Nanindigan si Budget Secretary Florencio Butch Abad na may basbas ng Pangulong Noynoy Aquino ang paggamit ng Disbursement Acceleration Program o DAP.
Inihayag ito ni Abad makaraang i-absuwelto ng Ombudsman ang Pangulo sa mga iimbestigahan nito dahil sa hindi ito itinuturing na impeachable offense.
Sinabi ni Abad, kaniyang inendorso sa Pangulo ang mga proyekto sa ilalim ng DAP at pinirmahan ito kaya’t nangangahulugan na aprubado ito ng Pangulo.
Nang tanungin kung aakuin ang pananagutan sa umano’y paglustay sa pondo ng DAP, sinabi ni Abad na handa niyang depensahan ang sarili sa posibleng technical malversation na isasampa sa kaniya sa Ombudsman.
By Jaymark Dagala
