BUSINESS

Asahan na ang mas mataas na pamasahe sa eroplano simula Agosto a-uno hanggang a-kinse matapos itaas ng CAB o Civil Aeronautics Board sa level 13 ang passenger fuel surcharge mula sa kasalukuyang level 8.

Ayon sa CAB, ang fare increase ay dulot ng pagtaas ng presyo ng jet fuel sa pandaigdigang merkado kasunod ng nagpapatuloy na tensyon sa gitnang silangan.

Sa ilalim ng level 13, aabot na sa 423-pesos hanggang 1,237-pesos ang fuel surcharge para sa domestic flights, habang 1,396-pesos hanggang 10,385.-pesos naman para sa international flights na nagmumula sa Pilipinas, depende sa layo ng biyahe.

Mas mataas ito kumpara sa kasalukuyang level 8 na may surcharge na 253-pesos hanggang 787-pesos sa domestic at 835-pesos hanggang 6,208-pesos sa international flights.

Ang fuel surcharge ay hiwalay sa base airfare at maaaring ipataw ng mga airline upang mabawi ang dagdag na gastos sa pabagu-bagong presyo ng jet fuel.    l mula sa panulat ni Jordan Gutierrez

Bumagsak sa pinakamababang antas sa loob ng isang taon ang cash remittances ng mga Overseas Filipino nitong Mayo ng kasalukuyang taon.

Sa datos ng Bangko Sentral ng Pilipinas, umabot lamang sa 2.713 billion dollars ang perang naipadala nitong Mayo, mas mababa kumpara sa 2.718 billion dollars noong Abril.

Ito rin ang pinakamababa sa loob ng isang taon magmula nang naitala ang 2.658 billion dollars noong Mayo ng nakaraang taon.

Sa kabila nito, umakyat sa 14.11 billion dollars ang kabuuang cash remittances mula January hanggang May 2026, mas mataas kaysa sa naitala sa parehong panahon noong 2025.

Nananatili namang Estados Unidos ang pinakamalaking pinagmumulan ng remittances, sinundan ng Singapore, Saudi Arabia, Japan, at United Kingdom.

Ibinabala ng Bangko Sentral ng Pilipinas ang ilegal ang pag-photocopy, pag-print, o paggawa ng anumang kopya ng mga perang papel ng Pilipinas nang walang pahintulot ng ahensya.

Nilinaw ito ng B.S.P. matapos kumalat sa social media ang maling pahayag na maaaring gamitin ang ipina-xerox na pera bilang pambayad sa mga produkto.

Ipinagbabawal sa ilalim ng B.S.P. Circular Number 829, Series of 2014 ang pag-print, pag-photocopy, pamamahagi, at reproduksyon ng perang papel nang walang otorisasyon ng ahensya.

Binigyang-diin ng B.S.P. na maaaring makulong ng lima hanggang sampung taon ang sinumang mapatutunayang lumabag sa nasabing rules and regulations ng Bangko Sentral ng Pilipinas.

Bahagyang nakabawi ang gross international reserves ng Pilipinas makalipas ang tatlong buwang downward trend.

Batay sa pinakahuling datos ng Bangko Sentral ng Pilipinas, umabot sa $104.8 billion ang GIR ng bansa noong katapusan ng Hunyo, na 0.78% na mas mataas kaysa sa naitalang $103.99 billion noong Mayo.

Gayunman, mas mababa pa rin ito ng 1.13% mula sa naitalang halos $106 billion sa kaparehong panahon noong nakaraang taon.

Ayon sa BSP, nakatulong ang mga foreign currency deposit na ginagawa ng pamahalaan at ang net income nito mula sa mga foreign investments sa bahagyang pagtaas ng GIR.

Nakaapekto naman ang pagbaba ng valuation ng gold holdings at foreign currency-denominated reserve asset ng Bangko Sentral, at ang paggamit nito ng mga foreign currency deposits upang magbayad ng utang. | Sa panulat ni Anjo Riñon

Bahagyang nakabawi ang Gross International Reserves ng Pilipinas makalipas ng tatlong buwang downward trend.

Batay sa pinakahuling datos ng Bangko Sentral ng Pilipinas (BSP), umabot sa $104.8 billion ang GIR ng bansa noong katapusan ng Hunyo, na 0.78% na mas mataas kaysa sa naitalang $103.99 billion noong Mayo.

Gayunman, mas mababa pa rin ito ng 1.13% mula sa naitalang halos $106 billion sa kaparehong panahon noong nakaraang taon.

Ayon sa BSP, nakatulong ang mga foreign currency deposit na ginagawa ng pamahalaan at ang net income nito mula sa mga foreign investments sa bahagyang pagtaas ng GIR.

Naka-apekto naman ang pagbaba ng valuation ng gold holdings at foreign currency-denominated reserve asset ng Bangko Sentral, at ang paggamit nito ng mga foreign currency deposits upang magbayad ng utang. | sa panulat ni Anjo Riñon