May 81% possibility na mabuo ang isang napakalakas na El Niño mula Oktubre ng kasalukuyang taon hanggang sa Enero ng susunod na taon.
Ayon sa PAGASA, malaki rin ang tsansang magpatuloy ang El Niño hanggang sa first quarter ng 2027, habang kasalukuyang umiiral ang mahina hanggang katamtamang lakas ng naturang weather phenomenon.
Ipinaliwanag ng ahensya na nagdudulot ang El Niño ng mas mainit na temperatura sa karagatan ng gitna at silangang bahagi ng Equatorial Pacific, na karaniwang nagreresulta sa kakulangan ng pag-ulan sa Pilipinas.
Sa katapusan ng Agosto, inaasahang makararanas na ng dry spell ang Eastern Samar, Leyte, Southern Leyte, Agusan del Norte, Basilan, Dinagat Islands, Misamis Occidental, Surigao del Norte, Surigao del Sur, Zamboanga del Norte, Zamboanga del Sur, at Zamboanga Sibugay.
Samantala, posibleng makararanas naman ng tagtuyot ang Camarines Norte, Catanduanes, Biliran, Cebu, Negros Oriental, Northern Samar, Samar, at Siquijor.—sa panulat ni Jordan Gutierrez
