Ann Rodriguez

Marami na tayong kwentong naririnig tungkol sa mga sakripisyo ng mga magulang para mapagtapos ng pag-aaral ang kanilang mga anak.

Pero kakaiba ang ginawa ng isang ina na nasa kwentong ito matapos nitong tulungan ang kaniyang anak na makamit ang kaniyang pangarap.

Kung anong sakripisyo ang ipinamalas ng ina para sa kaniyang anak? Eto.

Pagiging abogada ang pangarap ng anak ni Havva na si Berru Merve Kul, pero tila imposible itong makamit ni Berru dahil sa kaniyang kapansanan sa mata, dahil si Berru ay visually impaired.

Pero hindi hinayaan ni Havva na mawalan ng pag-asa ang kaniyang anak dahil simula first year hanggang fourth year college, binabasa raw ni Havva lahat ng notes at cases na kailangan ni Berru sa pag-aaral niya ng abogasya.

Paraan daw ito ni Havva para maintindihan at makamit pa rin ni Berru ang kaniyang pangarap.

Kaya naman umani ng samu’t saring reaksyon ang letrato ng mag-ina matapos silang bigyan ng honorary degree nang makapagtapos na si Berru sa kaniyang pangarap na kurso.

Ayon sa unibesridad kung saan nagtapos si Berru, nais nilang parangalan si Havva dahil sa dedikasyon at suporta na ipinakita niya para sa kaniyang anak.

Dagdag pa ng unibersidad, walang kahit sino ang kayang gumawa ng ginawa ni Havva, ang magbasa ng maraming kaso na nasa makapal na libro.

Dahil dito, marami ang nagbansag kay Havva bilang mother of the century pero mayroon ding bumatikos sa hakbang ng pamahalaan dahil sa kakulangan sa suporta sa mga visually impaired students.

Marami rin ang nanawagan na dapat mayroon na ring audio sources ng mga reading materials sa mga paaralan para sa mga estudyanteng kagaya ni Berru.

Ikaw, maglalaan ka ba ng oras na tulungan ang kamag-anak o kaibigan mong may kapansanan na makamit ang kanilang pangarap?

Matinding disiplina sa sarili ang ginagawa ng mga taong gusto nang ihinto ang kanilang bisyo sa buhay, kagaya na lang ng lalaking nasa kwentong ito na ilang beses nang sinubukang tumigil sa paninigarilyo pero bumabalik at bumabalik pa rin siya sa kaniyang bisyo.

Pero out of the box ang naisip niyang paraan para ihinto na ang kaniyang bisyo matapos niyang ikulong ang sariling ulo.

Nagtagumpay kaya ang lalaki sa kaniyang paraan para ihinto ang kaniyang bisyo? Eto.

Isang Turkish man na si Ibrahim Yucel ang mahigit dalawang dekada nang naninigarilyo at nakakaubos din siya ng dalawang kaha ng sigarilyo araw-araw.

Ayon sa kaniya, maraming beses na niyang sinubukang tumigil sa kaniyang bisyo alang-alang sa kaniyang asawa at mga anak, pero ilang araw lamang ang lilipas at maninigarilyo na siya ulit.

Batay naman sa ulat, nagpagawa at isinuot niya ang isang birdcage o helmet-shaped metal ball at nilagyan ng podlock, paraan niya raw ito para hindi na siya makapanigarilyo.

Hindi lang ‘yan dahil ang susi ng lock na nasa cage ay ipinahawak niya sa kaniyang misis para raw hindi niya ito mabuksan.

Binubuksan lang daw ito ng kaniyang misis kapag kakain na at nilalagyan lang ng straw ang baso kapag iinom siya ng tubig.

Marami ang humanga sa dedikasyong ipinakita ni ibrahim at umaasang epektibo ang kaniyang ginawa para mahinto na ang kaniyang bisyo.

Ayon sa World Health Organization, halos 8 milyong katao ang nawawalan ng buhay taun-taon dahil sa paninigarilyo at 1.2 milyon naman ang bilang ng tao na nasawi dahil sa second-hand smoke, kaya iginiit ng organisasyon ang kahalagahan sa paghinto sa paninigarilyo.

