Ann Rodriguez

Sa pelikula lang tayo nakakakita ng mga taong walang nararamdaman at kayang indahin ang sakit at pagod, pero nage-exist pala sa totoong buhay ang ganitong pambihirang karanasan.

Kagaya ng lang ng babae na nasa kwentong ito na tila manhid siya sa mga feelings na normal na nararamdaman ng isang tao.

Kung bakit naging immune ang babae sa mga feelings ng pangkaraniwang tao? Alamin.

Isang babae mula sa United Kingdom na si Olivia Farnsworth ang tinaguriang “Bionic girl” Dahil mayroon daw siyang artificial na katawan hindi maramdaman ang pagod, gutom, at sakit.

Hindi lang ‘yan dahil hanggang dalawang oras lang din daw ang kaniyang tulog sa araw-araw pero naipagpapatuloy niya pa rin ang kaniyang buhay.

Dahil dito, maraming tao ang na-amaze sa kaniyang kondisyon pero maraming doktor din ang naalarma sa kaniyang kalagayan.

Napag-alamang si Olivia ay mayroong rare condition na kung tawagin ay Chromosome 6P Deletion kung saan ang section sa kaniyang chromosome 6 ay missing.

Ayon sa National Organisation for Rare Disorders, ang mga taong may ganitong kondisyon ay nakararanas ng developmental delays, intellectual disabilities, at unique facial characteristics, at si Olivia lang ang may extreme symptomps nito.

Ayon naman sa kwento ng ina ni Olivia, minsa’y na-aksidente raw ang kaniyang anak noong pitong taong gulang pa lang ito kung saan nabangga siya ng isang sasakyan at nakaladkad, pero kalmado lang daw na tumayo si Olivia at diri-diretsong naglakad.

Grabe raw ang tinamong sugat ni Olivia mula sa aksidente pero wala raw reaksyon ang kaniyang anak na tila hindi nakaramdam ng kahit anong sakit.

Una raw itong napansin ng kaniyang ina noong baby pa lang si Olivia dahil nire-reject niya raw ang mga pagkaing isinusubo sa kaniya at kapansin-pansin din daw na tila hindi nagugutom si Olivia.

Bukod dito, dalawang oras lang daw ang tinatagal ng tulog ni Olivia. Humingi na rin ng medical intervention ang kaniyang ina dahil aniya, parang hindi raw nakakaramdam ng antok ang kaniyang anak.

Labis ang pag-iingat na ginagawa ng pamilya ni Olivia para hindi raw siya masaktan ng sobra na maaari nitong ikapamahak.

Sa kasamaang palad, walang gamot para sa kondisyon ni Olivia at ang tanging maibibigay lang daw sa kaniya ay tulungan siyang mamuhay ng normal.

Kung ikaw ang mayroong ganitong kondisyon, matatakot ka ba o gagamitin mo ang iyong kondisyon para tumulong sa kapwa?

Pagiging honest at transparent ang pinakamahalagang bagay na dapat ipakita ng isang lalaki sa babae para makuha ang kaniyang buong tiwala.

Kagaya na lang ng mag-asawang nasa kwentong ito na mayroong payapang pagsasama pero nagbago ang lahat nang nadiskubre ng babae na peke pala ang katauhan ng lalaking kaniyang pinakasalan.

Inurong kaya ng misis ang reklamong kaniyang inihain alang-alang sa pinagsamahan ng mag-asawa? Eto.

Naghain si Lavika Gupta ng police complaint laban sa kaniyang mister na si Sanyam Jain at sa apat niyang in-laws matapos niyang malaman na siya ay niloloko ng lalaki.

Aniya, pinangakuan daw siyang ipapakasal sa lalaking mayroong healthy hair, magandang educational background, at may maayos na financial status.

Pero ang pinakasalan niya pala ay isang kalbo at nagsusuot lang ng wig, hindi nakapagtapos ng kolehiyo, at ang income daw niya ay 18 Indian Rupees o mahigit isang milyong piso, pero ang totoo ay hindi naman.

