Ann Rodriguez

May mga taong mahilig mag-collect ng mga bagay na kanilang kinahihiligan pero kakaiba ang kinokolekta ng lalaking nasa kwentong na isang helmet mula sa mga nasawing tao.

Kung bakit sa dinami-dami ng bagay na kinokolekta, helmet ang napili niya? Eto.

Kilalanin natin si Sompong Chanraksa na noo’y 60-anyos na lalaki mula sa Thailand.

Aniya nagsimula siyang mangolekta ng helmet mula sa mga biktima sa isang motor accident mahigit 50 years na ang lumipas para umano magbigay ng paalala sa mga tao na mag-ingat sa kalsada.

Sa kabuuan, aabot sa mahigit 700 helmets na ang nakolekta ni sompong sa mga nakalips na taon.

Batay sa ulat, imbes mga bulaklak ang makikita sa garden, tambak na mga helmet ang tatambad sa’yo kapag papasok daw sa bahay ni Sompong.

Mayroon ding mannequin ng isang bata at matanda sakay ng isang motorsiklo habang nakasuot ng helmet.

Dagdag pa ni Sompong, mula nang gawin niya ito ay siniseryoso na ng kaniya mga kapitbahay ang pagsusuot ng helmet kapag sasakay ng motorsiklo.

Layunin lamang ni Sompong na tulungan ang mga biktima dahil hindi raw maganda na iiwan lamang ang mga iyon sa gilid ng daan, kaya kinukuha niya ito at kinokolekta.

Marami ang nagsasabing kinikilabutan sila sa pangongolekta ni Sompong ng mga helmet mula sa mga patay na tao, dahil mas maiintindihan pa raw nila kung ang kinokolektang helmet ni Sompong ay binibili niya.

Taun-taon umaabot sa mahigit 20,000 katao ang nasawi sa Thailand dahil sa motor at car accident kaya para kay Sompong, ang hakbang na ito ay makatutulong sa kaniyang komunidad na maiwasan ang ganitong insidente.

Kung ikaw ang magkakaroon ng collection, anong kokolektahin? Bagay rin ba mula sa mga patay na tao?

Iba’t ibang diskarte ang ginagawa ng mga tao para makatipid sa lahat, mapa-pagkain, travel, o sa pagsho-shopping. 

Pero ang diskarte ng isang pamilyang ito ay hindi pangkaraniwan matapos nilang isakay ang patay nilang kamag-anak sa eroplano para umano makatipid sa ticket fee.

Kung naging matagumpay ba ang kanilang diskarte? Eto.

Isang British family ang naharap sa isang kontrobersiya matapos silang akusahan na isinakay nila ang bangkay ng isang 89-anyos na lola sa eroplano para umano makatipid sa bayad ng repatriation.

Ang repatriation o legal na pagpapauwi ng bangkay ay aabot daw kasi sa £4,500 o mahigit P360,000 kaya pinalabas nilang buhay at tulog lang ang matanda habang nagbo-boarding sa eroplano.

Ayon sa mga saksi, nakasandal lamang sa wheelchair ang matanda at kung titingnan ay tila wala nang buhay ngunit nang punain ng isang staff, iginiit lamang ng pamilya na pagod at natutulog lang ito.

Napapansin din ng ilang pasahero na pilit ginigising ng mga kaanak ang matanda kung saan kinakausap, tinatapik, at inaalok pa ng tubig para palabasin na tulog nga lang ito.

Pero hindi nagtagal, napansin ng isang cabin crew na hindi humihinga ang matanda kaya tumawag ito ng paramedics, kalaunan, idinekalara ng paramedics na patay na ang matanda dahil sa cardiac arrest.

Dahil dito, 12 oras na-delay ang naturang flight dahil kailangang ibalik sa terminal ang eroplano.

Binatikos ng karamihan ang kapabayaan ng airline ng eroplano ngunit iginiit nilang mayroong fit to fly certificate na dala ang mga kaanak at pumanaw ang matanda habang nasa loob na ng cabin.

