Ibinabasura na ng Department of Education (DepEd) ang panukalang pagpapaikli sa summer break ng mga mag-aaral.
Ito’y matapos ulanin ng batikos ang nasabing panukala at maging ang mga stakeholders ay hindi ito sinang ayunan.
Ayon kay Education Undersecretary Diosdado San Antonio, ikinukunsidera sana nila ang pagpapalawig ng school year at mapaikli sa dalawang linggo sa halip na dalawang buwan ang summer break.
Gayunman sinabi ni San Antonio na hindi nila tiyak kung ang gagawing pagbabago sa school calendar ay hindi makaapekto sa summer break.