Nilagay din ni Gupta sa kaniyang inihaing complaint ang pananakit at pangmamaltrato ni Jain sa kaniya noong minsa’y nagbakasyon sila, aniya, prineasure raw siya ni Jain na magdala ng kontrabando mula Thailand pauwi sa India.

Dahil dito, kinasuhan ni Gupta ang kaniyang mister ng cruelty by husband or relatives, intentional insult with the intent to provoke breach of peace, criminal intimidation, criminal breach of trust, assault, at paglabag sa dowry prohibiton act.

Sa kasalukuyan, patuloy pa rin ang isinasagawang imbestigasyon ng kapulisan.

Ikaw, anong gagawin mo kung iba pala ang katauhan ng iyong pinakasalan? Tatanggapin mo na lang ba siya dahil napamahal na rin siya sayo?

Likas na sa mga tao ang maging alerto lalo na kapag nakakita ng taong nasa panganib o nangangailangan ng tulong, pero marami ang naalarma sa nasaksihan nilang panlilinlang umano ng isang buwaya na tila taong nalulunod!

Kung paraan nga ba ito ng buwaya para umatake ng tao at makakain? Eto.

Umani ng atensyon ang viral video mula sa Indonesia matapos makita ang tila taong nalulunod sa dagat pero ‘yon pala, isa pala itong saltwater crocodile.

Kung titingnang mabuti, tila kamay ng tao ang kumakampay sa dagat na parang nalulunod at nanghihingi ng tulong pero ayon sa mga saksi, isa itong buwaya at hinala nila ginagawa raw ito ng buwaya para umatake ng tao.

Depensa naman ng mga crocodile experts, hindi na raw bago ang ganitong galaw ng mga buwaya sa dagat dahil ganito raw ang kanilang ginagawa kapag ini-enjoy lang nila ang kanilang kinakain, kung saan paikot-ikot lang daw ang mga ito sa ilalim ng tubig.

Paliwanag ng mga eksperto, imposible raw na may kakayahan ang mga buwaya na gayahin ang aksyon ng tao dahil ang ganitong hayop ay hindi na kailangang gumawa ng ganong aksyon para makakain o makapangbiktima.

Ikaw, agad ka bang tutulong kung may makikita kang nalulunod sa dagat? O titingnan mo munang mabuti dahil baka sa huli ikaw pa ang mabibiktima?

Labis na hinahangaan ng karamihan ang kakayahan ng ibang taong makapagsalita ng iba’t ibang lenggwahe, pero tila kakaiba ang ipinamalas na kakayahan ng lalaking nasa kwentong ito matapos niyang maging fluent sa banyagang lenggwahe pagkatapos niyang sumailalim sa isang operasyon.

Itinatagong talento kaya ito ng lalaki? Alamin.

Isang 33-anyos na lalaking si Stephen Chase mula sa Utah ang caught in the act na nagsasalita ng Spanish language kahit hindi siya fluent sa lenggwaheng ito, at ang alam niya lang sa spanish ay pagbibilang mula isa hanggang sampu.

Ayon sa kaniya, nagsimula raw ang ganitong pambihirang aktibidad niya noong siya ay 19-anyos pa lang pagkatapos sumailalim sa right knee surgery.

Aniya, halos 20 minuto siyang nakapagsalita ng Espanyol nang hindi nabubulol bago bumalik sa pagsasalita ng ingles, at paulit-ulit daw itong nangyayari sa nakalipas na taon sa parehong sitwasyon.

Kalaunan, na-diagnose si Stephen ng isang pambihirang medical condition na tinatawag na Foreign Language Syndrome (FLS), kung saan 100 kaso lang ang naitala simula noong 1907.

Batay sa National Library of Medicine, nag-ugat ang ganitong kaso dahil sa iba’t ibang dahilan, kabilang dito ang epekto ng brain injuries at tumors, psychological stress, at general anaesthesia.

Ikaw, gugustuhin mo bang ma-diagnosed din ng ganitong syndrome? O magkukusa ka na lang aralin ang ibang lenggwahe?

Maraming nagsasabi na kakaiba ang instincts ng mga babae, dahil kapag may naramdaman lang silang kakaiba, talagang kabahan ka na kasi sisimulan na nilang mag-imbestiga.