Ikaw, ganitong diskarte rin ba ang gagawin mo kung ikaw ang nasa posisyon ng kaanak? O may iba kang pamamaraan para makatipid sa pamasahe?

Marami tayong nakikita sa social media na mga payo tungkol sa mga paraan kung paano mapabuti ang ating kalusugan at mga hack kung paano mapadaling gawin ang mga bagay-bagay.

Kagaya na lang ng teenager na ito na may napanood na isang video na nagsasabing nakakatulong umano ang pag-inom ng sariling dugo sa kalusugan ng isang tao, pero ang inaasahan niyang magandang epekto ay naging isang bangungot.

Kung anong dahilan ng teenager kung bakit niya ininom ang sariling dugo? Eto.

Isang 17-anyos na lalaki mula sa Moscow, Russia ang na-ospital matapos niyang inumin ang sariling dugo sa kadahilanang umaasa siyang mabo-boost ang kaniyang iron level at lumakas ang pangangatawan.

Ayon sa ulat, inamin ng binatilyo na may napanood siyang video tungkol sa benepisyo kapag ininom ng isang tao ang sariling dugo.

Kaya tinurukan mismo ng binatilyo ang sarili at ang dugong nakuha niya ay kaniyang ininom.

Pero ang inaasahang benepisyo ay naging perwisyo nang isinugod sa ospital ang teenager dahil nakaranas siya ng pagsusuka ng dugo at lagnat.

Ayon naman sa isang doktor na si Dr. Andrei Kondrakhin, hindi maaaring inumin ang sariling dugo dahil maaaring malason ang isang tao, aniya ang human stomach ay walang kakayahang i-digest o i-process ang dugo.

Dahil dito, hindi na-absorb ng tiyan ang dugo dahil mayroon itong mataas na amount ng iron na nagdudulot ng irritating effect.

At sa sitwasyon naman ng binatilyo, mababa ang level ng kaniyang iron kaya nang mapanood niya ang video, ay agad niyang ginawa ito.

Maraming netizen ang bumatikos sa ginawa ng binatilyo dahil isa umano itong hakbang ng taong walang alam.

Mayroon ding nagsasabi na hindi na ba tinuturo ang human anatomy na subject sa paaralan.

Ikaw, agad-agad mo bang papaniwalaan ang napapanood mo online? O magre-research ka muna bago maniwala at i-apply sa sarili?

Iba’t ibang kwentong pag-ibig na ang ating naririnig o nababasa. Mula sa kung paano nagkakilala ang magkarelasyon at kung paano sila nagkatuluyan.

Mayroong romantic at tragic ending. Pero para sa mga bida na nasa kwentong ito, naipamalas lang naman nila ang pag-iibigang nagsimula sa desperasyon at nauwi sa pagmamahalan.

Kung paano nila napa-ibig ang isa’t isa? Eto.

Isang 24-anyos na babae na si Wang Xiao mula sa probinsya ng Shaanxi sa China ang nakikipaglaban sa kaniyang sakit na uremia at sinabihang mayroon na lang siyang isang taon para mabuhay kung walang kidney transplant.

Wala ring matching kidney donor si Wang mula sa kaniyang mga kamag-anak at sa kaniyang kagustuhang mabuhay, nag-post siya ng marriage advertisement sa isang cancer support group.

Aniya, naghahanap siya ng isang terminally ill man na handa siyang pakasalan kapalit ng kaniyang kidney kapag pumanaw ito at handa rin siyang alagaan ang lalaki pag ikinasal na sila.

Sa hindi inaasahang pagkakataon, lumapit ang 27-anyos na lalaki na si Yu Jianping kay wang at nagsabing interesado siya sa alok nito.

Si Yu ay may sakit na myeloma — isang malignant tumor sa bone marrow at iniraraos ang araw-araw sa pamamagitan ng pag-inom ng gamot.