Ikaw, anong gagawin mong hakbang para tuluyan nang huminto sa bisyo mo sa buhay?

Sino ang mag-aakala na ang simpleng class discussion ay magsisilbi palang paraan para mailigtas ng batang babae na nasa kwentong ito ang buhay ng 100 turista.

Kung anong klaseng kabayanihan ang ipinamalas ng bata? Eto.

Nagbakasyon noong 2004 sa Thailand ang pamilya ni Tilly Smith na noo’y 10 taong gulang pa lamang na mula pa sa United Kingdom para doon ipagdiwang ang pasko.

Habang nasa beach daw si Tilly kasama ng kaniyang pamilya, napansin daw niyang tila lumalayo sa baybayin ang tubig-dagat, kabaliktaran sa madalas nating nakikita.

Naalala raw ni Tilly ang geography class nila tungkol sa tsunami, kung saan ipinanood sa kanila ang video ng 1946 tsunami na tumama sa Hawai.

Nang tingnan ni Tilly ang dagat, tila senyales daw ito na may paparating na tsunami kaya naman sinabihan niya ang kaniyang ina na huwag lumayo dahil magkaka-tsunami raw.

Pero hindi raw naniwala sa kaniya ang ina niya, kaya sumisigaw na raw siya at nagmamakaawa na lumayo na sila sa dagat dahil magkakaroon daw ng tsunami.

Dahil sa takot na ipinakita ni Tilly, ang ama raw nito ang tumulong sa kaniya para sabihan ang iba pang mga turista na lumikas na dahil sa banta ng tsunami.

Ilang segundo lamang bago tumama ang tsunami sa lugar ng Mai Khao, Thailand, nakaakyat na sa second floor ng hotel ng resort ang mga tao, dahil dito, walang naiulat na nasawi.

Dahil sa kabayanihang ipinakita ni Tilly, nakatanggap siya ng Merit Award mula sa UK Marine Society.

Binigyang-diin ng dating presidente ng UK Marine Society na si Bill Clinton ang kahalagahan ng edukasyon sa pagtuturo tungkol sa mga natural hazards, kaya nagpasalamat siya sa teacher ni Tilly dahil kung hindi niya iyon itinuro, marami raw ang buhay na nasawi.

Mahigit 200,000 katao ang nasawi dahil sa 2004 Indian Ocean earthquake at tsunami at 14 na bansa ang naapektuhan dito, dahilan para tawagin ito bilang deadliest natural disaster.

Ikaw, naniniwala ka bang powerful ang edukasyon lalo na sa usapin ng kalamidad? O depende sa tao kung paano niya ito ia-apply sa tunay na buhay?

Acts of service at quality time ang love languange ng ibang mga babae na gusto nilang matanggap mula sa kanilang manliligaw o kasintahan, pero tila ibang usapan naman kung hanggang sa trabaho ay may quality time pa rin kayo ng iyong partner lalo na kung hindi naman kayo magka-trabaho.

Kagaya na lang ng nurse na nasa kwentong ito na nag-quality time sa gitna ng kaniyang duty sa ospital.

Kung anong quality time ang kanilang ginawa at nasuspinde ang babaeng nurse? Eto.

Isang nurse sa China ang binatikos ng netizen matapos nitong ibahagi sa social media ang relationship goals at quality time nila ng kaniyang partner sa ospital na kaniyang pinagtatrabahuan at ipinakilala niya ito bilang kaniyang night-shift buddy.

Ibinida ng nurse ang pagtulong sa kaniya ng partner niya sa pagsusulat ng written report ng mga pasyente, pinapakialaman ang computer sa nurse station, hinahanda ang mga gamot ng mga pasyente, at nilalagyan ng mga label ang mga intravenous o IV bottles.

Kwento pa ng nurse na nagtatrabaho raw sa umaga ang kaniyang partner at madalas ay sinasamahan siya nito sa kaniyang night duty sa ospital.