Pero mayroon din namang pagkakataon na ebidensya na ang lumalapit sa isang tao para malaman ang kataksilang ginagawa ng kanilang partner.

Kagaya na lang ng misis sa kwentong ito na tila tadhana na ang gumawa ng paraan para madiskubre niya ang kalokohang ginagawa ng kaniyang mister matapos niyang mapanood ang video ng isang restaurant.

Kung anong ginawa ng mister nang nalaman niyang alam na ng kaniyang misis ang kalokohan niya? Eto.

Isang 42-anyos na lalaki mula sa Italy ang nahuli ng kaniyang misis na may kasamang babae matapos mapanood sa social media ang promotional clip ng isang restaurant.

Batay sa ulat, nagpaalam umanong magkaroon ng dinner meeting ang kaniyang asawa kaya pinayagan niya itong umalis.

Ang hindi alam ng mister, kasalukuyan palang nagsh-shoot ang restaurant ng kanilang magiging content para i-upload sa social media, dahil dito, nakita siya at ang kaniyang secret lover sa video habang sabay na kumakain.

Dahil nag-viral ang video, dumaan din sa feed ng misis ang video kaya naman nakita niya ang kataksilang ginawa ng kaniyang mister dahil ayon sa kaniya, hindi katrabaho ng lalaki ang babaeng kasama nito.

Agad umano siyang nag-desisyon na iiwan niya ang lalaki at paalisin sa pamamahay nila.

Nang malaman ng lalaki ang dahilan kung paano nalaman ng kaniyang misis ang ginawa niya, agad siyang nagsampa ng kaso laban sa restaurant dahil sa paninirang-puri umano nito sa kaniya.

Iginiit ng lalaki na invasion of privacy ang ginawa ng restaurant dahil nag-video raw sila nang walang authorized consent ng mga customer.

Binigyang-diin din ng isang grupo ng Italian Consumer Protection na ang paglalabas ng video kagaya ng inupload ng restaurant ay maaaring magdulot ng negatibong epekto sa private at family life ng isang tao.

Ikaw, anong gagawin mo kung ikaw ang nasa posisyon ng mister? Aamin ka na lang ba sa kalokohan mo o itatanggi mo ito kahit nasa harap na ang ebidensya?

Talamak sa iba’t ibang social media platform ang mga streamers o mga taong nagl-live ng kanilang video game sessions o kahit anong live content.

Kagaya na lang sa teenager na nasa kwentong ito na nawili sa pagb-broadcast ng kaniyang gaming session kaya mas pinili na lang niyang mag-focus dito kaysa mag-aral.

Dahil dito, kinuwestiyon ng netizens ang suportang ibinigay ng mga magulang ng teenager matapos nilang payagan na mag-drop out sa paaralan ang bata.

Nagbago kaya ang desisyon ng mga magulang matapos silang batikusin? Eto.

Nagsimulang maglaro ang 13-anyos na lalaking si Tarou ng video games noong siya ay 3 taong gulang pa lang hanggang sa nalamangan niya ang skill level ng kaniyang ama.

Kaya naman noong 2020, ginawan siya ng Youtube channel ng kaniyang mga magulang para ibahagi sa online world ang talent at skill ni Tarou, kung saan ngayon mayroon nang mahigit 230,000 subscribers ang nasabing channel.

Kamakailan lang, ibinahagi ni Tarou na hihinto na siya sa pag-aaral para mag-focus sa kaniyang esports career at maging gamer world cup.

Nang nalaman ng kaniyang mga magulang ang desisyon niya, agad siyang sinuportahan ng mga ito.

Paliwanag ng kaniyang ama, mas mahihirapan at mapapagod ang kaniyang anak kung araw-araw siyang pupunta sa school para mag-aral at kakaibang commitment din daw kasi ang ipinakita ng kaniyang anak sa paglalaro nito ng online video game.

Iginiit ng kaniyang mga magulang na aware naman daw sila sa positibo at negatibong epekto ng pag-d-drop out ni Tarou sa paaralan, pero sa kasalukuyan, ito ang nakikita nilang mainam na paraan para sa kanilang anak.