Dahil dito, napagkasunduan ni Yu at Wang na magpakasal sila in private at pumayag si Yu na ibibigay niya ang isa niyang kidney kay Wang basta aalagaan siya nito sa kanilang buong pagsasama at pag pumanawi na si Yu ay dadalaw-dalawin din ni wang ang ama ni Yu.

Pero ang isang survival arrangement ay nauwi sa something deeper matapos nilang makilala sa isa’t isa.

Ayon sa couples, ang pagiging masayahin, kakulitan, at pagiging optimistic ni Wang ay nakatulong para mabuhayan si Yu at mabigyan ng pag-asa na gagaling pa siya.

Hindi lang ‘yan dahil sa kagustuhan ni Wang na magkaroon ng bone-marrow transplant si Yu, nagsimula siyang gumawa at magbenta ng mga flower bouquets at nilalagyan niya rin ng note cards tungkol sa kanilang kwento ang bawat bouquet dahilan para maantig ang mga mamimili.

Dahil dito, nakapag-ipon si Wang ng 500,000 Yuan o mahigit apat na milyong piso, para magastusan ang surgery ni Yu.

Noong 2024, bumuti na ang kalagayan nina Yu at Wang, kumukonti na rin ang dialysis sessions ni Wang kung saan mula twice a week, naging once a month na lang at ibinalita ng mga doktor kay wang na posibleng hindi na niya kailangan ng kidney transplant.

Kaya sino namang mag-aakala na ang kasal mula sa desperasyon ay nauwi sa isang himalang nabuo ng pagmamahalan?

Ikaw, aabot din ba sa ganitong hakbang ang gagawin mo kung ikaw ang nasa sitwasyon ng mga bida? O tatanggapin mo na lang ang kapalaran mo?

Laging payo ng mga eksperto na dapat maging “stay fit and healthy” para makaiwas tayo sa sakit, pero mayroon ding kaakibat na panganib sa kalusugan kung hindi balanse ang gagawing pagd-diet ng isang tao.

Kagaya na lang ng babaeng nasa kwentong ito na nagkaroon ng kumplikasyon sa katawan matapos niyang mag-strict diet sa loob ng anim na buwan.

Kung paano nagkaroon ng malubhang sakit ang babae sa pagd-diet? Eto.

Ibinahagi ng isang babaeng Chinese influencer ang kaniyang weight-loss journey online kung saan tinagurian siya ng kaniyang fans bilang “self-discipline goddess” dahil sa kaniyang ipinakitang dedikasyon sa pagd-diet.

Batay sa ulat, muntik na umanong pumanaw ang babae matapos siyang makaranas ng labis na pananakit ng tiyan na kinailangan niyang isugod sa ospital.

Dito, napag-alamang boiled chicken breast at cauliflower lamang ang kaniyang kinakain sa loob ng anim na buwan, at kung minsan boiled potato rin para maiba naman daw.

Hindi maitatangging na-achieve nga ng babae ang kaniyang fitness goal pero kaugnay nito, nakaranas siya ng fatigue, panghihina, at dull complexion.

Ayon sa lumabas na tests, ang serum amylase level ng babae ay 10 times higher than normal. Ang amylase ay isang enzyme na nilalabas ng pancreas at salivary glands na nakatutulong sa pag-break down ng carbohydrates sa katawan.

Ang nagdulot umano sa life-threating condition ng babae ay ang labis labis na low-fate diet nito na tumagal ng ilang buwan.

Ipinaliwanag ng mga eksperto na dapat calorie deficit ang i-intake ng mga taong nagd-diet para matiyak na nababawasan ang timbang habang nam-maintain ang balanced diet.

Kahit kino-konsiderang healthy foods ang chicken breast at cauliflower, wala itong sapat na nutrients na kinakailangan ng katawan natin para mapanatiling healthy ito.

Ikaw, anong hakbang ang gagawin mo para mapanatiling fit at healthy ang iyong katawan? Kukonsulta ka ba sa mga eksperto o mag-research na lang online?