Marami ang nagsabi na sino ang mananagot kung mali ang inilagay na label ng gamot at dahil dito, napagdesisyunan ng ospital na suspendihin ang nurse dahil sa paglabag nito sa work disciplines ng ospital.

Ikaw, aabot din ba sa ganitong sitwasyon ang quality time niyo ng iyong partner? O maglalagay ka ng boundaries para panatilihin ang pagiging professional?

Ika nga nila, lagi tayong maglaan ng oras para hindi magkaroon ng agwat ang relasyon natin sa ating pamilya, dahil walang kahit anong kayamanan ang katumbas sa tuwing kasama natin sila.

Kagaya na lang ng lalaking nasa kwentong ito na gumawa pa ng pakulo para lang mabuo muli ang kanilang pamilya at turuan ng leksyon.

Kung anong leksyon ang itinuro ng lalaki sa kaniyang pamilya? Eto.

Isang tiktoker na si David Baerten na noo’y 45-anyos mula sa Belgium ang nakaisip ng isang ultimate prank para sa kaniyang pamilya — ang magpanggap na siya’y pumanaw na para muling magkita-kita ang kaniyang pamilya matapos niyang maramdaman na hindi na siya na-a-appreciate ng mga ito.

Isinagawa ang funeral ni David matapos magpost ang kaniyang mga anak ng kanilang tribute message para sa kaniya, at habang nagtipon-tipon ang mga taong nakikiramay sa kaniyang pagpanaw, biglang may helicopter na dumating kasama ang ilang film crew.

Maya-maya lang ay nakita nilang bumaba ng helicopter si David, kaya agad nilang itong nilapitan para yakapin.

Ibinunyag din ni David na kakuntsaba niya ang kaniyang asawa at mga anak sa prank na ‘yon, para palabasin na makatotohanan ang kaniyang pagpanaw.

Aniya, ginawa niya raw ang pakulong ito dahil hindi raw siya iniimbita sa kahit anong family gathering hanggang sa lumayo na ang loob niya sa kaniyang pamilya.

Dahil dito, naramdaman niya raw na hindi siya na-a-appreciate ng mga ito kaya gusto niyang bigyan sila ng aral na hindi dapat antayin ng isang pamilya na may papanaw bago sila magkita-kita.

Kahit mayroong naantig sa pakulo ni David, karamihan naman ng mga viewers ay hindi natuwa dahil wala umanong konsiderasyon si David sa nararamdaman ng kaniyang pamilya.

Hindi man lahat ng angkan niya ang pumunta sa kaniyang pekeng lamay, nalaman niya naman daw sa huli kung sino lang ang totoong may pakialam at nagmamahal sa kaniya.

Humingi naman ng paumanhin si David sa mga na-offend at nasaktan sa kaniyang video pero dahil nangyari na, wala na umano siyang magagawa.

Ikaw, ganito rin ba ang gagawin mong hakbang kung pakiramdam mo di ka na mahal ng pamilya mo?

Karamihan ng tao mayroong bucket list o listahan ng mga gustong gawin sa buhay bago pumanaw at ang kadalasang nililista dito ay puro travel goals.

Pero kakaiba rin ang isa sa bucket list ng babaeng nasa kwentong ito matapos nitong pangarapin na gusto niya raw maranasang makulong para makapasok siya sa loob ng kulungan.

Tinupad kaya ng mga otoridad ang huling bucket list ng babae? Eto.

Lumapit sa isang police station ang pamangkin ni Annie na noo’y 99-anyos na babae para tuparin daw ang huling hiling nito na nasa kaniyang bucket list — ang maaresto at makapasok sa loob ng selda.

Pero paano ito mangyayari kung hindi naman kailanman gumawa ng krimen si Annie, kaya hindi siya maaresto ng mga otoridad.

Hindi rin makatanggi ang officer na si Maarten kaya naman binaluktot niya ang batas para matupad ang pangarap ni Annie.

Dahil dito, pinuntahan nila si Annie sa bahay nito, pinosasan, ikinulong, at nag-uumapaw ang saya ni Annie nang maranasan niya ito.