Kaya mo bang ipagsabay ang esports career at pag-aaral mo? O talaga bang dapat may isang ma-sacrifice para pagtuunan ng atensyon?

Pet peeve ng mga bibliophile o book lover ang mga taong kini-kwento ang mga plot twist sa librong kanilang binabasa.

Kagaya na lang ng bida sa kwentong ito na tila punong-puno na sa pangs-spoil ng kaniyang katrabaho sa mga librong kaniyang binabasa, kaya naman sinaksak niya ito.

Nakaligtas kaya ang kaniyang katrabaho? Eto.

Naharap sa kasong attempted murder ang isang engineer mula sa russia na si Sergey Savitsky matapos niyang saksakin ang kaniyang katrabaho na si Oleg Beloguzov sa dibdib gamit ang isang kitchen knife.

Agad namang naisugod sa ospital ang biktima na nasa kritikal na kundisyon pero buti na lang, na-survive niya ang insidente.

Batay sa ulat, nag-ugat ang insidente matapos nilang magtalo tungkol sa habit ng biktima na ikwento ang mga endings sa librong binabasa ni Savitsky.

Kusa rin umanong sumuko sa otoridad si Savitsky at agad isinailalim sa house arrest bago dalhin sa St. Petersburg court sa Russia para harapin ang kaniyang kaso.

Inamin din ni Savitsky ang kaniyang ginawa pero itinanggi niyang balak niyang patayin si Beloguzov.

Ikaw, aabot ka rin ba sa ganitong hakbang kung ayaw tumigil sa pangs-spoil ang kakilala mo?

Nakakataba ng puso ang mga employer na mababait sa kanilang empleyado, dahil dito makikitang pinapahalagahan nila ang hirap ng kanilang mga tao.

Pero kakaiba ang bait na ipinamalas ng isang CEO sa kaniyang empleyado nang binigyan niya ang mga ito ng milyun-milyong bonus matapos niya ibenta ang kaniyang kumpanya.

Kung bakit ganito ang naging desisyon niya? Eto.

Binenta ng 46-anyos na si Graham Walker ang kanilang family-owned company sa nagkakahalagang $1.7-B at dahil dito, nabago niya ang buhay ng mga empleyado na nagta-trabaho sa kumpanya nila.

Ngunit bago niya ito ibenta, naglagay siya ng hindi pangkaraniwang kundisyon sa kontrata nila ng buyer — ang paglalaan ng 15% ng kita mula sa sale ay dapat mapupunta sa mga empleyado kahit hindi sila nagma-may-ari ng kahit anong stocks o shares.

Dahil dito 540 na empleyado ang nakatanggap ng kabuuang $240-M o mahigit P14-M bilang bonus pero bago nila ito tuluyang makuha, kailangan muna nilang manatili sa kumpanya sa loob ng limang taon.

Paraan ito ni Walker para pasalamatan ang mga empleyado dahil sa kanilang katapatan sa kumpanya kahit maraming pagsubok na ang dumaan.

Nagbigay ng malaking pagbabago sa buhay ng mga empleyado ang kanilang natanggap na bonus dahil ginamit daw nila ito para magbayad ng utang, bumili ng bahay o sasakyan, bayaran ang college tuition ng anak, at mag-ipon para sa kanilang retirement.

Ikaw, saan mo gagamitin ang pera kung bibigyan ka ng malaking bonus? Bibilhin mo ba lahat ng gusto mo o gagamitin mo ito para mag-invest?

Madalas naghihiwalay ang mag-asawa dahil sa pagtataksil o di kaya ay hindi na mahal ang isa’t isa.

Pero ang akala ng lahat na mababaw dahilan ay ground for divorce na pala!

Pinaburan kaya ng korte ang divorce case ng mag-asawa? Eto.

Isang pambihirang divorce case sa Russia ang inihain ng misis na si HB laban sa kaniyang mister na si SB.

Batay sa ulat, inakusahan ni HB si SB na na-humiliate siya verbally matapos umanong gugulin ng lalaki ang kaniyang oras sa social media, nagl-like ng mga pictures ng mga babae at nagco-comment pa ito.