Pinagpala ang mga taong malayang nakakain ang iba’t ibang klase ng pagkain dahil wala silang allergy, habang isang sumpa naman para sa may mga food allergy ang kapalaran nila dahil hindi nila maaaring kainin ang mga pagkaing gusto nilang tikman.

Pwede naman, pero buhay nga lang nila ang nakasalalay, kagaya na lang ng teenager sa kwentong ito na pumanaw matapos umanong kumain ng sausage.

Kung bakit sausage ang naging dahilan ng kaniyang pagkamatay? Eto.

Nag-camping ang noo’y 16-anyos na lalaki na si Jeremy Webb kasama ang kaniyang mga kaibigan sa Central Coast, Australia.

Ayon sa kaniyang ina na si Myfanwy Webb, nagluto raw ng beef sausage ang mga kaibigan ni Jeremy kung saan kinain din ito ng kaniyang anak, dahilan para mahirapang huminga si Jeremy at bigla rin itong hinimatay.

Nagawa pang dalhin sa ospital si Jeremy pero pumanaw rin ito pagkalipas ng isa’t kalahating oras na nire-revive siya ng mga doktor.

Naniniwala si Myfanwy na ang allergy ng kaniyang anak sa red meat ang dahilan kung bakit ito nasawi, pero ayon sa paunang imbestigasyon, asthma ang dahilan ng pagkamatay ni Jeremy.

Pero isa pang imbestigasyon ang isinagawa ng isang coroner para alamin kung ang pagkamatay ba talaga ni Jeremy ay dahil sa kaniyang red meat allergy o mammalian meat allergy na na-trigger  pagkatapos niyang kumain ng sausage.

Ang mammalian meat allergy ay isang life-threatening allergy sa mammalian meats kagaya ng beef, pork, at lamb na nakukuha mula sa tick bites.

Ibinahagi naman ni Myfanwy na kinakagat na umano ng ticks si Jeremy noong 2-year-old palang ito kaya na-develop ni Jeremy ang nasabing allergy.

Kalaunan, nadiskubre ng mga eksperto na allergic reaction at acute asthma attack ang ikinamatay ni Jeremy.

Ang nag-iisang payo lang ng mga eksperto para hindi magkaroon ng red meat allergy ay huwag magpakagat sa ticks o garapata.

Ikaw, naniniwala ka ba sa isang pambihirang kondisyon na ito? At anong gagawin mo para hindi ka makagat ng garapata at hindi magkaroon ng meat allergy?

Sa patuloy na pag-usbong ng makabagong teknolohiya, iba’t ibang inobasyon na rin ang nagagawa para mapabilis ang buhay ng mga tao sa araw-araw.

Kagaya na lang ng hiker na nasa kwentong ito kung saan gumagamit siya ng smart watch na labis na makatutulong sa kaniyang pagha-hike, pero sa hindi inaasahang pagkakataon, nagamit pa ang kaniyang smart watch para tuklasin ang nangyari sa kaniya bagyo siya pumanaw.

Kung sino ang nasa likod sa karumal-dumal na krimen na nangyari sa hiker? Eto.

Isang 26-anyos na Japanese hiker ang kinilalang si Sota Keisuke ang napaulat na nasawi habang nagha-hiking sa Mount Rausu noong August 2025.

Batay sa ulat, ni-report ng kaibigan ni Keisuke ang insidente kung saan bigla umano itong nawala pagkatapos umatake ang isang bear, kaya naman agad nagsagawa ng search party ang mga otoridad.

Nahanap ng mga searchers ang wallet at ang mga punit na piraso ng damit na suot ni Keisuke at kalaunan, ang katawan ng hiker, pero sa kasamaang palad, dead on arrival na si keisuke pagkadating sa ospital.