Ganito rin ba ang isa sa iyong bucket list? O mas may kakaiba ka pang goal na gusto mong gawin bago ka mawala sa mundong ibabaw?

Minsan, dead end na para sa mga may kapansanan ang kanilang sitwasyon dahil wala na raw silang magagawa sa kanilang buhay, pero mayroon ding iba na ginagawang inspirasyon ang nangyari sa kanila para magpatuloy sa buhay.

Kagaya na lang ng isang cafe sa Japan na hindi hinayaang mawalan ng pag-asa ang mga paralisadong tao dahil binigyan pa nila ito ng trabaho para kumita.

Kung bakit ito ang ginawa ng may-ari? Eto.

Isang cafe sa Tokyo, Japan ang mayroong humanoid robots na nagsisilbing staff na e-entertain at kukuha ng order ng mga customers, at ang mga operator ng robot ay mga persons with disabilities (PWDs).

Gumagamit ng computer, tablet o eye-tracking technology ang mga operators para maging functional ang robot na kanilang kokontrolin.

Tunay na boses din ng mga operators ang ginagamit para makipag-interact ang robot sa mga customer na may layuning tuluyang alisin ang social barriers ng robot at ng tao.

Bukod dito, kumikita rin ang mga operators na PWD ng halos 1,000 Yen per hour o mahigit P300.

Noong 2011, apat na experimental cafe na ang mayroong humanoid robot na inooperate ng pwd para sa layuning inclusive employment.

Ikaw, gusto mo rin bang magtrabaho sa ganitong kumpaniya pagdating ng panahon?

Madalas nagre-retire ang mga tao kapag pasok na bilang senior citizen ang kanilang edad at ituon ang kanilang atensyon para makasama ang pamilya.

Pero tila masyado nang overdue ang retirement ng isang babae na nasa kwentong ito matapos niyang magtrabaho sa loob ng mahigit pitong dekada.

Kung bakit napatagal ang pag-resign ng babae? Eto.

Nagtrabaho ang noo’y 90-anyos na babaeng si Melba Melbane sa isang department store sa Texas sa loob ng 74 years.

Aniya, 17-years-old siya noong nagsimula siya sa nasabing department store bilang elevator girl bago nalipat sa cosmetics department.

Ayon sa store manager na si James Saenz, hindi raw kailanman lumiban o nagpaalam na liliban sa trabaho si Melba.

Dahil dito, labis na hinangaan ni Saenz ang ipinakitang pag-uugali ni Melba sa trabaho.

Dagdag pa ni Saenz, lahat daw ng ekspektasyon niya sa isang empleyado ay kay Melba niya nakita.

Kakaiba rin ang sipag ni melba sa trabaho dahil hindi rin daw ito kailanman nal-late dahil pumapasok daw ito ng maaga para mai-reserve niya ang gusto niyang parking spot.

Hindi lang ‘yan, dahil saglit lang din daw nagl-lunch break si Melba dahil ayon sa kaniya, lunch hour daw dumadagsa ang mga customer dahil ito lang ang oras ng mga tao na pumunta sa store para bilhin ang dapat nilang bilhin.

Ayon kay Melba, masaya raw siya sa kaniyang trabaho at marami rin daw siyang na-inspire na mga empleyado dahilan para tumaas ang sales ng department store.

Ngunit dahil tumatanda na si Melba, kailangan na niyang mag-resign dahil sa nararanasan niyang health issues.

Kaya naman bilang pagtanaw sa ipinamalas na kasipagan at dedikasyon ni melba, pinarangalan siya ng Beyond Excellence Award, para kilalanin ang serbisyong kaniyang ibinigay sa kumpanya.

Ikaw, kaya mo bang magsilbing role model ng iyong mga katrabaho? O mas pipiliin mong maging normal employee lang para iwas pressure?

Kadalasang rason sa pagre-resign ay hindi magandang pamamahala ng isang kumpanya sa mga empleyado, minsan nais lamang magkaroon ng career growth ang isang tao.

Pero tila kakaiba ang naging rason ng babaeng nasa kwentong ito nang magdesisyon siyang mag-resign sa kaniyang tinatrabahuan dahil napahiya raw siya.

