Patay ang 3 katao sa hostage taking sa isang hotel sa Bamako, Mali.
Ayon sa report, ang mga nasawi ay kinabibilangan ng 2 Malian nationals at isang French national.
Ipinabatid naman ng isang Malian Army Commander Modibo Naman Traore na 80 na mula sa 170 hostages ang napalaya mula sa Radisson Blue Hotel.
Sa ngayon ay hindi pa matukoy ng opisyal kung bakit pinalabas ng hotel ang 80 sa mga bihag at kung ilan pa ang nananatiling nasa loob ng hotel.
Una nang napaulat na 140 guests at 30 staff ang hawak ng mga armadong lalaki.
Ligtas na ang 5 sa mga empleyado ng Turkish Airlines at ang 12 Air France employees ay nakalaya na rin.
By Meann Tanbio