Dahil nahihiwagaan pa ang mga otoridad sa kung paano nasawi si Keisuke, kaya ginamit nila ang smart watch nito para makita ang GPS ng hiker kung saan naging daan ito para makakuha ng panibagong impormasyon tungkol sa nangyari sa kaniya.

Batay sa data ng GPS ni Keisuke, umalis sila ng trail bandang alas onse ng umaga bago umano nila makitang pa-ikot ikot lang sa isang masukal na lugar ang lokasyon ni Keisuke.

Magdamag umanong nasa iisang lugar lang ang katawan ni Keisuke bago ito balikan ng bear at ilipat ang katawan nito palayo.

Habang tini-trace ng mga otoridad ang GPS ni Keisuke, nadiskubre nila ang bangkay ng tatlong iba pang bears na wala nang buhay, kung saan hinala nilang pinatay din ng bear na umatake kay keisuke.

Nang makita ng mga searcher ang katawan ni Keisuke, binaalan nila ang mga magulang nito na sa mukha lang tumingin at huwag sa katawan dahil sa matinding pinsalang natamo nito.

Dahil dito, ipinasara ng mga otoridad ang mountain trail ng Mount Rausu.

Sa taong 2025, 13 tao na ang naiulat na nasawi sa japan dahil sa pag-atake ng mga bear.

Ikaw, anong gagawin mong depensa kung ikaw ang nasa sitwasyon ni Keisuke?

Tinatanggal sa trabaho ang mga empleyadong hindi ginagawa ng tama ang kanilang tungkulin sa trabaho, pero iba ang rason ng kumpaniyang nasa kwentong ito matapos nilang sibakin ang kanilang empleyado dahil pabalik-balik daw ito sa CR.

Kung anong dahilan ng empleyado kung bakit siya pabalilk-balik sa CR? Eto.

Isang engineer na pinangalanang Li ang nagtrabaho sa isang kumpaniya sa probinsya ng Jiangsu ang tinanggal sa trabaho matapos niyang maging empleyado sa naturang kumpaniya sa loob ng ilang dekada.

Ayon sa ulat, nagsumite ng footage sa korte ang kumpaniya ni Li kung saan makikita siyang 14 na beses siyang matagal na nananatili sa CR.

Bukod dito, ilang beses na rin umanong binigyan ng notice si Li tungkol sa kaniyang pagkawala sa trabaho dahil madalas itong nasa CR, kung saan mahigpit na kinakailangan ang kaniyang atensyon sa trabaho.

Dumipensa naman ang empleyado na siya ay may health issue kung saan pinakita niya ang gamot nito sa hemorrhoid na binili ng kanjifying partner.

Isinumite rin ng empleyado ang kaniyang surgery records dahilan kung bakit siya matagal mag-cr at pabalik-balik sa banyo.

Kaya naman iginiit ng empleyado na dapat bigyan siya ng 320,000 yuan o mahigit dalawang milyon na kompensasyon sa pag-terminate ng kumpaniya sa kaniyang kontrata.

Pero hindi pinaburan ng korte ang panig ni Li, bagkus, binigyang-diin ng korte ang kakulangan ni Li sa pag-inform sa kaniyang employer tungkol sa kaniyang health condition, na nakalagay sa kontrata.

Humingi rin umano ng permission ang kumpaniya sa labor union bago tanggalin sa trabaho si Li.

Kalaunan, napagkasunduan ng dalawang panig na magbibigay ang kumpaniya ng 30,000 yuan o mahigit 250,000 pesos na allowance kay Li para sa kaniyang kontribusyon sa kumpaniya.

Ikaw, magiging concious ka na ba sa oras ng iyong pananatili sa banyo?

Ipinagmamalaki ng mga tao ang achievements nila sa buhay, para magbigay ng inspirasyon at motibasyon sa iba, pero kakaibang inspirasyon ang nais iparating ng teenager na nasa kwentong ito dahil siya lang naman ang isa sa pinakabatang PHD holder sa buong mundo.

Kung paano ito nagawa ng bida sa murang edad? Eto.