Kung ilang katrabaho ba ang inimbita ng babae? Eto.

Isang babae mula sa China ang ikinasal at dahil gusto niyang ibahagi ang mahalagang moment ng kaniyang buhay sa mga taong malapit sa kaniya, inimbitahan niya lahat ng kaniyang katrabaho para dumalo sa kaniyang kasal.

Aniya, kaibigan niya raw kasi lahat ng mga empleyado sa kaniyang pinagtatrabahuan pero iilan lang ang kaniyang maituturing na close friends, at para hindi raw sumama ang loob ng iba niyang katrabaho na hindi maiimbitahan, napagdesisyunan niyang imbitahan na lang lahat ng kaniyang katrabaho, na aabot sa 70 katao.

Pero nang dumating ang araw ng kaniyang kasal, nalaman niyang mentor niya lang ang dumating at wala ang 69 na iba.

Dahil dito, anim na mesa raw ang bakante at maraming pagkain ang nasayang dahil hindi nakain.

Napahiya rin daw siya sa harap ng kaniyang mga kamag-anak dahil marami siyang inimbita pero hindi naman lahat dumalo.

At para itago ang kaniyang kahihiyan sa trabaho, pinili niya na lang mag-resign.

Kaya naman nagpadala siya ng condolences card sa kaniyang pinagtatrabahuan na may nakasulat na “I’m sorry for your loss” at ipinaalam na magre-resign na siya.

Ikaw, anong gagawin mo kung isa lang sa mga inimbita mo ang dumalo sa imbitasyong ipinadala mo? Icu-cut off mo ba sila o tatanggapin mo na lang at mag-move forward?

Karamihan ng tao ay mayroong favorite food na nagsisilbing comfort food nila, pero tila kakaiba ang comfort food ng babaeng nasa kwentong ito matapos mapaulat na umaga, tanghali, at gabi ay raw meat lang ang kaniyang kinakain.

Kung anong naging epekto sa kalusugan ng babae sa pagkain niya ng hilaw na karne? Eto.

Nag-viral ang kwento ni Wendy Marshall dahil sa kaniyang rare eating habit, ang pagkain ng 2 pounds o halos isang kilo na raw meat araw-araw.

Aniya, satsifying daw kasi tuwing hinahati-hati at nginunguya niya ang karne.

Ipinaliwanag ni Marshall na nagsimula raw ito noong siya ay bata pa, kung saan sabay sila ng kaniyang lola na kumakain ng raw meat habang nag-uusap tungkol sa iba’t ibang bagay.

Aware rin daw si Marshall na hindi lahat ng tao ay kayang sikmurain ang pagkain ng raw meat at marami raw ang kumu-kwestiyon sa kaniyang hilig, pero dedma lang daw siya.

Gayunman, ilang medical experts na ang nagsagawa ng pagsusuri tungkol kay Marshall, at iisa lang ang kanilang sinasabi, dapat daw iwasan na ni Marshall ang pagkain ng raw meat dahil mayroon na raw E. Coli o Escherichia Infection ang kaniyang colon.

Ang E. Coli infection ay sakit na dulot ng bakterya na nakukuha mula sa pagkain ng hilaw na karne, kontaminadong tubig, o sa maruming kamay.

Napag-alaman din ng mga eksperto na hindi na raw tinatablan si Marshall ng kahit anong sintomas ng sakit dahil unti-unti nang naga-adapt ang nasabing infection sa kaniyang katawan.

Paliwanag ng mga eksperto na kung ipagpapatuloy pa ito ni Marshall ay mahihirapan na silang gamutin ng antibiotics kung magkakaroon man siya ng panibagong sakit sa hinaharap.

Iginiit naman ni Marshall na hindi siya titigil sa pagkain ng raw meat, bagkus, ang kakainin na lang daw niya ay grass-fed beef at iiwasan ang pagkain ng ground meat.

Ikaw, ano ang gagawin mong hakbang kung ipinagbabawal na sayo na kainin ang paborito mong pagkain?