May sinusundan nang lead ang Philippine National Police hinggil sa natagpuang improvised explosive device sa labas ng Department of Justice at Senado, sa mismong araw ng State of the Nation Address ni Pangulong Ferdinand Marcos Junior.
Ayon kay PNP Chief General Jose Melencio Nartatez Jr., ito’y kasunod ng pinalalim na imbestigasyon ng otoridad para matukoy ang mga nasa likod ng magkahiwalay na insidente.
Kabilang sa tinitingnang anggulo ng pulisya ang posibleng pagkakaugnay ng dalawang IED incident, habang pananakot naman ang tinitignang motibo.
Sa ngayon, patuloy pa ring bineberika ng PNP ang mga nakalap na ebidensya.—sa panulat ni Mark Terrence Molave