Kinilala si Laurent Simons bilang Belgium’s Little Einstein matapos niyang ma-defend ang kaniyang thesis sa University of Antwerp at maging PHD holder sa edad na 15-taong gulang.

Batay sa ulat, nagsimulang mag-aral ng primary school si Laurent noong siya ay 4-taong gulang at nagtapos sa edad na anim.

Hindi lang ‘yan, dahil sa edad na pito, ay nakuha na niya ang kaniyang high school diploma.

Samantala, nagtapos siya ng three-year course sa loob ng 18 buwan at nakuha ang kaniyang bachelor’s degree sa kursong Physics noong siya ay 11-taong gulang bilang youngest university graduate.

Sinimulan niya rin agad ang kaniyang master’s degree sa Quantum Physics edad na 12.

Nadiskubre ng mga eksperto na ipinanagank si Laurent may intelligence quotient o IQ na 145, kung saan highly gifted kung ilarawan ng karamihan dahil sa taglay nitong katalinuhan.

Mayroon ding kakayahan si Laurent na i-master ang mga subjects sa loob lamang ng ilang araw, kumpara sa ibang estudyante na magagawa ito sa loob ng sampung linggo.

Ayon sa magulang ni Laurent, pagkatapos pumanaw ng lolo at lola ni Laurent, nagkaroon daw ng goal ang kanilang anak na aralin ang medical science para umano mabigyan ng mas mahabang buhay ang isang tao.

Huminto rin daw sila sa pagta-trabaho para gabayan at i-monitor ang educational life and development ni Laurent, dahil kahit marami na itong na-achieve academically, minor pa rin si Laurent.

Ibinahagi naman ng kaniyang ama na hindi problema sa kanila kung ano ang career choice ni Laurent, basta ang kanilang top one priority, ay kasiyahan ng kanilang anak.

Ikaw, anong gagawin mo kung ikaw ang biniyayaan ng ganitong katalinuhan?

Paghahanapbuhay ang sandalan ng mga tao para maka-abante sa araw-araw na buhay, kung saan ang motto nila, kahit anong posisyon sa trabaho, ayos lang, basta may maibibigay sa pamilya.

‘Yan din ang motto ng lalaking ito mula sa China, kung saan nakipagsapalaran pa siya sa hindi pamilyar na lugar para maghanap ng trabaho, pero sa kasamaang palad, hindi siya tinatanggap.

Kung anong trabaho ang in-applyan ng lalaki at hindi pasok ang shape ng kaniyang mukha? Eto.

Isang lalaki sa China na si Zhang ang lumayo sa kaniyang probinsya para makipagsapalaran sa ibang lugar, pero sa dami ng in-applyan niyang trabaho ay walang tumatanggap sa kaniya.

Ayon kay zhang, 10 electronic factory jobs na ang pinuntahan niyang interview sa loob ng isang linggo, pero iisa lang ang sinasabi ng HR Department sa kaniya, na hindi umano pasok ang shape ng kaniyang mukha sa trabahong gusto niyang pasukan.

Iginiit ni Zhang sa mga kumpaniya na hardworking siya at ayos lang sa kaniya ang kahit anong trabaho, pero hindi pa rin siya tinatanggap dahil sa kaniyang mukha.

Batay sa ulat, habang patagal na patagal siyang walang trabaho, wala rin daw siyang naipapadalang pera sa kaniyang pamilya, kung saan siya lang ang tanging inaasahan sa araw-araw.

Kahit ang pag kain ng tatlong beses sa isang araw ay isang mahirap na trabaho para sa kaniya dahil sa pagiging kapos, kaya nanawagan si Zhang sa mga nakarinig ng kaniyang kuwento na tulungan siyang bigyan ng trabaho.

Paano kung ikaw si Zhang? Sasampahan mo ba ng kaso ang kumpaniya dahil sa discrimination nila sayo? O hahanap ka na lang ng diskarte para may pang tustos sa pamilya?