Binabantayan na ng NBI o National Bureau of Investigation ang Hokage Bible Study, isang private group page sa Facebook dahil sa pagpo-post ng mga sensitibong larawan ng mga babae.
Ayon kay NBI Cybercrime Division Chief Martini Cruz, hinihikayat ang bawat miyembro ng grupo na maglagay ng larawan ng mga babae na kanilang pinagkakatuwaan.
Bagamat wala anyang hubad na larawan, nilalagyan naman nila ito ng caption na nakakasira sa isang babae.
Malaki ang impluwensya ng grupo dahil umaabot na sa mahigit isandaang libo ang miyembro nito.
Ang salitang hokage ay ginamit sa anime’ na Naruto para isalarawan ang isang simpleng manyakis na handang gawin ang lahat para makakuha ng babae.
By Len Aguirre