay Ibon Foundation Executive Director Sonny Africa, magastos ang mga Pilipino dahil higit na mas malaki ang halaga ng pangangailangan ng mga ito kumpara sa kanilang kinikita.

Kinondena rin ni Africa ang pahayag ng gobernador na problema ang “consumption culture” ng bansa dahil “entitled” umano itong pahayag; at para na rin ay itong insulto sa milyon-milyong Pilipino na naghihikahos sa kanilang kita.

Dagdag pa ni Africa, naghihingalo na ang mga Pilipino dahil sa mataas na cost of living dahil sa pagtaas ng presyo ng bilihin. | Sa panulat ni Anjo Riñon

Nanindigan ang Department of Transportation na tuloy ang pagbubukas ng unang 12 istasyon ng MRT-7 para sa ikalawang quarter ng taong 2027.

Sa budget hearing ng ahensya, sinabi ni Transportation Secretary Giovanni Lopez na target nilang maisailalim sa revenue operations ang mga istasyon mula Sacred Heart hanggang North Avenue.

Dalawang istasyon na lamang ang hindi kabilang sa target na pagbubukas sa susunod na taon kabilang 13th Station sa Caloocan at 14th Station sa San Jose del Monte, Bulacan.

Kasabay nito, tiniyak ng kalihim ang paghahanda ng DOTr sa inaasahang pagdami ng mga pasahero sa MRT-3 dahil sa kasalukuyan, nasa 500,000 ang average o bilang ng mga pasahero sa naturang istasyon kada-araw.

Kabilang sa mga hakbang ang rehabilitasyon ng mga istasyon at bagon, paglalagay ng mga barrier, at pagtiyak sa maayos na headway o pagitan ng mga tren.

Nakikipag-ugnayan na rin ang DOTr sa mga mall upang magkaroon ng dedicated lane at sapat na espasyo para sa mga pasaherong lilipat mula MRT-7 patungong MRT-3.

Pansamantalang solusyon aniya ito habang hindi pa ganap na operational ang signaling system ng Common Station. | via Geli Mendez (Patrol 30)

BASAHIN:https://www.dwiz882am.com/?p=532556

#DWIZ #DWIZNews #DWIZ882AM

Nanindigan ang Department of Transportation na tuloy ang pagbubukas ng unang 12 istasyon ng MRT-7 para sa ikalawang quarter ng taong 2027.

Sa budget hearing ng ahensya, sinabi ni Transportation Secretary Giovanni Lopez na target nilang maisailalim sa revenue operations ang mga istasyon mula Sacred Heart hanggang North Avenue.

Dalawang istasyon na lamang ang hindi kabilang sa target na pagbubukas sa susunod na taon kabilang 13th Station sa Caloocan at 14th Station sa San Jose del Monte, Bulacan.

Kasabay nito, tiniyak ng kalihim ang paghahanda ng DOTr sa inaasahang pagdami ng mga pasahero sa MRT-3 dahil sa kasalukuyan, nasa 500,000 ang average o bilang ng mga pasahero sa naturang istasyon kada-araw.

Kabilang sa mga hakbang ang rehabilitasyon ng mga istasyon at bagon, paglalagay ng mga barrier, at pagtiyak sa maayos na headway o pagitan ng mga tren.

Nakikipag-ugnayan na rin ang DOTr sa mga mall upang magkaroon ng dedicated lane at sapat na espasyo para sa mga pasaherong lilipat mula MRT-7 patungong MRT-3.

Pansamantalang solusyon aniya ito habang hindi pa ganap na operational ang signaling system ng Common Station. | via Geli Mendez (Patrol 30)

Binabalangkas na ang ilang miyembro ng House prosecution panel ng panukalang batas na layong gawing statutory requirements ang mga umiiral na audit guidelines sa paggamit ng confidential at intelligence funds.

Tatawagin ito bilang Confidential and Intelligence Fund Integrity Bill, saklaw ang mga safeguards sa paggamit ng safe houses, alyas, at disbursing officers, kasama ang posibleng mabibigat na parusa sa mga lalabag.

