Kailangan umano ng mga sundalo ang pormal na kautusan bago nila ipatupad ang pag-aresto sa mga tiwaling pulis.
Ayon kay Defense Spokesman Arsenio Andolong, sumulat na ang kanilang ahensya sa Office of the Executive Secretary upang makakuha ng pormal na kautusan kaugnay sa pagtulong ng militar sa kampanya kontra iligal droga.
Kailangan, aniya, ng militar ng written order na magsisilbing ligal na batayan sa mga gagawin nilang operasyon.
Una nang berbal na inutusan ni Pangulong Rodrigo Duterte ang militar at PDEA na magpatupad ng anti-drugs operations na tinanggal sa PNP.
By: Avee Devierte / Jonathan Andal