Iginiit ni HB na nilabag ni SB ang kaniyang marital duty na loyalty kaya naman nagsampa siya ng divorce case at nanghingi rin ng financial compensation.

Samantala, itinanggi naman ni SB ang mga akusasyon laban sa kaniya at naghain din siya ng divorce case laban sa kaniyang misis.

Aniya ininsulto raw ni HB ang kaniyang ama at ang pagseselos ni HB ay wala na sa lugar dahil nasisira na ang kaniyang reputasyon.

Matapos imbestigahan ng korte ang kaso ng mag-asawa, napagdesisyunan nilang mas may mali si SB kaya pinagbabayad nila ito ng 750 turkish lira o mahigit p1,000 bilang monthly alimony at dagdag na 80,000 lira o mahigit p100,000 bilang kompensasyon.

Nagsampa naman ng appeal si SB sa korte dahil sobra-sobra raw ang perang ibibigay niya kay HB, ngunit ang kaniyang appeal ay ibinasura ng korte at binigyang-diin na ang pagl-like nito ng picture sa social media ay kasiraan ng kanilang kasal.

Paliwanag ng korte, mukha umanong harmless ang pagkakaroon ng online interactions sa iba pero magdudulot daw ito ng emotional insecurity na maaaring ikaapekto ng isang relasyon.

Ikaw, pabor ka ba kung magkakroon din ng ganitong batas sa pilipinas? O naniniwala kang masyado itong mababaw para maging basehan ng divorce?

Transplant ang pag-asa ng mga taong nahaharap sa isang malubhang sakit kagaya ng lang ng mister sa kwentong ito na kailangan ng liver transplant para madugtungan ang kaniyang buhay.

Matapos malamang matching donor ang kaniyang misis, kinausap niya ito para mag-donate, pero sa hindi inaasahan, tumanggi ang babae.

Nakumbinsi kaya ng mister ang kaniyang misis para tuluyang maging donor? Eto.

Isang lalaki mula sa South Korea ang na-diagnose ng primary biliary cirrhosis, isang rare liver disease at mayroon na lamang siyang isang taon para mabuhay kapag walang liver transplant.

Dahil sa kagustuhang mailigtas ang lalaki, binenta ng kaniyang mga magulang ang kanilang bahay at inalagaan din siya ng kaniyang misis.

Pero isang himala ang dumating sa buhay ng lalaki matapos madiskubreng mahigit 95% ang compatibility ng Human Leukocyte Antigen o H-L-A ng kaniyang misis para maging donor.

Pero gumuho ang mundo ng mister nang tumanggi ang kaniyang misis para maging donor dahil mayroon umano siyang phobia sa karayom at sharp objects kaya hindi niya raw kakayanin ang surgery.

Dahil dito, naramdaman ng mister na siya’y pinagtaksilan ng kaniyang asawa at inisip na gusto lang siya makitang mahirapan at mamatay.

Buti na lang, mayroong brain-dead na pasyente ang naging donor ng lalaki at matagumpay namang naisagawa ang liver transplant.

Pagkatapos ng operasyon ng lalaki, nagsimula siyang imbestigahan ang kaniyang asawa at naghain ng kasong “malicious abandonment” at divorce dahil umano sa kaniyang naramdamang betrayal.

Nilinaw naman ng misis na hindi totoo na mayroon siyang phobia sa karayom, bagkus, takot lang daw siyang maiwan ang kanilang dalawang anak kung may mangyayari man sa kaniyang hindi maganda habang isinasagwa ang transplant.

Matapos ang masusing imbestigasyon, pinaburan ng korte ang desisyon ng misis at sinabing ang organ donation ay hindi sapilitan kahit sa mag-asawa.

Dagdag pa ng korte, reasonable rin umano ang rason ng babae dahil sa takot na maaaring maiwan ang kanilang mga anak at iniisip lang niya ang kapakanan ng mga bata.

Napagdesisyunan ng mag-asawa na mag-divorce na lang habang nasa pangangalaga naman ng babae ang mga bata at patuloy pa ring nagbibigay ng financial support para sa medical recovery ng kaniyang ex-husband.

Ikaw, anong gagawin mo kung tatanggi rin ang iyong asawa sa pagdo-donate ng organ?