Ayon kay House Prosecutor Terry Ridon, layon ng panukala na magtakda ng mas malinaw at mas matibay na pamantayan sa pangangasiwa ng bawat pondo, sa halip na umasa lamang sa administrative guidelines.

Kabilang sa babalangkasin ang mas mahigpit na check mechanisms sa paggamit ng alyas, pagbabayad sa purchase of information, at mga panuntunan sa pagre-rent ng safe houses.

Lilinawin din kung sino lamang ang may kapangyarihang tumanggap at mag-disburse ng confidential funds at ang sinomang hahawak na hindi SDO ay kailangang bonded at organic employee ng ahensya.

Dapat ring mabusisi ng panukala kung nasusunod sa market rates ang rental costs at kung kakailanganin ba ng approval mula sa head of agency kapag lumampas sa halaga.| via Geli Mendez (Patrol 30)

Naghahanda na ang House prosecution panel partikular ang grupong naka-assign para sa Article II o sa umano’y unexplained wealth sa impeachment trial ni Vice President Sara Duterte.

Ito ang sinabi ni House Prosecutor Terry Ridon, na natanggap na ng kanilang panig ang bank records ng mag-asawang Duterte at ni Atty. Manases Carpio maging ang kanilang mga kumpanya, gayundin ang tax documents mula sa BIR.

Paliwanag ni Ridon, kanilang susuriin ang mga dokumento na nagsisilbing huling mahalagang “pillar” ng ebidensya para sa Article II na ipiprisinta sa Impeachment Court.

Nilinaw naman ni Ridon na wala pa pang pinal na desisyon kung ipagpapatuloy ang Article III o ang umano’y bribery charges pero isa sa mga kinokonsidera, ang bigat ng ebidensya sa umano’y unexplained wealth at kulang na deklarasyon sa SALN. | via Geli Mendez (Patrol 30)

Pumalo ng P51 million ang pondong hiniling ng Office of the Vice President (OVP) para sa travel expenses ng taong 2027.

Ito ang naungkat ni Gabriela Women’s Party Rep. Sarah Elago sa budget hearing ng Appropriations Committee para sa panukalang budget ng OVP na aabot sa mahigit P785.2 million para sa susunod na taon.

Natanong ni Elago ang OVP kung magkano ang nagastos sa biyahe ng Bise Presidente noong 2025 kung saan, sinabi ni OVP Director Rosalynne Sanchez, na may P56 million na pondo para sa biyahe ang OVP noong 2025.

Mula sa naturang halaga, nasa P12.9 million ang para sa mga biyahe sa abroad, habang P32.5 million naman ang nagastos sa mga lokal na biyahe ng Pangalawang Pangulo.

Sakop rin ng gastos ang pagbiyahe ng mga personnel at security detail, gayundin ang mga biyaheng kaugnay sa mga programa ng OVP, kabilang ang Last-Mile Schools.

Ang pondong hinihiling para sa 2027 ay nakalaan sa ilalim ng Maintenance and Other Operating Expenses (MOOE). | via Geli Mendez (Patrol 30)

Suportado ng House prosecution panel ang bagong iskedyul na ipinatupad ng Senate Impeachment Court na inilatag ni Presiding Officer Senator Chiz Escudero.

Kumpiyansa si House Prosecutor Terry Ridon na bibilis ang paglilitis sa ilalim ng bagong schedule, kung saan magiging full-day ang mga pagdinig at aabot sa apat na araw kada linggo.

Naniniwala si Ridon na maaaring umabot sa hanggang tatlong testigo kada araw ang maihaharap sa direct at cross-examination at sa mga tanong ng senator-judges.

Mas mapapabilis pa umano ang paglilitis kung papabor ang depensa sa mga panukalang stipulation ng prosecution.

Tiwala si Ridon na agad matatapos ang presentasyon ng ebidensiya upang makapagdesisyon na ang senator-judges sa paglilitis kung convicted o acquitted si VP Sara.

Gayunman, aminado siyang kailangan din nilang balansehin ang kanilang tungkulin bilang mambabatas sa paggawa ng mga batas at prosecutors sa pagdalo sa impeachment trial. | via Geli Mendez (Patrol 30)