Patay ang isang suspek habang sugatan ang dalawa pa nitong kasama matapos na tambangan ang isang abogado sa northbound ng EDSA sa Quezon City bandang alas-12:30 ng madaling araw.
Batay sa inisyal na imbestigasyon, galing sa Greenhills ang SUV na minamaneho ni Atty. Arjel Cabatbat nang mapansing sinusundan ng tatlong suspek na lulan ng dalawang motorsiklo.
Paakyat ng Quezon Avenue ay pinaputukan ng mga suspek ang sasakyan ngunit naging maagap ang pagkilos ng abogado at agad nitong sinagasaan ang mga motorsiklo.
Dead on the spot ang suspek na si PO1 Mark Ayeras habang nilalapatan naman ng lunas sa East Avenue Medical Center ang kasama nitong si John Paul Serillo.
Nakatakas naman ang isa pa na pinaniniwalaang sugatan din.
Ayon kay Quezon City Police District Director Chief Supt. Guillermo Eleazar, maraming banta sa buhay si Cabatbat dahil sa kanyang propesyon.
Kabilang umano dito ay ang isang doktor na nakasuhan at napatanggal niya sa trabaho.
—-
