Posibleng umabot sa 15 ang bilang ng presidential candidates at 12 ang vice presidential bets sa eleksyon 2022.
Ayon kay COMELEC Spokesperson James Jimenez, kung sakali ay ito na ang pinakamaraming bilang ng mga tatakbo sa pinakamataas na posisyon.
Aniya, pinakamaraming presidential bets na naitala noong 1990 kung saan mayroong sampung aspirants.
Nilinaw naman ni Jimenez na hindi nila idineklara bilang nuisance candidates ang ilang aspirants para lamang mabawasan ang bilang ng mga kandidato sa darating na halalan.
Inaasahang ilalabas ng poll body ang opisyal na listahan ng mga kandidato sa December 15.
