Tuloy na ang pagpapatayo ng Commission on Elections (COMELEC) ng bagong mga gusali.
Ito ang kinumpirma ng COMELEC matapos basbasan ng Department of Budget and Management (DBM) ang pagpapalabas ng pondo para sa itatayong sariling gusali ng poll body.
Tinatayang nasa mahigit walong bilyong piso ang budget na nakalaan para sa itatayong COMELEC building sa tatlong ektarya na lupain ng komisyon sa Baclaran, Parañaque City.
Aminado ang COMELEC na nahihirapan silang kumilos sa kanilang ahensya dahil magkakahiwalay ang kanilang warehouse, main office at iba pang departmento.
Matatandaang, nasunog ang COMELEC office sa Maynila nuong linggo kung saan isang bahagi ng COMELEC Information Technology Department ang naapektuhan.