Nakatakda na sa Enero a-trese ang arraignment ng naka-detine na kontratista na si Sarah Discaya sa kaniyang kinakaharap na kasong graft at malversation.
Ayon kay National Bureau of Investigation Spokesman Palmer Mallari, magsisimula ang arraignment ni Discaya ng alas-dies ng umaga sa Regional Trial Court Branch 27 sa Lapu-Lapu, Cebu.
Nabatid na ipiniit si Discaya, ang kaniyang pamangkin na si Maria Roma Rimando, at pitong iba pang Public Works and Highways officials sa Cebu City matapos silang patawan ng warrant of arrest dahil sa pagkakasangkot sa 96.5 million pesos na ghost flood control projects sa Davao Occidental.
