Desperado na ang Abu Sayyaf kaya pinugutan nila ang dalawa sa kanilang bihag na dayuhan.
Ayon kay Brig. General Restituto Padilla, spokesman ng AFP o Armed Forces of the Philippines, bagamat malungkot na kaganapan ang pagkamatay ng dalawang Vietnamese nationals sa kamay ng Abu Sayyaf, maituturing itong indikasyon na humihina na ang Abu Sayyaf.
Sinabi ni Padilla na sa kabila ng marubdob nilang operasyon sa Marawi City, mayroon silang hiwalay na grupo na nakatutok sa Abu Sayyaf sa Basilan, Tawi-Tawi at Sulu.
Una rito, natagpuan ng mga residente sa Barangay Tumahubong sa Sumisip Basilan ang mga pugot na katawan nina Hoang Thong at Hoang Va Hai.
Kabilang ang dalawang biktima sa anim na crew members ng MV Royal 16 na inatake ng Abu Sayyaf sa karagatang sakop ng Sibago Island sa Basilan noong Nobyembre ng nakaraang taon.
“Their forces are almost 10 kaya sila nagkaganito kaya kasi wala na silang makuha na pakinabang sa mga biktima na kanilang na-abduct.”
“Yung mga hostages na hawak nila, dahil matagal na nilang hawak ito at walang nakukuhang ng maski anumang klaseng pagbabayad.”
“For many months that we have not heard of any abductions in the cease around Zamboanga, Jolo, Tawi-Tawi area.”
“This is an indication that their capacity to perform to do these criminal activities has been degraded tremendously.”
By Len Aguirre