Mahigit limang daang libong indibidwal ang nabakunahan kontra COVID-19 sa unang araw ng National Vaccination days.
Sinabi ni Health Undersecretary Myrna Cabotaje, 903 mula sa 1,600 LGU’s ang nakapagsumite ng inoculation report na katumbas ng 56.4%.
Nanguna ang Calabarzon sa pinakamaraming bilang ng nabakunahan na may 105,832 habang naitala naman sa Bangsamoro Autonomous Region in Muslim Mindanao (BARMM) ang pinakamababang vaccination rate na may 1,204 recipients.
Sa kabila nito, tiwala pa rin si Cabotaje na maaabot ang target na siyam na milyong indibidwal sa tatlong araw na COVID-19 vaccination drive.—sa panulat ni Hya Ludivico
